แนวกินยามขี้คร้านไปตลาด..ตำหมากม่วง..อิอิ

[บ่าวทิพย์คนอำนาจเจริญ]

มื้อเช้านี้เลิกงานไปอาบน้ำนอนยาวเลยพี่น้อง ตื่นขึ้นมาอีกเถื่อกะ5โมงแลง หิวข้าวคักหลายกะเลยเปิดตู้เสื้อผ้าซอกหาแนวกิน โอ๊ะตู้เย็นเนาะอุบอิบอุบอิบ พ้อบักม่วงดิบครับ คะเจ้าเอามาต้อนแต่โดนแล้ว ตำบักม่วงนี้หละกินกับข้าวง่ายดีอุบอิบ

ตำบักพริกหละกะสับบักหม่วงใส่โลดพี่น้อง บ่าวทิพย์หั่นหอมแดงใส่นำ มันสิแซบอีกแบบหนึ่ง

ปรุงโลดครับตามใจชอบ เครื่องปรุงที่ขาดบ่ได้กะนี้หละครับ ปลาแดก ใส่เทิ่งน้ำเทิ่งต่อนมักหลายอุบอิบ

มีปลาขี้โก๋ทอดกินนำครับ แก้เผ็ด พอแล้วคาบแลงอยู่พี่น้องอุบอิบอุบอิบ

[คนตระการ...]

น้ำหลายใหลเลยครับอ้าย....

[สาวทองแพง]

เป็นตาแซบแท้น้อ ให้กินนำแน่ ฉีกปลาแดกให้นำเด้อจ้า อุบอิบ

[เมษา]

เป็นตาแซ่บเนาะ ปลาก่าคือสิกรอบดีหลาย

น้ำลายใหลแหม คือเฮ็ดบาปกันแท้น้อ

[ชายหล่ามาดามศรี]

อ้ายทิพคือกินง่ายแท้ ฮ่าๆๆ

ทางนี้ซอกหาในตู้เสื้อผ้า แน้ๆๆ ตู้เย็นมีแต่โซดา

บ่มีแนวเป้นตาแกล้มพ้อมิด 5555

อุบอิบ อุบอิบ

[สาวทุ่งฝน]

อั่นเว่าเรื่องขี้ค้านกะบ่มีไผเกินฝนดอก ตะว่าเปิดตู้เย็นแล้วมันคือบ่มีบักม่วงคืออ้ายน้อ อิอิ

ฝนได้กินข้าวกับซอส ตรา ภูเขาทอง พุ่นแหล่ว กับข้าวฮ่อนๆ อยู่ได้ซอดแจ้งอยุ๋จ้า อิอิ

จังแม่นเฮ็ดกินเป็นคักเนาะ เว่าแล้วกะดาย กินง่ายจังสี้ เงินสิเอาไปเมี่ยนทางได๋ เอามาทางพี้กะได้เด้อจ้า คิคิ

[ตรี ศรีเมืองใหม่]

สูตรตําหมากม่วงบ่าวทิพย์นี้ เฒ่าแม่ผมตํากินกับข้าวเหนียวอยู่เป็นประจําตั้วครับ แซบอิหลี เด้อสิบอกไห่...

[เขมราฐ]

อ้ายทิพย์คือกินง่าย อยู่ง่ายแท๊ล่ะค่ะ

ผู้ได๋ได้อยู่นำคือสิบ่ต้องยากหาข้าว หาน้ำให้กินดอกติ๊ อุบอิบ

[บ่าวห้วยละโอง]

เป็นตาแซบน้อครับ เห็นแล้วน้ำลายไหล มาพ้อคนบ้านเดียวกันแล้ว

[แหลวแดง]

แต่เห็นภาพสื่อๆ กะน้ำลายไหลแล้วคับ เป็นตาจัดจ้านถูกใจผู้มักรสจัดเนาะ