พอได้ยินทิดคำศรีเพิ่นจาต้าน........สาวอิสานล่ะใจอ่อน
ส่งผญาเข้ามาอ้อน................นางน้องล่ะอ่อนใจ
บัดได๋แท้โตอ้าย...........เพิ่นมาม่ายสาวน้ำดำ
มีนามว่าสาวไก่...........ไฉไลอยู่ทางพุ้น
สาวอุบล มานอนไห้.............บ่าวพี่ชายบ่เหลียวส่อง
คันหลูโตนนาฏน้อง...............ไห้โตเจ้านั้ต่าวคืน...สาแล๋ว
5555555555+ อย่าซาเด้อพี่น้อง ผญามั่วซั้นดอกหวา
โอ๋หละน้องคนโก้ คั๊นเจ้ามีคนจองแล้ว ให้เหลือไว้แหน่หางตา
อย่าได้ป๋าได้ถิ่มอ้าย คนผู้ฮ่ายขี่หลี่ ว่าสายตาเจ้าบ่เห็น
ถึงอ้ายเป็นคนยาก แม๊นอ้ายเป็นคนผู้ฮ่าย หัวใจอ้ายยังอ๊องต๊อง
ได้มาจอบเบิ่งน้อง พี่มาซอมเบิ่งนาง บ่แม่นว่าบ่เจียมโต
กะย่อนน้องคนงาม กะย่อนสาวคนโก้ โตอ้ายจังไหลหลง
หักใจแล้วว่าสิลืม เตือนใจแล้วว่าให้ปลง สิลืมลงได้บ๊อเจ้า
จั๊งได้หลอยยืมหน้า จั๊งได้พาโตเจ้า มานอนเว่ายามอ้ายฝัน
บัดไก่ขันแจ้งแล้ว บ่อยากตื่น กะได้ลุก มานั่งเคร้าคนกอซอ
จั๊งมาเว่ากันใหม่ จั๊งมาคุยกันต่อ มื้อแลงอ้ายสิฝันหาอีกเด้อนาง.......
............................หัดใหม่ครับ บ่ม่วน บ่ถืก กะอย่าถืออย่าซาเด้อครับ คอบบ่มีคนสอนดอกครับ คึดเอาซื่อๆ
ป๊าดดดดดดดดดดดดด มาเป็นตาหลูโตนแท้ไก่น้องหล่ากระทู้ต้นฉบับโดยคุณ ไก่น้อย
มะๆๆๆอ้ายว่างอยู่ มะๆๆๆม้าๆๆๆๆอ้ายซิพาไปหยามปู่ เมืองซุมแพกะได้ ตัดใจโลดกัยอ้ายศรี*****กร๊ากกกก
...แนมทางหลังดีๆ เด้อเว่าไปนั่น...อิอิอิ...
แมนหยังกันน้อ
แนนเอย แม่นบ่อนอคำเว้า ว่าไผมักให้มาถาม
ย่านแต่นางคนงาม อ้ายกล่าวถามนางบ่อเว้า
ย้านบ่อสมกับเจ้า ผู้หงคำบินเซิน
ผู้บินเวินอยู่เทิงฟ้า สิแหนงหน้าบ่อเบิ่งกา..............แนนเอย
สวัสดีครับ....แม่นอกหักมาเบาะน้อนิ
โอ้น้อ .. บ่าวทองคำเอ้ย แนนนี่ขันติตั้ง สัจจังหมั่นเที่ยง
บ่ได้คิดเบี่ยงเลี้ยว ลวงล้อหลอกไผ
...ผัดแต่ฟังความเจ้า ความเก่าเอามาจา
มีแต่พาทีฮัก แม่นบ่อนได๋จริงแท้
ไผสิเป็นองค์เจ้า อรหันต์ตรัสส่อง
ไผสิมาสอดฮู้ ใจเจ้าว่าบ่จริง อ้ายเอย
...อันตัวน้องนี่ บ่ มีแปลงเลศลวงเสน่ห์
คันได้เอ่ยปากอ้าง สิมายม้างเป็น บ่ มี
ผัดแต่มื้อพ้อเจ้ามีแต่เฮาเว้าน่ำน่ำ
ให้คิดนำอ้ำล้ำ นำเจ้าอยู่สู่เว็น แท้น้อ
มักหลายผญาของอ้ายทองคำ มาจาต้านว่ามักสาวแนน
แนนเอ้ยแนนแม้นวาจาเจ้า กะมาวานปานน้ำอ้ยแท้น้อ
คนมาพ้อพบเห็นเป็นบักอ้าย สิมายม้างแม้นหทัยนี้ติ.......อิอิอิ
กฎการส่งข้อความ
อ้างข้อความนี้
Bookmarks