Sukkerkringler...เป็นชื่อดั้งเดิม...เป็นคุกกี้ที่มีคู่ประเทศนี่มาโดนแล้วปานใด๋บ่รู้หละจ้า บ่ได้ถาม...
คนรุ่นใหม่ขะเจ้าบ่ค่อยเฮ็ดกันแล้ว...มีแต่คนเฒ่าคนแก่ขะเจ้ายังเฮ็ดสู่ลูกหลานกินอยู่...
ติ๋มได้กินกะว่าแซบดี เลยขอสูตรเพิ่นมาพร้อม...คือติ๋มบ่อยากให้สูญหายไปกะเลยอยาก
ลองเฮ็ดเบิ่ง
ยังบ่มีชื่อเป็นไทยๆเลยพี่น้องจักสิเอิ้นคุกกี้อิหยัง..
บ่หมูอย่างที่คึดกะยังว่า...สูตรจ้า....ได้คุกกี้60ชิ้นพอดี...
น้ำตาลทราย1ช้อนชา
วิปปิ้งครีมสดที่ยังบ่ปั่นเคิ่งถ้วยกาแฟ
ยีสต์สด10กรัม
เนยสด150กรัม(ในสูตรที่เพิ่นให้มา250กรัม)หลายโพด ลดเองหละจ้า
แป้งเอนกประสงค์250กรัม
แล้วกะน้ำตาลเม็ดใหญ่ๆจัก100กรัม
ลงมือเลยจ้าเอาน้ำตาลทราย1ช้อนชากับยีสต์มาละลายกับวิปปิ้งครีม เนยหั่นเป็นชิ้นเล็กๆ
แล้วนำไปนวดกับแป้ง ลักษณะเป็นผงๆ เอาของเหลวมาใส่ นวดให้เนียนเลนจ้า...
สิเป็นก้อนแบบนี่ ใส่กล่องปิดดีๆใส่ตู้เย็นไว้1คืน
เปิดไฟเตาอบไว้ที่200องศาC
พอผ่านไป1คืนกะเอาแป้งออกมาแบ่งเป็นก้อนประมาณทอ(เท่า)ผลองุ่น
แล้วนำแป้งมาคลึงให้เป็นเส้นกลมๆเล้กๆยามประมาณ15เซ็นติเมตร...
ขดให้เป็นรูปkringler ภาษาไทยคือหยังฮึ คึดบ่ออก คือในรูปหั่นหละจ้า อิอิ
แล้วนำไปกดกับน้ำตาลเม็ดใหญ่ๆ...วางใส่ถาดที่รองด้วยกระดาษไข
นำเขาเตาอบประมาญ10-15นาที เฝ้าเด้อห้ามแชทเด็ดขาด
พอเหลืองสวยกะเอาออกจากเตาอบ วางใส่ตะแกรงให้เย็น เก็บใส่กล่องปิดแน่นๆสิได้กรอบโดนๆ
เสริ์ฟกับชา กาแฟยามบ่ายจ้า....
อ้างข้อความนี้
Bookmarks