อายไหม หากพูดภาษาอีสาน

[คนเมืองแปะ]

บ่อายคับ ไปค่ายอาสาเมื่อ 23-25 ที่ผ่านมาไปพังงากะยังเว้าอีสานนำหมู่ที่ไปนำกันที่เพิ่นเป็นคนอีสาน คนภาคอื่นที่เพิ่นฟังบ่ออกกะงงนำได้แปลให้ฟังพุ้นแหล่ว อิอิอิ

[ต่วง]

แม่นคืออ้ายพลว่าละครับคนอีสานบ้านเฮามักซิอาย บ่คือคนใต้เขาพ้อกันเขาซิแหลงใต้ใส่กันเลยบ่มีเขินอาย แต่ถามผมว่าเว้าอีสานอยากอายบ่ ผมขอตอบว่าบ่อายครับแม่นเว้าภาษากลางหน้าตากะบ่งบอกผอยู่แล้วว่าแม่นคนอีสาน อิอิ

[พล พระยาแล]

อ้างฮอด อ้ายพล....

ในบางจังหวัดอยู่ภาคอีสาน ก็ไม่พูดภาษาอีสาน เช่น อย่างสุรินทร์ บุรีรัมย์ เป็นต้น กรณีนี้เป็นข้อยกเว้นครับ อิอิ

ขอแก้ไขครับ
กรณี อยู่สุรินทร์ บุรีรัมย์ ศรีษะเกษ ที่ว่าบ่เว่าอีสานนั่นน่าจะเข้าใจคลาดเคลื่อนครับ คำว่าภาษาอีสานนั้น น่าจะมีความหมายรวมไปถึงภาษาถิ่นอีสานแต่ละพื้นที่คือกันอ้ายพล ภาษา เขมร ส่วย ที่ทางอีสานใต้เว่ากะเป็นภาษาพื้นเมืองอีสานอีกภาษาคือกัน เพียงแต่ว่าบ่แม่นภาษาลาวอีสานแค่นั้นเองครับ
เข้าเรื่องครับ ถามว่าอายบ่ที่ต้องเว่าภาษาอีสานในที่สาธารณะ คำถามนี้แอบแฝงความหมายของการแค่เรื่องการเว้า แต่ว่า น่าจะหมายรวมถึง "คุณมีรู้สึกว่าตัวเองด้อยค่าบ่ที่เกิดเป็นคนอีสาน" ถ้าตอบคำถามในเครื่องหมายคำพูดได้กะสิเป็นคำตอบเดียวกันกับ ถามว่า "คุณอายไหมที่ต้องพูดภาษาอีสานในที่สาธารณะ" การเว้าอีสาน เป็นการแสดงตัวตนเปิดเผยตัวตน ว่าคุณเป็นคนอีสาน ถ้าคุณกล้าแสดงว่าคุณมีความภูมิใจทีเกิดเป็นคนอีสาน ถ้าอยากอาย แสดงว่าคุณรู้สึกว่าการเป็นคนอีสานมันเป็นเรื่องที่น่าอาย...
เซียงเหมี่ยงบ่เคยอายเลยที่ จะแสดงตัวว่าเป็นคนอีสาน พ่อเซียงเหมี่ยงฯ เว่าเขมร แม่เว้าลาว บ้านเซียงเหมี่ยงฯ มีประชากรที่เว้าลาวหลายกว่า เลยได้ภาษาลาวมาแต่น้อย แต่ว่าพอใหญ่มา หมู่พวกหลาย ๆ กลุ่มเว้าเขมร กะเลยได้ภาษาเขมรระดับหนึ่ง เจอลาวเว่าลาว เจอเขมรเว่าเขมรครับ สำหรับเซียงเหมี่ยง...
สรุปบ่เคยอายที่เป็นคนอีสาน เปิดเผยเสมอว่าเป็นคนอีสาน ภูมิใจที่เกิดมาบนผืนแผ่นดินอีสาน คนอีสานกะมีคุณค่า มีความสามารถ ทัดเทียมกับคนไทยทุก ๆ คน บ่แม่นเรื่องน่าอายครับ....

โอ้ ครับ ขอบคุณครับเซียงเหมี่ยง เข้าใจแล้วครับ เป็นภาษาภาคอีสานอีกรูปแบบหนึ่ง แต่บ่แมนภาษาลาวอีสาน

[บ่าวสตึก]

บุรีรัมย์กะสิมีภาษา ไทยนางรอง(คือๆกะไทยโคราช) ภาษาเขมร ส่วย ลาว(อิสาน)คนที่เว้าเขมรเพิ่นสิเว้าลาวบ่ได่เพิ่นสิเว้าไทยสำเนียงสิออกเขมรฟังแล้วกะฮู้เลยว่ามาจากไส บ้างหมู่บ้านเพิ่นกะสิมีคุ้มลาวคุ้มเขมรอยู่ในหมุ๋บ้านเดี่ยวกัน แม่ของบ่าวสตึกเว้าได่ตั่ง4ภาษา กะมี ไทย ลาว ส่วย เขมร (อินเตอร์ขนาด) บ่าวสตึกเกิดในหมู่บ้านเขมรกำลังหัดเว้าเฒ่าพ่อเราพาย้ายเข้ามาอยู่ในอำเภอกะเลยเว้าบ่ค่อยได่แต่กะพอฟังออกขอกินข้าวกินน้ำนำเพิ่นได่อยู่กะยังว่า..

[ลูกสาวที่ราบสูง]

สวัสดเจ้าค่ะ อ้าย..พลและทุกคนเด้อเจ้าค่ะ..
นามว่าน้ำรินเจ้าค่ะ...
น้ำรินเป็นคน จันทบุรี..ย้ายมาอยู่อิสาน..กับคุณพ่อเจ้าค่ะ
และก็ชมชอบคนพื้นบ้านอิสาน..น้ำรินไม่เเคยอายเว้าอิสานแม้จะเว้าบ่เก่งก็ตามคือไม่แข็งแรงเจ้าค่ะ
พอน้ำรินรู้ว่าบ้านมหานั้นมีคนอิสานมากมายจึงได้มาสมัครที่บ้านมหาเพื่อจะเรียนหรือเว้าอิสานเจ้าค่ะคริ ที่ามาของน้ำรินเจ้าค่ะ.
..หลวงปู่ท่านกะเว้าอิสานเด้ออ้าย...เพื่อนบอกว่าอย่าเว้าหลายบ่คือแต่น้ำรินกะเว้าเพราะมักนั้นแมะเข้าใจบ่อ้าย...
ไปเซ็นทรัล..ขึ้นห้างน้ำรินกะเว้าอิสานตั๊วอ้าย..ถึงจะบ่แข็งแฮงกะมักเว้าตํ๊วม่วน ซั่นแล่ว...คริๆๆๆๆ
ซิอายเฮ็ดหยั่งหวา ลันลา...ยืมคำอ้ายพลเจ้าค่ะ กริ๊ดดดดดดดดดดดดดดดดๆๆๆๆ

[ริมฝั่งหนองคู]

อยู่ใน สนามบินต่างประเทศ โทรศัพ เว้าอีสานโก้กๆ เลยครับอ้ายพลเป็นเสน่ย์อีกอย่างหนึ่งของคนอีสาน

[พล พระยาแล]

อยู่ใน สนามบินต่างประเทศ โทรศัพ เว้าอีสานโก้กๆ เลยครับอ้ายพลเป็นเสน่ย์อีกอย่างหนึ่งของคนอีสาน

สนามบินประเทศใด๋น้อครับ เห็นดอกซากูระ คือสิแมนญี่ปุ่นน้อครับ กรี๊ดดดดtim:tim:

[ไผ่หวาน]

บ่อายดอก แต่อายยามเ้ว้าไทยกลางแล้วตกภาษาอีสานหลายกั่ว อิอิ ....

[๛หนุ่มบ้านไกล๛]

ที่ อ.สังขะหมู่บ้านผมพูดภาษาไทยเขมร หมู่บ้านทางทิศเหนือพูดภาษาไทยลาว หมู่บ้านทางทิศใต้พูดภาษาไทยส่วย วัฒนธรรมทางภาษาก็เลยผสมปนเปกัน สามารถฟัง พูด เข้าใจได้หลายภาษา ลูกหลานรุ่นใหม่ พ่อแม่ จะสอนให้พูดไทยกัน แต่ที่แน่ ๆ ถึงจะสอนให้พูดไทยอย่างไรก็ตาม การซึมซับภาษาของเด็ก ๆ สามารถฟัง พูดภาษาท้องถิ่นของตนเองเข้าใจได้ ผมว่าอย่างนั้นนะ เพราะหลานผมพ่อแม่ก็สอนให้พูดไทย แต่พอผมพูดภาษาไทยเขมร ไทยลาวด้วย มันก็ฟังออก รู้เรื่อง อิอิ

[พล พระยาแล]

โอ้ บ่าวยุทธ ถือว่าได้เปรียบครับ ฮู้หลายภาษา ผมกะอยากเว่าเขมรได้คือกันครับ เพราะรู้สึกสิหลงเสน่ห์สาว ๆ ทางอีสานใต้อยู่ครับ บ่าวยุทธ ฮ่า ๆ ๆ ๆ