... อยากเป็นเพียงคนฮักอ้าย บ่หมายอ้างเป็นอย่างแฟน...

**น้องแพรจ้า** · 02-11-2009, 22:27

สายสัมพันธ์อันได๋อ้าย มาผูกสายด้วยความห่วง ส่วนความหวงเป็นบ่ได้ ย่านคนไกล้เผิ่นซักถาม

ในทุกยามคิดฮอดหน้า อยากโทรหาเอาเสียงส่ง สิ่งที่คงพอเฮ็ดได้ คือฝากให้แค่อักษร

ส่งบทกลอนแทนเสียงเว้า วาดภาพเหงาออกเป็นสื่อ นี่หล่ะคือคนฮักอ้าย บ่หมายอ้างเป็นอย่างแฟน

หวังเพียงแขวนคำฮักเจ้า ในซอกเงาความหมองหม่น น้ำตาปนความเจ็บช้ำ กะยังย้ำฮักเสมอ

กรรมหยังเด้อนำฮักอ้าย บ่เคยหายจากความห่วง ฮู้เต็มทรวงผู้ยืนข้าง คนอย่างน้องได้แค่เงา

บ่เรียกเอาหยังเด้อจ้า เพียงเมตตาถ้าคิดต่อ กะแค่ขอข้อความอ้าย ยามหายหน้าว่าคิดถึง

บ่อาจหึงบางมื้อให้ บ้างน้อยใจบ้างยิ้มส่ง บ่ประสงค์เพียงบอกไว้ ว่าใจนี้ลืมอ้ายบ่เป็น

[Radio]jolo/Pare/paya/Notforget.mp3[/Radio]

**เจ้าพระยา** · 02-11-2009, 23:27

ชอบจังเลย เพลงก็เพราะ ผญากะซึ้ง น่าหลูโตน ถ่าเปนนั่นจิง ขอบคุณครับ

น้องไอซ์ · 03-11-2009, 04:29

มักจ้าม่วนแฮงชึ้งคัก

**sompoi** · 03-11-2009, 17:14

อ้ายผู่มีบุญเอื้อ เหลือใจเด้บุพเพบ่ส่ำ ชาตินี้นางได่แต่หล่ำ นำฮอยเจ้าบ่าวพี่ชาย
บ่อาจหมายเข้าเคียงใกล้ ขอคือไผ๋ที่ใจห่วง บ่คึดควงดอกเทียมข้าง ตางต่ออ่มลมหายใจ
เป็นไปได่บ่อน้ออ้าย คนทางใจที่ไกลตา ปรารถนานำจาเว่า บ่หาญเข้าดอกฮ่วมเคียง
ขอเป็นเพียงคนฮักอ้าย บ่หมายเว่าเอาอย่างฝัน หากสิปันน้ำใจบ้าง เอิ้นสั่งนางแน่ยามเห็น
คึดว่าเป็นเช่นแฮงใจ ยามได๋เหงาเศร่าหมองหม่น ให้เป็นคนปรับทุกข์ฮ่อน จั่งจากจรยามยากหาย
เพราะความฮักดอกเด้ออ้าย อาสาไปเพราะใจสั่ง หวังแต่เพียงเข้าใจบ้าง อย่าจืดจางทางไมตรี ..เด้อจ้า

กะหาหัดแต่งเด้อจ้า บ่ม่วนกะอดสาเอาเด้อพี่น้อง.. แจมนำน้องกะน๋า..

**น้องขวัญ** · 04-11-2009, 09:30

คือเศร้า ๆ น้อค่ะเอื้อย แม่นเป็นแนวคือเพลงเผิ่นว่าอิหลีติจ้า ยังแต่นำบ่ออกเด้อค่ะ

คิดออกก่อนจั่งสิมาซ่อยโพสนำจ้า เศร้า

**เพ็นนี** · 04-11-2009, 13:09

เศร้า ซึ้ง เพลงม่วน
ไผบ่เจอกับตะของกะบ่ฮุ้ดอก
ว่ามันเจ็บปานได๋

***

เมื่อเลือกแบบนี้ จะทรมานก็ต้องทนไหว:
สิ่งเดียวที่พอทำได้คือบอกหัวใจว่าอย่าฟุ้งซ่าน (เพลงพาไป)