น้ำแครอทปั่น...

[ติ๋ม เปอร์โย]

มื้อนี่ได้น้ำปั่นเพื่อสุขภาพมาฝากอีกสูตร น้ำแครอทปั่นใส่เนื้อส้มซันควิกนำ เบิ่งสูตรโลดจ้า
แครอทปอกเปลือกล้างน้ำหั่นเป็นชิ้นเล็กๆ5หัว
ส้มซันควิกตัดหัว+ท้ายตัดเปลือกออกตามยาวของลูก หั่นเอาแต่เนื้อส้ม4ลูก
กีวีเหลือ1ลูกบ่มีคนกินปอกเปลือกหั่นใส่ลงไปนำโลด บ่เบื่อดอก
น้ำส้ม ครึ่งลิตร+น้ำแอ๊ปเปิ้ลครึ่งลิตร
เอาทุกอย่างลงโถปั่นให้ละเอียด...เทใส่โถแก้วใบใหญ่ ใส่ในตู้เย็นให้เย็นจัด
เวลาเสริ์ฟกะเทใส่แก้ว ดื่มเพื่อสุขภาพจ้า
มักหวานมักเค็มเติมเกลือ น้ำเชื่อม น้ำผึ้งได้ตามใจชอบจ้า...แต่ติ๋มกินแบบส้มๆแบบนี่หละ

ต่อไปพบกับน้ำใบบัวบกจัก3คุถังแก้โรคช้ำในเนาะพี่น้อง...โถเดียวย่านบ่หายแหม๋...

[เมษา]

กินแล่วมันสิอ้วนบ่ติ๋ม รับประกันบ่หือ ย่านแหม แฮงบวมอยู่ อิอิ

เป็นตาแซ่บอยู่เนาะ ขอยืมสูตรไปลองแนเด้อติ๋ม ลองเฮ็ดกินเบิ่งเผื่อมันสิจ่อยลงเนาะ

[สะใภ้อิสาน]

อื้อหือ แต่ละเมนู จะไปเปิดร้านที่ไหนคะเมื่อไรคะ สุดยอดคะ ขอบคุณนะคะขอเอามาทำให้ลูกชิมบ้าง
มันจะเหมือน เจ้าของสูตรทำบอกไม๊หนอ อิอิอิ ลองดู

[เพ็นนี]

ไปหาซื้อเครื่องปั่นก่อนน้า...

[ติ๋ม เปอร์โย]

จักแหล่วพี่เมษา อีกจัก2อาทิตย์ข้างหน้าสิมารายงานดอกจ้า ว่าน้ำหนักเพิ่มบ่ อิอิอิ
แต่รู้สึกว่าดี..2แก้วยามเช้า 2แก้วก่อนข้าวเที่ยง 2แก้วยามแลง 1แก้วก่อนนอน บ่รู้สึกว่าหิวข้าวจ้าพี่...
แล้วดีต่อระบบขับถ่ายนำ...ลองเบิ่งจ้าพี่ เพิ่นว่าน้ำผัก ผลไม้เป็นยา พะนะ...
สะใภ้อิสานจ๋า...ติ๋มบ่ใจเย็น พอสิเปิดร้านอาหารได้ดอก...อิอิ คั่นสิเฮ็ดให้เด็กๆกินกะอย่าลืมใส่น้ำเชื่อมเด้อจ้า...
น้องเพ็นนี...เครื่องปั่นเอื้อยซื้อมาแล้วใช้คุ้มค่าอิหลี.....

[แจ่มใสยิ้มสวย]

สีสวยแท้ แฮงชอบสีเหลืองอยู่ เกี่ยวกันมั้ย มาป่วน ติ๋มซือๆ นี่หละ ฮ่าๆๆๆๆ แต่สิเฮ็ดอยู่ดอกจ้า คือจิง่ายกั่ว ขนมปังดอกหวา เพ็นกวินเอ้ย

[ละไมฝน]

เบต้าคาโรทีนสูงนะครับ