ผญา เป็นภูมิปัญญาอีสานที่น่าภาคภูมิใจมากค่ะ เฮามาเอาผญาในดวงใจมาแลกกันดีบ่คะ
"คันแม่นคิดฮอดน้องให้เหลียวเบิ่งเดือนดาว
สายตาเฮาสิก่ายกันอยู่เทิงฟ้า"
ฟังแล้วโรแมนติคดีเนาะค่ะเนาะ ไผมักผญาใด๋แหน่ เอามาแลกกันได้เลยค่ะ
ผญา เป็นภูมิปัญญาอีสานที่น่าภาคภูมิใจมากค่ะ เฮามาเอาผญาในดวงใจมาแลกกันดีบ่คะ
"คันแม่นคิดฮอดน้องให้เหลียวเบิ่งเดือนดาว
สายตาเฮาสิก่ายกันอยู่เทิงฟ้า"
ฟังแล้วโรแมนติคดีเนาะค่ะเนาะ ไผมักผญาใด๋แหน่ เอามาแลกกันได้เลยค่ะ
เมื่อมั่งมี มากมาย มิตรหมายมอง เมื่อมัวหมอง มิตรมองเหมือนหมูหมา
เมื่อไม่มี หมดมิตร มุ่งมองมา เมื่อมอดม้วย แม้นหมูหมา ไม่มามอง
ในหัวใจดวงน้อยนี้ มีเจ้าอยู่ เหมิดสุห้อง
เข้ายึดครอง เหมิดทั้งดวง ล่วงเลยมาโดนแล้ว
บ่มีแววสิไลล้าง ห่างหาย ไกลหนีจาก
ซ่างมาปักหลักหมั่น พันเกี้ยว อยู่หว่างใจ แท้นอ..
สิไปใส กะบ่ได้ โอ้อ่าวคะนิงหา
ทุกเวลาในหัวใจ บ่เคยไกล ไปจากเจ้า
บ่ว่าแลงหรือเซ้า คิดนำเขา อยู่หง่อม หง่อม
จนอ้ายผอม จ่อยแห้ง สิม้มแล้งนี่บ่นอ...นางเอย
สุดแต่ใจนางน้องสี่ห้องกะให้เหมิด
อ้ายอย่าเปิดหน่ายแหนงหนีลงทางน้ำ
มันสิบู๋ป่าข้าวเหยียบหนามบ่ฮู้เมื่อ
เทิงกาบหอยตำเนื้อตอต้นสิตำตีน
อ้ายอย่าปีนหนีน้องเฟือยใบไม้หง่า
ขึ้นสาขาหมู่ไม้มดแดงน้อยกับงูเขียว
ให้เจ้าเหลียวเบิ่งหน้านวลนางน้องแหน่
อย่าสิแว่จากน้องหนีหน้าว่าห่างไกล
น้องยังเก็บเอาเจ้าเข้าอยู่ในหัวใจ
อย่าซุไลลาหนีห่างนางแสนซั้น
ให้กลับคืนมาถ่อนหม่อมพะนางยังถ่ายุ
ขอให้ได้อยู่ซ่นจวบฟ้าสิทะลาย .....อ้ายเอ๊ย
บ้อไปใสดอกหล่าอยู่ใจนางท้อนั้น
ฮักของเฮามั้นแก่นบ่อมีหยั่งเปรียบใด่
คนของใจนั้นคือน้องบ่อเคยมองสาวคนใด๋
เก็บนางน้องอยู่ในใจบ่อมีไผเข้ามาเกี่ยว
ฮักแค่นๆๆน้องคนเดี่ยวเหนี่ยวแน่นเด้อ....นางเอ้ย
Bookmarks