ลองเบิ่งเด้อ...คะน้อย..
ผุ้ข้าขอกราบก้ม พนมมืออภิวาท
ลงตรงบาทบิดาไท้ จากใจลูกผุห่างเหิน
ยากนำเงินบาทแบงค์ ไปขายแฮงอยู่ต่างถิ่น
ใจถวิลคึดอ้อล้อ นำพ่ออยู่สุวัน
ทุกสิ่งอันพ่อบอกไว้ บ่เคยไลลืมห่าง
ทุกสิ่งอย่างพ่อสอนไว้ ยังจำได้อยู่สุคำ
ตอนนี้ทำการงานสร้าง เป็นลูกจ้างหวังเงินเพิ่น
คึดฮอดพ่อเหลือเกิน อยากได้เงินเพิ่นใช้ จำใจต้องห่างลา
ขอวันทาเทพไท้ พระรัตนตรัยสิ่งศักดิ์สิทธิ์
จงปกปิดคุ้มภัย ให้อีพ่อแน่เด้อเจ้า
ลูกขอเอาผญาก้อม น้อมนบแทนมาลา
รักษาสุขภาพแน่เด้อ ฮักเสมออยู่เด้อพ่อ
หนาวอยู่บ้อน้อทางบ้าน ฝากกราบกรานอีแม่แหน่
คึดฮอดพ่อกับแม่ ว่างสิแว่ไปยามเจ้า กราบแทบเท้าพ่อแม่เด้อ...
ได้ส่ำนี่ล่ะขอรับ...สุดยอดของแท้ต้องท่านอาจารย์ศรี เด้อขอรับ
Bookmarks