วันหยุดไปกินส้มตำบ้านเซเว่น

[เพ็นนี]

13 ธ.ค. 52 เฮ็ดงานยามเช้า ขึ้นไปนอนเว็นยุห้องพัก ตื่นขึ้นมาบ่มีหม่องสิไป
นั่งมองโทรศัพท์คือบ่มีไผทอมาน้อ...ลงมาเปิดคอมยุออฟฟิศ แบบว่าหาหม่องไป
เบิ่งว่ามีไผออนเอ็มน้อบ่อยากยุห้องซือๆแมะ

และแล้วกะได้ผู้โชคดี...ไปบ้านเซเว่นก่อนน๊า จากแยกเหม่งจ๋ายไปสะพานควายบ่ไกลปานได๋ ขับมอร์ไซค์ฮ้างไปเลย..บ่ถึงคึ่ง ชม.ฮอดบ้านกั๊ก (บ่มีหยังติดมือไปจักอย่าง)

ไปฮอดบ้านทันนั่งเลยจ้า เจ้าของบ้านพาเข้าครัว
7 "กินหยังไป่เพ็น"
เพ็นนี "บ่ๆเขาอิ่มมาแล้ว"
7 ยกปุกปลากแดกออกมา "เพ็นเอาไปกินแน๊ ตักไปหลายๆโลด"
เพ็นนี "ป้าด ปลาแดกคือหอมแท่ เป็นตาตำหมากหุ่งเนาะ"
7 "กินบ่หล่ะ เขาสิไปซื้อหมากหุ่ง"
เพ็นนี "กินกะได้จ้า" ยกกล้องมาถ่ายปุกปลาแดกห้อมหอมแมะพี่น้อง


ปลาแดกเพิ่นง้ามงาม ห้อมหอม :-*



ซื้อหมากหุ่งมาแล้วกะจัดการโลดเนาะ เพ็นนีเป็นคนตำจ้า ใส่ต่อนปลาแดก 2 ทัพพี
แซ้บหลายกินกับข้าวปุ้น


เหลือขาปูกับเปลือกบักพริก บักเขือเทศกะบ่เหลือเด้อ
ข้าวปุ้นถุงบักใหญ่กิน 2 คน อิ่มหลายเหลือยุคำเดียวกะยัดบ่ลง



ลูกสาว7เพิ่น


อีกโตจ้า..อิอิ

กินอิ่มแล้วกะลาเพิ่นกลับ ห่อปลาแดกกับหมากหุ่งที่เหลือกลับมานำ 555+
ม่วนหลายพี่น้อง....วันหยุดหน้า...สิไปบ้านไผดีน้อ??

[ปีใหม่]

ส้มตำน่ากินจังเลยจ้า เมื่อวานปีใหม่กะได้กินคือกันส้มตำ เผ็ดซี๊ดๆๆเลยแมะ อิอิ

[ผู้ก่อการรัก]

ส้มตำน่ากินหลายเพนนี ตำมาให้สักจานเด้อจ้า

[casinoseven]

เซ่นกับตัวเล็ก เป็นตาฮักเนาะ บ่มีไผ๋ ย้อง กะย้อง เองนิหละ ฮ่าๆๆๆๆๆๆๆๆๆ

[บ่าวจัย]

เป็นตะแซบแท้น้อเพี่ยนตำหมากฮุงน่ะ ต่อนปลาแดกปลากิเดิดกะงามคักเอามาซีกแนๆๆๆๆๆๆๆๆๆๆ

[บ่าวน้อยยโส]

ต่อนปลาแดกคึเป็นตะแซบแถะน้อ

[ตรี ศรีเมืองใหม่]

น้องดําขํา กับน้องเซเว่น ส่างบ่อตําขนปุกปุยใส่นําแหน่ ฮ่าๆๆๆ (แซว)

[ชิงช้าชาลี]

กรี๊ด ปลาแดกต่วงบักหลาย กินจังได๋สิเหมิดล่ะ โยนมาทางพหลซอย 8 แน่เอื้อย

[สาวทองแพง]

สะออนปลาแดกจ้า ส้มตำกะเป็นตะแซบแฮง
ไคน้อพี่เพ็นไปได้ถ่ายรูป ตอนแพงไปติคาคุยแต่กันจนลืมถ่ายรูป อิอิ
ปีหน้าพ้อกันให้กอดแน่นๆแนะเด้อจ้าเอื้อยทั้ง :heart:

[สาวเกษตร]

หืยยยยยยยย ไปกะบ่เอิ้นกันเลยน้อคนเฮาแมะ อิอิ