หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: ป่นปลาทู น้ำพริกปลาทู น้ำพริกปลาร้า

  1. #1

    ป่นปลาทู น้ำพริกปลาทู น้ำพริกปลาร้า

    ส่วงไข้แล้วหิวข้าว นอนซมบ่กินข้าวมา2มื้อแล้วหละพี่น้อง...
    คึดอยากกินอิหยังเผ็ดๆเค็มๆแหน่จักหน่อย...หลังจากที่จางปากขมปากช่วงเป็นไข้นะจ้า
    อันดับแรกค้นตู้เย็นก่อน ได้ผักมา3-4อย่าง ไปเบิ่งตู้แช่แข็ง มีปลาทูสดอยู่2ตัว ป่นปลากินดีกว่า
    เริ่มจากหุงข้าวก่อนจ้า เอาข้าวแช่น้ำไว้จัก1ชั่วโมง แล้วจังหุง เพราะเป็นข้าวซ้อมมือจ้า ข้าวแข็งเด๋ คั่นหุงโลด
    แล้วกะจัดการต้มปลาทูใส่ปลาร้า(ปลาแดก)เห็นมีหมากเขืออยู่กะต้มใส่นำกัน หมากเขือเหลืองพร้อม
    ต้มจนหมากเขือเหลืองนุ่มกะใช้ได้แล้วจ้า ปลาทูแกะเอาแต่เนื้อปลา หมากเขือเหลืองลอกเปลือกถิ่มไป
    ทีนี่กะหั่นหอมแดง กระเทียม คั่วใส่กระทะแห้ง ใส่พริกกระเหรี่ยงลงไปคั่วใส่นำกัน
    คั่วจนพริกเปลี่ยนสีหละจ้า หอม กระเทียมกะสุก ตักออกไว้ หั่นผักชี กับผักชีฝรั่ง เตรียมไว้
    ป่นปลาทู น้ำพริกปลาทู น้ำพริกปลาร้า
    ลวกผักไว้โลดจ้า ติ๋มมีแต่หน่อไม้ต้ม ผักบุ้ง บร็อกโคลี่ลวก แตงกวาหั่นๆใส่จานไว้
    มาเริ่มตำป่นค่ะ ใส่พริก หอม กระเทียม เกลือลงโขลกพอแหลกใส่ปลา โขลกต่อไป
    แล้วใส่มะเขือต้ม โขลกจนเข้ากัน ใส่น่ำต้มปลาร้า คนๆแล้วใส่ผักชีที่หั่นไว้ คนๆพอเข้ากัน
    ชิมเบิ่ง คั่นยังบ่เตค็ม เติมน้ำปลาได้จ้า ตักใส่ถ้วย ติ๋มมักให้ออกรสส้มๆ ขอบีบหมากนาวหน่อยหนึ่งค่ะ
    ป่นปลาทู น้ำพริกปลาทู น้ำพริกปลาร้า
    ตักใส่ถ้วยเสริ์ฟกับข้าวซ้อมมือหุงนุ่มๆ แซบดีจ้า กินข้าวเบิดจานเลย ผักกะเบิดจานนำ
    เมนูนี่ สิว่าเพื่อสุขภาพกะได้จ้า มาเด้อพี่น้องกินข้าวนำคนป่วย ลงกระทู้แล้วง่วงพอดี
    อดนอนบ่ได้เลยช่วงนี่ นอนหลายสิวกะขึ้นแก้มเม็ดทอโพนหนี่...จักยามใด๋สิส่วง...
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  2. #2
    ร่วมถ่ายทอดความรู้สู่สังคม สัญลักษณ์ของ แจ่มใสยิ้มสวย
    วันที่สมัคร
    Mar 2009
    ที่อยู่
    USA
    กระทู้
    961
    บล็อก
    18
    ของโปรดจ้า

    กินน้ำพริกซิจ๊ะ ถึงได้สะได้สวย บ้านน้องใช่ร่ำใช่รวย ฮิ้ววววววววว อ้าวๆ เป็นกะเขาคือกั๋นเด้นี่
    แก้ไขครั้งสุดท้ายโดย แจ่มใสยิ้มสวย; 30-11-2009 at 02:24.

  3. #3
    แบ่งปันความรู้และประสบการณ์ สัญลักษณ์ของ บ่าวเมืองลำดวน
    วันที่สมัคร
    Sep 2009
    กระทู้
    598
    อาหารซั้นเลิศเด่น้ำพริกฮั่นนะเว่าแล้วมื่อตำกินก่อนน๊า

  4. #4
    ศิลปิน,ช่างภาพอิสระ สัญลักษณ์ของ เพ็นนี
    วันที่สมัคร
    May 2009
    ที่อยู่
    Bangkok
    กระทู้
    1,308
    บล็อก
    2
    ของมักเลยจ้าป่นปลาทู
    ว่าแล้วขอกินน้ำคนป่วยแน๊จ้าเอื้อย ..

    หายเร็วๆเด้อจ้า ช่วงนี่อากาศเปลี่ยน

  5. #5
    แบ่งปันความรู้และประสบการณ์ สัญลักษณ์ของ บ่าวหนองกี่
    วันที่สมัคร
    Sep 2008
    ที่อยู่
    สุขประพฤติ
    กระทู้
    108
    ป่นนัวๆ ได่ข้าวเหนียวฮ้อนๆ จั้มโบ๊ะลงไปบวกใหญ่ๆ ... ใหญ่มาได่อยู่ซุมื่อกะย้อนกินพริกกินป่น นี่หล่ะ

  6. #6
    มักกินป่นกินแจ่วหละ...ได้กินแบบนี่กะคึดฮอดแม่ เลามักกิน พอเลามักกินเลากะเฮ็ดแต่อาหารแบบนี่เลี้ยงลูกจนใหญ่ แต่บ่สูง อิอิ
    แม่นค่ะกินกับข้าวเหนียวสุดยอด...แต่ติ๋มพึ่งส่วงจากไข้เลยกินข้าวจ้าว ข้าวซ้อมมือแทน กินข้าวเหนียวย่านบ่ย่อยนะจ้า...
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  7. #7
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307
    อิอิ พี่ติ๋ม ไคเเน่ละฟั่งหาเเนวกินเลยน้อครับกินยามใด๋กะบ้อเบื่อดอกครับป่นเเจ่วเเซบคือเก่าอิอิ

  8. #8
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    น้องติ๋มส่วงไข้อยากกินแนวเผ็ดๆเค็มๆว่าติ .....// พลิก กับ เกลือเด้อน้อง ฮ่าๆๆๆๆๆ เอิ้กกก เซาไข้แล้วเทื่อหน้ามาไทยอย่าลืมพาบ่าวหล่อไปกางเต้า..... โอ๊ะ.. กางเต้นท์ที่ภูฝอยลมเด้อหล่า ฮ่าๆๆๆๆ หนีดอกย้านคนป้อย
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  9. #9
    ร่วมถ่ายทอดความรู้สู่สังคม สัญลักษณ์ของ ลูกอิสาน
    วันที่สมัคร
    Dec 2008
    กระทู้
    460
    กำลังคิดอยากกินเมนูนี้พอดีเลยจ้าเอื้อยติ๋ม ให้บีกินน่ำแหน่เด้อจ้าเป็นตาแซบหลายจ้า

  10. #10
    แบ่งปันความรู้และประสบการณ์
    วันที่สมัคร
    Dec 2008
    กระทู้
    274
    น่ากินจ้า แต่แอนชอบใส่แมงดา ด้วยจ้า มันจะมีกลิ่น แต่แถวนี้หาแมงดายากเนาะจ้ พอดีกลับบ้านงวดที่แล้วซื้อหัวเชื้อมา2โหล แต่ยังไม่ได้กินเลย อดไว้จ้า เด๋วลูกเลิกนมจะกิน

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •