พระเอกธนิตน้อย เพชรพนมไพร มาแล้วครับ

**ตรี ศรีเมืองใหม่** · 27-01-2010, 23:04

.... พี่น้องถามหากันซวดๆว่าอ้ายเซียงน้อยหายไปไส คือเงียบแท้ พะนะ ตอนนี้อ้ายเซียงเองก็กลับมาแล้วครับ หลังจากไปตามหาติดต่อหมอลํา นําหาตัวยากหลายพระเอกหมอลําเฮากะดาย //งานกินข้าวแลงฮักแพงกัน วันที่ 13 นี้ พี่น้องสิได้สัมผัสกับพระเอกหมอลําธนิตน้อย เพชรพนมไพร ตัวเป็นๆ หลังจากไปซุ่มซ้อมเพื่องานนี้ 1 ปีเต็มๆ พี่น้องสิได้พบกับลีลาการร่ายรํา ในรูปแบบต่างๆ ของพระเอกหมอลําเฮา และสิร้องตามคําขอของพี่น้อง มักกลอนได๋ก็ขอเข้ามาได้ ครับ ส่วนทีมงานหางเครื่อง นางเอก พ่อพระยา ไปตัดอ้อยอยู่ชลบุรีบ่อทันมา ปีนี้ก็เลยศิลปินเดี่ยวไปก่อน เลาว่าปีหน้าครบรอบ 5 ปี บ้านมหาสินําคณะใหญ่ วงใหญ่มาลงเต็มรูปแบบ ทั้งหมอแคน มือซอ มือพิณ และนักร้องหมอลํา เต็มรูปแบบ .. พี่น้องคอยติดตามข่าวสารได้ครับทางเวบบ้านมหาของเฮา

[radio]up/file/Som_Jit_NumUdon.wma[/radio]

**nuzing** · 27-01-2010, 23:21

สอยๆสอยไปไสมาซะมามิดซะมาหมี่
ปานว่าเล่นบักลี้เนาะ พระเอกน้อยของยาย โอ๊ยบาดกดเอทีเอ็มมะคือ ป๊าบๆๆโลด ลืมรหัสพะนะโอ๊ยๆถ่าช้ากั่วนี่ผู่ใหญ่บ้านเผิ่นสิยึดตำแหน่งศิลปินบ้านมหาคืนคักๆยายเอ๊าๆมาแล้วกะขอไว้ล่วงหน้าเด้อจ้าขอเพลง "เสียงแคนจากแมนชั่น"เด้อคร้า ฮิ้วๆๆๆๆๆ

**บ่าวกบินทร์** · 28-01-2010, 00:38

เต็มที่เลยเด้อครับ อ้ายธนิตย์.....

**เมษา** · 28-01-2010, 02:36

เว่าได้คำเดียวค่ะ ว่าสุดยอด

เสียดายแท้น้อบ่ได้ไป

**หนุ่มน้อย** · 28-01-2010, 05:58

ดีใจที่อ้ายธนิตน้อย เพชรพนมไพร จากเมืองร้อยเอ็ด เผิ่นสิมาฮ่วมงานพาแลง 13 กุมภาพันธ์ นี้ คือสิได้ฟังลำหม่วนๆ ซ่วนด้วยเสียงแคน แล่นแต๋แล่นแต่ ละน้อ
เว้าเรื่องอ้ายหมอลำธนิตน้อยนี้ นอกจากสิลำเก่งแล้วกะยังใจดีนำครับ คราวสงกรานต์ที่หาดคูเดื่อปีก่อน เผิ่นกะซ่อยเหลือพี่น้องเฮา ซ่อยซุก ซ่อยหยู้ ซ่อยถู ซ่อยดึง จนรถที่ติดหล่ม ไปมาได้ ซ่อยให้พี่น้องเฮาพ้นจากความทุกข์ยากลำบาก จังแหม่นเราดีหลาย เพิ่นกะจังมาช้าไปนิดหน่อยนั่นหละว้า วันงานพาแลงกะสิจอบฟังลำนำเผิ่นอยู่ดอก
c06:

**ต่วง** · 28-01-2010, 08:42

ยินดีต้อนรับเป็นอย่างยิ่งเลยคับศิลปินเสียงดีมีเสน่ห์กับเพศตรงข้าม อิอิ ยังระลึกถึงเสมอครับอ้ายธนิต อ้ายที่แสนดีมีน้ำใจ บ้านมหาของเฮา

**พล พระยาแล** · 28-01-2010, 09:05

ทางภาคอีสานชื่อเสียงดังคักครับ อยากเห็นหน้าตัวเป็น ๆ เด้น้อ ได้ยินว่าเสียงดีคัก
แค่เลาขึ้นไปไอใส่ไมค์ซือ ๆ กะค่าตัวสามหมื่นแล้วเด้ครับ ป๊าดดด อยากเห็น ๆ

**บ่าวจัย** · 28-01-2010, 09:18

ป๊าดดดดดดดอ้ายธนิตเพิ่นหายไป เพิ่นไปนำหาหมอลำคณะปีกลายนี้ติครับอ้ายเซียง
ป๊าดดดดดดดคือสิหากันพ้อแล้วเนาะจั่งเห็นอ้ายเพิ่นกลับมาเฮียนอีกเทื่อ คิดฮดอเด้อรับอ้ายธนิตน้อยอิอิอิ