เกี่ยวข้าวแล้ว กะถือ กะคุ๊กะเสียมน้อย ย่างลงท่งนา หาขุดอิปู กะขัวหมากหอย มาใส่งาย ค่ะพี่น้อง คนขี้ดื้อหัดอ่อมหมากหอย ตามฮอยอิแม่พาอ่อม จกฮู้ปู พ้องูส่ำ อิปูหนีบมือ 555
พ้อตะได้ หมากหอยกะอิปูมาแล้วกะเอามาล้าง ละกะต่อยก้นหมากหอย เพื่อ ความสะดอกในการจูบ แล้วะกะไปลัก ขุดเอาหัวเผือกอิแม่ปลูกไว้ยุหลังเล้า มาจัก 2 หัว ละกะมา ปอกเปลือก ล้างน้ำละต้มเผือกจนสุก ใส่หมากหอยที่ต่อยก้นไว้ ละมาถึงคราวอิปูออกงานละบาดนี้ ล้างอิปู น้อย แกะดองออก ตำใส่ครกเอาตะน้ำปู เท ลงหม้อแบบบ่ต้องย้านเบิ้ด 5555
ปรุงความแซบ แบบบ่ต้องคิดหยางหลาย เริ่มที่น้ำปลาแดก นัวๆ ตักมาจากไห เทลงไปจัก กะบ่วง 1 ก่อน ใส่เกลือ จักหน่อยๆ พอมีรส นัวๆ ตำหมากพริกเก็บมาจากสวน ใส่ลงไปค้า เอาหน่วยลงใส่นำกะดี ห่าเทื่อคนมักกินเผ็ด
อ้อ อะลืมคนหมากหอย แดวจูบบ่ออก อิแม่พาว่า คนหมากหอยแล้ว กะใส่ ผงนัว(ผงชูรส นั้นเอง) อะใส่หลายเด้อ หัวจะล้าน แล้วละกะซิมเบิ่ง ค้า แซบบ่ เติมน้ำปลาจักหน่อยใส่คุณอิตู่ กะ ผักแม่ชีลาว ต้นหอม แล้วกะตักใส่ถ้วย จูบหมากหอยบาดนี้ 5555
Bookmarks