หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 26

หัวข้อ: ลาบปลาค้าว

  1. #1
    ดูแลตรวจสอบเนื้อหา สัญลักษณ์ของ แหลวแดง
    วันที่สมัคร
    Mar 2008
    กระทู้
    1,912

    รอบยิ้มพิมใจ ลาบปลาค้าว

    เมนูนี้กะต้องอาศัยว่าเมือบ้านเฮาหว่างหั่นหละคับ ยามแลงกะไปย่างตลาดชุมชนตลาดน้อย เพิ่นสิมีของมาขายหลายอย่างหลายแนว ส่วนมากสิเป็นของแนวกินอีสานบ้านเฮา มื้อนั้นโชคดีไปพ้อปลาค้าว ขะเจ้าเอามาแต่น้ำซี เลยซื้อมาโตหนึ่ง เอามาลาบสู่อี่พ่อกิน
    เชิญชมและเชิญชิมได้เลยคับ



    ลาบปลาค้าว

    เฮากะจัดการเลาะเนื้อ เถือหนังปลาออกมาเลย เว้าปานหนังจีนเด้เดียวเนี่ย อิอิ ตอนเลาะเนื้อออกมาบ่มีรูป เพราะมือบ่ว่างคับ เอาเนื้อไว้ต่างหากรอการเถือหนังออก

    ลาบปลาค้าว

    ส่วนนี้เป็นหัวกับส่วนอื่นที่สับไว้ถ่าต้มส้ม กินกับลาบอีกต่างหาก หนังที่เฮาเอาเนื้อออกกะมาต้มนำกันเลย ขวดเขียวๆแดงๆทางเทิงนั้นกะเป๊กไปนำ เฮ็ดไปนำ มันจั่งเพลินดีตั้ว

    ลาบปลาค้าว

    ต้มไว้ก่อนเลยเนาะคับ จั่งไปเฮ็ดลาบ คือลาบแล้วๆกะตักออกไปกินได้เลยหั่นหนา ลาบเฮ็ดใหม่ๆจั่งแซบตั้วเนาะ เว้ายืดยาว ค้างหม้อเลย สังเกตเบิ่งหม้อแล้ว หม้อหน่วยนี้บ่แม่นแต่ผมเข้า ป.1 พุ้นได๋บุ๊ อิอิ ฝานั้นกะบ่แม่นฝามันดอก โชว์สื่อๆ แต่ว่าบ่ฮั่วเด้ ต้มแกงได้สบายเนาะ อย่าคิดหยังหลาย สับหัวข่า หัวขิงไคใส่ลงไป ผมบ่ใส่ใบบักกรูดดอก เฮ็ดแบบบ้านๆ ระหว่างที่รอหม้อฟดกะแล่นไปเด็ดบักขามดิบมาจักสี่ห้าหน่วย เอามีดทุบพอแตกกะถิ่มใส่หม้อเลย อย่าลืมเกลือหยุมหนึ่งถิ่มไปนำ ขออภัยบ่มีภาพ เฮ็ดผู้เดียว แล่นหาอั่นนั้นอั่นนี้ เลยบ่ได้ถ่ายฮูปกะยังว่า รอให้หม้อฟดอย่างแฮงซะก่อนเนาะ

    น้ำฟดลั้วะๆดีแล้ว กะเอาปลาลงหม้อเลย ตามสูตรเนาะ อย่าคน เอาไว้จั่งซั้นหละ รอให้ปลาสุกซะก่อน

    ปลาสุกแล้ว กะปรุง ซิมเบิ่งก่อน ส้มบ่ เค็มบ่ จั่งปรุงเพิ่ม น้ำปลา ผงชูรส ให้กลมกล่อม บ่ต้องจัดหลาย เพราะว่าสิไปซดตอนกินลาบพุ้นเด้ แม่นบ่คับ แล้วกะอย่าลืมเอาพริกแห้งเสียบไม้จี่ไว้พร้อมคับ คั่วกะได้ ให้ไหม้ๆจักหน่อยจั่งหอมเนาะ ปรุงพอใจแล้วกะหักพริกจี่โฮยลงไป ผักซีหอม (ผักหอมป้อม) โฮยหน้าลงไป ปิดไฟได้เลยคับ

    ลาบปลาค้าว
    เนื้อซุมหว่างหั่นหละคับ เถือหนังออกเอาแต่เนื้อ สับให้แหลก บีบบักนาวจักสองหน่วย ใส่เกลือจักหน่อย คั้นคักๆ แล้วกะปั้นน้ำออก ได้จั่งซี้หละ

    ลาบปลาค้าว
    ใส่พริก ข้าวคั่ว ที่เห็นขาวๆนั้นเกลือเด้อบ่แม่นผงชูรส ชูรสบ่ได้ใส่ขั้นตอนนี้ดอก อิอิ แล้วกะคนเลยคับ หรือว่ามือคั้นเอากะได้ แต่ว่าผมเอาทัพพีคนเอา ย้านลาบมันสิเค็มโพด

    ใส่เครื่องปรุงลงไป น้ำปลา ผงชูรสหน่อยเดียว เพราะว่าเนื้อปลามันสิออกนัวๆในโตมันอยู่แล้วเนาะ (คึดว่า) ตอนปรุงผมบ่ได้ใส่บักนาว แต่ว่าใส่บักกอกแทนคับ เฮ็ดไปนำ ซิมไปนำ จนคึดว่าแซบพุ้นหละ

    จั่งใส่ผักเป็นรายการสุดท้าย ผมกะใส่ต้นหอมซอย ผักซี (อยู่บ้านเอิ้นผักหอมป้อม) แล้วกะหัวข่าซอยละเอียดจักหยุมหนึ่ง คนให้เข้ากันอีกเทื่อหนึ่ง กะเป็นอันเสร็จคับ


    แล้วเหมิดทุกอย่าง พร้อมที่สิตักออกไปกินได้แล้วคับ

    ลาบปลาค้าว
    กินกับผักแพว ผักกะเดา ผักหอม ผักซีหมู่นั้นหละ อี่พ่อบอกว่าแซบหลายว่าซั้น ผมบ่ได้บังคับเลาว่าเด้ เลาว่าเอง อิอิ อย่าลืมเอาไปคั่วไว้ให้อี่แม่นำเด้อ เด็กน้อยหมู่นั้นหละ แบ่งไปคั่วนำ สองถ้วยนั้นเป็นลาบดิบ กับลาบคั่วเด้อ


    แน่ เกือบลืมตั้วบาดได๋ ก่อนกินกะเอาจักหน่อย จักสองขวดเด้อ มันจั่งกินข้าวแซบ สิ่งที่นำเสนอกะคงสิเป็นประโยชน์บ่หน่อยกะหลายเนาะคับ ขอบคุณที่ติดตามรับชมคับผม:heart::heart::heart:

  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    โอ้ยยยยย อยากซดฮ้อนๆ จ้ำลาบไปนำ ผักกับหลายๆ คือสิคักเนาะ.....

  3. #3
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    610
    บล็อก
    5
    ลาบปลาดิบบ่กล้ากินนำดอกจ้า กินลาบคั่วสุกฮ่วมพากับเด็กน้อยดีกั่ว 55+ อยากซดน้ำต้มปลาฮ้อนๆ เด้เนาะคือสิแซบ ที่สำคัญคึดฮอดบรรยากาศกินข้าวฮ่วมพาพร้อมหน้าพร้อมตาครอบครัวจ้า ความแซบมันอยู่หม่องหั่นล่ะ

  4. #4
    tiwan
    Guest
    น้ำลายใหลเลยครับ

  5. #5
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    บ่อเคยกินแต่ว่าเป็นตาแซบคัก... ใส่กับบักสองซาว คือสิเข้ากันดีเน๊าะ
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  6. #6
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    2,872
    ป๊าดดดดดดอ้ายดุลไปทางได๋น้อบาดนี้มาเด้อ แนวเจ้ามักมาแล้ว
    เบิ่ดละบ้ออ้าย ตักมาทางคุ้มสามเสนแนครับจักหม้อใหญ่ๆเด้อพี่น้องหลายครับ
    ได้ผักหนอกของบ่าวจัยไปเก็บมากินกับคือสิแซบคักผมว่าอ้ายแหลวแดงฮึว่าจั่งได๋ฮ่าๆๆๆ
    หล่อคืออ้าย กินข้าวบายกบตั๋วะหล่า

  7. #7
    แบ่งปันความรู้และประสบการณ์ สัญลักษณ์ของ ชิงช้าชาลี
    วันที่สมัคร
    Jun 2009
    กระทู้
    644
    บล็อก
    1
    เป็นตาแซ่บจ้า ถ้าเป็นลาบสุกคือสิคักกว่านี้อยู่

  8. #8
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307
    โอ๊ยยยยยน้ำลายใหลเด่น้ออ้ายอยากิยข้าวนำเด่น้อครับต้มดูกปลาหัวปลาเเฮงเเซบหลายเด่น้ออ้าย

  9. #9
    ร่วมกิจกรรมนำความรู้ สัญลักษณ์ของ เซียนเมา
    วันที่สมัคร
    Jun 2009
    ที่อยู่
    Suratthani
    กระทู้
    1,450
    ฮ่วย!บ่ต้องลวกเลยบ้อท่าน จั่งซี่มันต้องฟาดกับ บักสองซาวคือว่าฮั่นหละเนาะ
    แล้วกะซดต้มฮ้อนๆล่องคอไปนำ กรึ๊บ อีกจักเถื่อ เหวยสุดยอดเบิ๊ดคำสิเว้าถ่อนั่นแหล่ว พะยะ่ค่ะ

    แก้ไขครั้งสุดท้ายโดย เซียนเมา; 15-01-2010 at 20:33.

  10. #10
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,421
    บล็อก
    1
    ขอบคุณสำหรับเมนูอาหารบ้านเฮาครับ อยากคุ้ยนำเด้จักคำ คือสิแซบคัก

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •