อ่อมบักหอยจูบแบบไทอำนาจ....

[บ่าวทิพย์คนอำนาจเจริญ]

เบิ่งวันที่5ธันวา บ่ได้เฮ็ดเวียกครับ เด็กน้อยไปยามหมู่ที่เฝ้าบ่ปลาให้คะเจ้าอยู่นครปฐม เก็บบักหอยจูบมาฝากครับ กะเลยสิอ่อมแบบบ้านเฮากิน เพราะว่าบ่ได้กินมาโดนแล้ว จำสูตรเฒ่าแม่มา คือสิเฮ็ดเป็นกับข้าวนั่นหละพี่น้อง ถ่าจิ้มหัวก้อยเฮ็ดเป็นกับแกล้มอีกย้านผุสาวจ่มยุ เริ่มเฮ็ดเลยเนาะครับ

บักหอยจูบเอาแส่น้ำไว้จักคืนก่อนครับ ให้มันคายขี้ดินออกก่อน จั่งมาล้างขี้ไคลน้ำออกให้สะอาด เสร็จแล้วกะต่อยก้นมันออกครับ ต่อยก้นให้เบิดซุหน่วยเด้อครับ กะซั้นเวลาอ่อมแล้ว ไผถืกหน่วยบ่ต่อยก้นจูบจนตาสวดหัวมันกะบ่ออกเด้อครับ

เตรียม3อย่างนี้ไว้ตำใส่กันครับ มีตะไคร้ พริกสด แล้วกะข้าวเบียครับ ตำให้แหลกครับ ใส่หม้อใส่น้ำจักเคิ่งขันครับ เคี่ยวพอเดือดจั่งใส่หอยจูบที่ต่อยก้นแล้วลงไป

พอหอยสุกกะปรุงเลยครับ ผักกะใส่ลงไปก่อนสิปงหม้อครับ กะมีต้นหอม ผักชีลาว ผักกะแงง หละกะลูกโดดครับ พอผักยุบกะปงหม้อโลด

มาๆพี่น้องกินข้าวแลงนำกันครับc06:

[แหล่โสตาย]

ป่นพริกน่ะน๊า เปนตาแซบ แตวาหอยนี่สิจูบต่อหน่าอ้ายบ่ายคือสิบ่ได้ดอก ย่านเจ้าคิดแนวอื่น ข่อยอาย อิอิ

[เต็มใจให้เธอ]

มาเด้อ มากินอ่อมหอยสูตรพี่น้องไทอุบล


เป็นตะแซบเนาะครับบ่าวทิพย์

[ใบไม้สีชมพู]

ใส่ผักกะแยงคือไทสกลอยู่เนาะจ้า
สูตรไทโคราชบ่ใส่ผักกะแยงค่ะ
หน้าตาเป็นตาแซบเนาะจ้า รสชาติคงจะแซบนัว

[เพ็นนี]

สูตรนี่หล่ะนำหามาด่นแล้ว 55+ อ้ายทิพย์ใส่ผงนัวหลายบ่อ้าย 55+

[เขมราฐ]

เป็นตาแซ่บเน๊าะค่ะอ้ายทิพย์ รูปหล่อเฮ็ดกับข้าวเก่งอีกต่างหาก อิอิ...

คือบ่ใส่ผักคุณเลิศนำแหน่ค่ะ

[บ่าวกุดชุม]

ระวังมือเด้อต่อยบักหอยนั่นแหมอ้าย

[สาวแพม]

ตาแซ่บแท้ละอ้าย เว้าแล้วอยากสิเมียบ้านกินหลายๆคน

[ลูกหินกอง]

สิลองไปเฮ็ดเบิ่งก่อนน้า..ได้สูตรแล่ว

[ตรี ศรีเมืองใหม่]

นี้ละครับสูตรอุบลของแท้ต้องใส่ข้าวเบือ และผักอิเลิศ