ปีใหม่ที่รอคอย.....

[ติ๊กต็อค]

หลายคน ตั้งหน่าตั้งตารอมื้อสิได้ เมือบ้าน
บุญใหญ่ ที่เฮาสิได้เมือ คือบุญปีใหม่ กับบุญสงกรานต์

ปีใหม่ โรงงานติ๊กเขาหยุด 4 มื้อ กะเลยเปลี่ยนเวรกันมาคนละ 2 มื้อ

เย้ๆๆๆ ๆๆๆๆๆๆๆๆๆ ได้เมือบ้าน tim:

เมือแลง 30 ได้นอนนำอิแม่คืนเดียวกะเอาเนาะ แลงวันที่ 1 กะต้องฟ้าวกลับมา

เพื่อที่ทำหน้าที่ของเจ้าของ ต่อ ไป--------สักวันฉันจะต่าวคืนเมือบ้าน :heart:

ดีใจนำ พี่น้องที่สิได้เมือบ้านปีใหม่ จั่งได๋ กะขอให้เดินทางปลอดภัยซุคนเด้อจ้า

"เมา ไม่ ขับ " เนาะ สิได้กลับสู่อ้อมกอดอิพ่อ อิแม่ ผู้เพิ่นตั้งหน่า ตั้งตา ถ่าลูกเมือบ้าน

ปีใหม่นี้ ติ๊ก ขออารธนา คุณพระศรีรัตนตรัย
ขอพรเทวดาผู้ปกปักรักษา ให้คุ้มครอง คุ้มภัย ให้กับพี่น้องบ้านมหา
ให้มีแต่ความสุขตลอดปีและตลอดไป เดินทางปลอดภัย สุคนเด้อจ้า

:heart: อีก 17 มื้อ ลูกสิได้เมือกราบอิพ่อ กับ อิแม่ แล้วจ้า ....นับมื้อถอยหลัง รอแล้วละ..:heart:

[บ่าวจัย]

ของอ้ายเหลือเวลาอีก สิบมื้อกะสิได้กลับบ้านแล้วน้องติ๊ก อยากสิกลับบ้านแฮงแล้วคิดฮอดลูกแฮง

[พล พระยาแล]

ว้าว อีพ่อกับอีแม่พากันไปเก็บบักพริก กรี๊ดดด

[หนุ่มเหงาคนไกลบ้าน]

อยากกลับคือกันครับน้องติ๊ก ปีใหม่คงจะเหงาอยู่ทางไกล คิดฮอดพ่อเเม่ เพื่อน เด่น้อครับกลับบ้านปีใหม่หรือช่วงเทศกาลม่วนครับ กะขอให้เดินทางกลับบ้านโดยสวัสดีภาพเด้อครับ ขากลับมากะเเนวฝากเเยวต้อนนำเด้อครับ อิอิ

[เพ็นนี]

ปีใหม่ปีนี้บริษัทเพ็นนี..โอ๊ะบ่แมน หน่วยงานที่เพ็นนีเฮ็ดงานยุ(เพราะแต่ละไซท์งานหยุดบ่ทอกัน)
หยุด 7 มื่อ หยุดตั้งแต่ 30 ธ.ค.-5 ธ.ค. กะอย่างว่าละเนาะ คนก่สร้างเนาะ ตอนเฮ็ดงานเฮ็ดบ่ได้หยุด
พอหยุดกะหยุดยาวหลายมื่อ 55+ บ่ต้องอิจฉาเขาเด้อติ๊ก อยากกอดเฒ่าแม่กะอยู่ไกลคนล่ะซีกโลก
เฒ่าพ่อกะโทรหายุ แต่คงบ่ได้ไปหาดอก
ไผได้กลับบ้านไปยามพ่อแม่กะขอให้เดินทางโดยสวัสดิภาพ โชคดีมีชัยเด้อค่ะเด้อ

[สาวทองแพง]

เดินทางปลอดไปเด้อจ้าพี่ติ๊กจ๋า ดีใจนำผุสิได้ไปยามบ้านน้อจ้า
ทางพี้ฮอดเทศกาลกะมีแต่ฝากไปกับสายลมว่าคิดฮอด2เฒ่าหลายจ้า
c06:พี่เพ็น หยุดข้ามปีเลยบ่จ้า 30ธ.ค-5ธ.คพะนะมาดีแท้จ้า คิคิ

[คนตระการ...]

ปีใหม่นี่ บ่อรอคอยนำไผดอก...สิรอหลังปีใหม่พู้นล่ะ............งานพาแลง อิอิ

[เขมราฐ]

กรี๊ดด พ้อกันร้านกกขามเด้อเจ้... วันที่ 1 มค. จ๊ะ เขาจะรอ บ่มาเขาสิไปรับอยู่ ห้วยขะยูงเลย

[ริมฝั่งหนองคู]

ไคแหน่อยู่ครับผู้ได๋ได้เมือบ้านกะขอไห้เดินทางปรอดภัยโชคดีปีไหม่กันทุกคน ผมมีงานช่วงปีไหม่บ่อได้กลับบ้าน สิรอของฝากจากบ่าวจัยดอกครับ

[ชิงช้าชาลี]

ดีใจกับเด้อติ๊กที่ได้เมื่อบ้าน หน่าบ่ได้เมือซ้ำ หยุด 30 แต่ 31กับ 1 มาเฮ็ดงาน หยุดอีกเทือ 2-3
เมือบ่ได้ดอก อีแม่จ่มวะซั่น ว่าอยากเมือบ้านไปกินปลา ปีใหม่ ว่าสิส่งเขาเมือกับรถทัวร์กะย่านเลาฮากใส่รถเพิ่น ซั่นดอก