มื้อนี้บ่าวสิมาแนะนำวิธีถนอมอาหารแบบบ้านเฮาครับ ผัดกะแงงนี้ใส่หยังกะแซบครับ ใส่อ่อมหอย อ่อมกบ แกงใส่ปลาข่อกะแซบ ผักกะแงงเชิงธุรกิจที่มีขายตลอดปีใบมันสิงามยุครับ แต่ว่าบ่หอมฉุนคือผักกะแงงนำไฮ่นาเฮา ผักกะแงงนำไฮ่นาเฮาเวลาหย่างผ่าตอเฟืองกลิ่นกะเตะดังแล้วครับ อันที่บ่าวทิพย์เอามาเฮ็ดนี้ครับ เป็นผักกะแงงมาจากบ้านเฮา คะเจ้าเอามาขาย 3กำสิบบาท มื้อนั้นกะเหมามาเบิดเลย ล้างดีๆครับ ตัดฮาก หละกะเก็บใบเฟืองข้าวออก ใส่กระด้งตากให้แห้ง ตากจนกรอบเลยครับ แดดดีๆ3แดดกะพอครับ
พอแห้งดีแล้วกะตำเลยครับ ใช้ครกเด้อครับอย่าใช้เครื่องปั่นไฟฟ้า มันสิแหลกโพด ตำเสร็จแล้วกะห่ายใส่ขวดโหลไว้ครับ เก็บไว้เฮ็ดกินได้เป็นปี ยามใส่กะใส่เถื่อละช้อน2ช้อน ส่ำนี้กะหอมฟุ้งเต็มหม้อแล้วครับ:l-
Bookmarks