สวัสดีจ้า เอื้อยๆ อ้ายๆ พี่น้องบ้านมหาซู่คน ชีวิตในเกาะกลางทะเลอ่าวไทยของขามป้อม กะบ่ค่อยมีหยังตื่นเต้นดอกจ้า วันหยุดกะขับรถไปหาเที่ยววัด ไหว้พระไปตามเรื่องตามราว ที่จริงวัดในเกาะสมุยนี่กะมีอยู่หลายวัดอยู่จ้า แต่มื้อนี้ขามป้อมเอามาสู่เบิ่งเป็นบางส่วน มื้อหน้าถ้าได้ไปวัดอื่น สิเก็บภาพมาฝากอีกจ้า
เริ่มกันที่ เจดีย์แหลมสอ
เป็นเจดีย์ที่สร้างขึ้นโดยหลวงพ่อแดง พระภิกษุที่เป็นที่เคารพนับถือของชาวเกาะสมุย ท่านมรณภาพเพราะเรืออับปาง เมื่อ พ.ศ. 2519 องค์พระเจดีย์ประดับด้วยกระเบื้องสีทองทั้งองค์ ภายในบรรจุพระบรมสารีริกธาตุจ้า
ขึ้นไปไหว้หลวงพ่อแดงกันจ้า เทิงเรือพุ่นล่ะ ในเรือกะยังเป็นสระปลาได้อีกจ้า มีปลาดุกยักษ์ ปลาสวาย ปลาค่อกะมี แต่ว่าบ่ได้เก็บภาพมาให้เบิ่ง น่าน
หลวงพ่อแดงจ้า
ขึ้นเขาอีกลูกหนึ่งจ้าบ่ไกลกันปานได๋ ไปไหว้พระกันต่อเลยจ้า
พระพุทธบาทเขาเล่
ตั้งอยู่ที่เขาเล่ บ่ไกลกันกับเจดีย์แหลมสอจ้า ประมาณ 10 กิโลเมตรยังอยู่ในเส้นทางเดียวกันอยู่จ้า ระยะทางที่ย่างขึ้นเขากะมีบันไดทั้งหมด 146 ขั้นจ้า บ่ค่อยสูงปานได๋ (ลิ้นห้อยพุ่นล่ะ ก๊าก) ตัดต่อตอนขึ้นมาฮอดแล้วโลดเนาะ ค่อยบ่เมื่อย ก๊าก
พระใหญ่ เป็นพระพุทธรูปปางมารวิชัย ชื่อ "พระพุทธโคดม" ขนาดหน้าตักกว้าง 5 วา 9 นิ้ว บริเวณเกาะฟาน
Bookmarks