มื้อนี้ได้อ่านกระทู้ ตัวอย่างหนังเชอร์ล็อคโฮล์ม ที่ Khunsurin นำมาฝากบ้านมหา กะเลยขอนินทา งานเจ้าของแน่เถาะ
เพิ่นละว่าให้โทรไปเชิญลูกค้ากิตติมศักดิ์ของบริษัทไปเบิ่งหนังเรื่องนี้วะซั่น บ่ได้เบิ่งโรงหนังปกติ คือหมู่เด๊ะ พู่นน่ะ ไปเบิ่ง Enigma พารากอนพู่น หม่องนั่งละ 1500 ได้ฟรี 2 หม่อง 3000 พู่นแล่ว
งานเข้าเมื่อวาน ไปเบิ่งวันศุกร์นี้ เฮ็ดจั่งได๋จั่งสิให้ซุมเด็กน้อยโทรทันล่ะ ป้าด หน้าหงิก หัวฟู ตั้งแต่เมื่อวาน จนฮอด 14.00น. เพิ่งจะครบ 17 คู่ โทรไปเอิ้นไผไปเบิ่งของฟรีกะบ่อยากไป เพิ่นสิไปแต่ต่างประเทศ พะนะ โอ้ยอยากเอาตั๋วไปแจกเด็กน้อยแถวบ้านเด๊ บ่แม่นมันสิแล่นคุบพู่นบ้อ
เว้าหลายกะเมื่อย เลยเวลากินข่าวสวย บ่ทันหมู่ซ่ำ เลยอดกินข้าวแกงไฮโซ ถ้าจั่งซั่น ไปหาแนวกินบ้านเฮาดีกั่ว ตำบักแตงป้าอ้วนเจ้าเก่า หน้าเซเว่น ข้าวปุ้น + ไข่เป็ด 2 หน่วย กินพู่เดียวพร้อม 555 หวานหน่าล่ะทีนี้ มาๆจ้ามากินข่าวสวยตอน 14.30น. นำกัน
อ้างข้อความนี้
Bookmarks