-
สมาชิกที่ยังไม่ยืนยันอีเมล์
แด่พี่น้องบ้านมหาสุคนจ้า
พี่น้องเอ้ยเพิ่นว่าเมืองอิสานนี้ดินดำน้ำชุ่ม
ปลากุ่มบ้อนคือแข่แกว่งหาง
ปลานางบ้อนคือขางฟ้าลั่น
จักจั่นฮ้องคือฆ้องลั่นยาม
คนมีศีลดินมีน้ำ บ่ฮ่อนขาดเขินบก
ฝูงหมู่สกุนานกบินซวนซมปลายไม้
ไทเมืองไกลเมืองใกล้ไปมาได้จอดแว
น้ำใจหลายดีแท้แท้ หมู่เฮาชาวอิสานซั่นแหลว
-
ศิลปินแดนไกล
จ้าแมนแล้วไผ๋ว่าอีสานแห่ง ไผ๋ว่าอีสานแล้ง นำเต็มแก่งปลามีเต็ม อยู่อีหลีเนาะจ้า
ผญามวนดีมีความหมายดีคักจ้า สุพรรณณีจ๋า
แก้ไขครั้งสุดท้ายโดย chudhancock; 20-01-2010 at 22:18.
-
เจ้าหน้าที่ประชาสัมพันธ์
มาเด้อเจ้าอิสาณเฮาบ่ออดหยาก หลายหลากล้นผลละไม้กะหมั่งมี คนกะดีเลิศล้นทั้งคำเหล่าคำจา
บุญผลาไผมีจั่งได้เนาอิสาณกุ้ม สุมทุมไม้สดใสทั้งร่มหลื่น ทั้งหม่วนซื่นแซร่ซร้องทำนองนั้นถูกใจเหลือ ยามมีบุญหมู่เฮาเอื้อเกื้อต่างกะซ่อยแฮงกัน ไผมีมัน มีปลากะเอามาโฮมตุ้ม ซ่อยขุดหลุมหาไม้มาเหลาจักตอก บอกบุญญาติพี่น้องผองเพื่อนฮ่วมกุศล แต่ละคนต่างหวังมุ่งมีธรรมะอยู่ในใจ บ่อได้ไลลืมเลือนสร้างกุศลอยู่แลงแล้ง ซ่อยกันแปลงกันสร้างบ้านเมืองให้เฮืองหุ่ง ปรารถนามาดมุ่งอิสาณนี้ให้อยู่เย็น ซั่นแหล้ว
-
ศิลปินแดนไกล
แดนอีสานคนขาลซ้ำ ไผ๋ได้มาเยี่ยมหยาม
สิถามซ้ำแล้วจำจือ หลงอีสานเอาดื้อดื้อ
เด้อเจ้าคั่นเว้ามา เรื่องแนวกินบอน้อยหน่า
แมนไผ๋มากินจนอิ่ม เอิ้นมาซิมเอิ้นมาเว้า
เอิ้นกินข้าวดอกนำกัน แมนไผ๋มาได้นั่งบ้าน
คนอีสานเป็นคนซือ สิ นับถือแบบพี่น้อง
จองหองนั่นหากบอมี เฮ็ดความดีขยันสร้าง
เฮียกไฮ่นาสวน ขอเซิญซวน
ดอกมาหยาม พืชผลที่ทำไว้
มีเทิ้งผลไม้ หัวขิงไค๊แหละหอมบัว
ปลูกพืชผักสวนครัว เบิ๊ดสุคนอยู่ในบ้าน ขยันนั่นแมนอีหลี
แก้ไขครั้งสุดท้ายโดย chudhancock; 03-01-2010 at 00:46.
Tags for this Thread
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks