ไปดักหนู

[บ่าวกุดชุม]

ว่างเว้นจากการเฮดเวียกงานแล้ว กะชวนหมู่ไปหาใส่บ้วงดักหนู พอได้มากินยามเช้าครับ
ออกไปทุ่งนาหาจุดหมาย รูหนูพุ้นหล่ะ

ไปๆๆๆ ล่งโถ่งไปหาหนู ไปหารู หาคลองย่างมัน

นี่ล่ะรูหนู เฮดใหม่ๆๆ เป็นตามีอยู่ ขวยใหม่ๆๆๆ

นี่เบิ่งเอาโลดขวย หมุ่นอุ้ยปุ้ย

นี่ล่ะร่องรอยเผิ่นมาถิ่มไว้ กันหญ้าหมุ่นอุ้ยปุ้ย

ดักหนูนำคลองมัน

ดักสิบ่วงน้อยๆๆ อย่าให้มันติดดิน

ตายคักๆๆ ยายหนูซิง

บ่วงนี้ดักน้อง หนูน้อย หวังผล บ่อยากให้ถึกดอกหนูซิงหนูเฒ่า กระดูกแข็งกินบ่แซบ

นี่ล่ะผลงาน กำลังสิเอาไปถอนขน บ่หมานปานได๋ ได้หนูกำลังหนุ่มสาว กำลังคั่วแซบ

เล็กๆๆ น้อยๆๆ จากทีมงานครับ

[แหลวแดง]

คือเอาลวดเส้นน้อยแท้คับ บ่ย้านมันกัดลวดขาดติ อิอิ แข้วคมขนาดเด้ เอาไปคั่วเนาะ

[ฅนภูไท]

แหล่มๆครับๆ ฅนภูไทว่าถ้าสอดแทรกเรื่องวิชาการหรือภูมิปัญญาของบรรพบุรุษของเฮาอีกนิดสิแหล่มมากๆเลยครับ เผื่อว่าผู้บ่รู้ที่สนใจเข้ามาศึกษา สิได้รู้ได้ศึกษา ฝากตรงนี้แหน่เด้อครับ

[กำพร้าผีน้อย]

แหล่มๆครับๆ ฅนภูไทว่าถ้าสอดแทรกเรื่องวิชาการหรือภูมิปัญญาของบรรพบุรุษของเฮาอีกนิดสิแหล่มมากๆเลยครับ เผื่อว่าผู้บ่รู้ที่สนใจเข้ามาศึกษา สิได้รู้ได้ศึกษา ฝากตรงนี้แหน่เด้อครับ

.. ทั่นบ่าวกุดชุม..ว่างๆกะเอาอุปกรณ์ดักหนูที่คนอิสานเฮาฮู้จัก แล้วกะวิธีการใช้
อุปกรณ์แต่ละอย่างมาลงให้พี่น้องเพิ่นได้เบิงแล้วกะได้ศึกษานำแนเด้อครับ..ย่านคนรุ่นใหม่ลืม เอาใจผู้มักวิชาการซั่นดอก.......

[ลูกลำปาว]

ฮ่วย ! สิแมนถืกบ้วงแต่เว็นอยู่ได๋ เบิ่งบ้วงฮัดคอจนคอบวมแม๋ อย่าลืมเอาอีขิวอยู่คอมันออกเด้อ อ่อมใส่ใบเพี้ยบ่างเด้อ ขมอ่ำลำขนาดได๋ อ่อมแล้วขอซีมจั๊กถ่วยแนเด้อ พ่ออาววววววว

[18ฝนคนอันตราย]

หมานเนาะอิอิอิอิอิคั่วแซบๆๆๆๆๆคั่วแห้งๆๆๆๆๆๆๆๆๆๆๆๆๆแกล้มเหล้าโอ๊วเข้ากันดีอิอิอิิอิอิ

[ลูกลำปาว]

เอาหมากจก ไปก่นเอา สิบ่ได้เบิดขวย พู้นบ้อออออออออ

[บ่าวจัย]

บ่วงดักหนูเฮ็ดได้หลายวิธีครับ มีทั้งแบบของบ่าวกุดชุมคือเอาลวดมาเฮ็ดแล้วกะเป็นเชือกกะมีครับ
แบบคันดีดเอากะมีเนาะครับ(ปานผูกคอตายพุ้นแหล่วถ้าติดเข้าไปน่ะ5555 เอามาอ่อมเด้อบ่าวแซบยุเมือบ้านกะได้กินยุโตหนึ่ง

[เพ็นนี]

ไปดักบ่เป็นดอกจ้า เป็นแต่ถ่ากินนี่หล่ะ 555+

[thedon]

เซียนดักหนูขนานแท้เลยเด้นี่ เบิ่งอุปกรณ์เพิ่นแหม