กำลังแสดงผล 1 ถึง 10 จากทั้งหมด 10

หัวข้อ: เตาเผาถ่าน แบบโบราณ

  1. #1
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    2,872

    เรื่องฮิตน่าอ่าน เตาเผาถ่าน แบบโบราณ

    หลังจากที่พาไปเบิ่งสวนยางจนเหมือยแล้วมานั่งเซาเหมือยก่อนครับปูสาดรอแล้ว
    เตาเผาถ่าน แบบโบราณ
    เซาเหมือยแล้วกะมาปิดเตาเด้้อครับบาดนิ พ่อเพิ่นเผาหลายคืนแล้ว
    พอดีบ่าวจัยเมือเลยได้ไปปิดนำเพิ่น(ถ่ายรูป)เสียดายบ่มีภาพตอนเอาฟืนลงเตาเนาะครับ

    เตาเผาถ่าน แบบโบราณ
    สังเกตุง่ายๆถ้าอยากรู้ว่าฝืนที่เฮาลงไว้ไหม้เบิ่ดแล้วให้ท่านสังเกตุที่ควันไฟเด้อครับ
    ถ้าควันใสๆแบบในภาพแสดงว่าไหม้เบิ่ดแล้วครับ ต้องรีบปิดปากเตาก่อนที่มันสิมอดเป็นเถ้าก่อนครับ
    ที่เห็นหม่องควันออกนั่นเพิ่นเอิ้นว่าแปวเตาครับต้องรีบปิด

    เตาเผาถ่าน แบบโบราณ
    ที่เห็นดำๆนั่นละครับเขาเอิ้นว่าปากเตา ต้องรีบปิดหม่องนี้ละครับ
    เตาเผาถ่าน แบบโบราณ
    ตอนนี้พ่อเพิ่นไปเอาดินมาผสมกับน้ำ อย่าเฮ็ดแหลวหลายเด้อครับเอาพอเหนียวๆพอเวลาปิดมันจั่งสิบ่ไหลหนี้
    เตาเผาถ่าน แบบโบราณ
    และนี้วิะีผสมดินกับน้ำครับ (เบิ่งหุ้นเด้อ)นี้ขนาดเฮ็ดเวีียกบ่ได้เซาเด้นิ
    ยังหุ้นดีปานนี้ถ้าบ่ได้เฮ็เวียกสิวำได๋ครับฮ่าๆๆๆๆๆ

    เตาเผาถ่าน แบบโบราณ
    เอาบักจกคนให้เข้ากัน อันนี้เอาให้เป็นน้ำขี้ตมเลยครับ เพราะว่าสิเอาทาเตาครับ
    ตามฮอยแตกควันมันลอดออกมาได้ต้องปิดให้สนิททุกหม่องมิชะนั่นถ่านสิกลายเป็นขี้เถ้าแน่

    เตาเผาถ่าน แบบโบราณ
    อิพ่อลุยๆๆ ฮ่าๆๆๆๆลูกชายถ่ายรูปอย่างเดียว
    เตาเผาถ่าน แบบโบราณ
    ตอนนี้ใกล้สิเสร็จแล้ว ถ่านตอนนี้ขายยุบ้านบ่าวจัย ถุงปุ๋ยละ120บาทถูกหลาย
    บางทีขายแล้วเก็บเงินกะบ่ได้เบิ่ด บ่มีเงินพะน่ะ เตาหนึ่งเวลาเปิดเตาได้ถ่านประมาณ10สอบ
    เวลาเผากะประมาณอาทิตย์หนึ่งแต่ว่ามันไปหนักตอนตัดฟืนนั่นละครับ บ่าวจัยเกือบบ่รอด
    เกือบได้แจกข้าวหา5555

    เตาเผาถ่าน แบบโบราณ
    เสร็จแล้วครับ อีกจักสองมื้อค่อยมาเปิด ลืมบอกไปถ้าอยากรู้ว่าไฟมอดเบิ่ดแล้วเฮ็ดแนวได๋
    อันนี้ต้องมีประสบการณ์หน่อยนึงครับ ให้เอามือไปวางตรงเตานั่นละครับถ้ามันยังฮ้อนยุแสดงว่าบ่ทันมอด
    ถ้ามันเย็นๆกะแสดงว่ามันมอดเบิ่ดแล้ว เตรียมโตเปิดเตาได้เลยครับ

    เตาเผาถ่าน แบบโบราณ
    ขอบคุณบ้านมหาสำหรับพื้นที่เนาะครับ
    ขอบคุณทุกคนที่่เข้ามาให้กำลังแรงใจบ่าวจัยครับ
    แก้ไขครั้งสุดท้ายโดย บ่าวจัย; 06-01-2010 at 15:45. เหตุผล: เพิ่มเติม
    หล่อคืออ้าย กินข้าวบายกบตั๋วะหล่า

  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,209
    แสดงว่าคนเอาถ่านเนาะเจ้านี่ อิอิ...คือบ่อเอาถ่านมาลงขายนำบ่าวจัย ถือฮ่ายเนาะ

  3. #3
    แบ่งปันความรู้และประสบการณ์ สัญลักษณ์ของ บ่าวเคน
    วันที่สมัคร
    Jun 2009
    ที่อยู่
    อุบลฯ เมืองดอกบัวงาม
    กระทู้
    360
    คึดฮอดตอนลงไปข่วดถ่านเด้ ออกมามาฮูดังดำเบิด

  4. #4
    ดูแลตรวจสอบเนื้อหา สัญลักษณ์ของ บ่าวกุดชุม
    วันที่สมัคร
    Sep 2008
    ที่อยู่
    กุดชุม
    กระทู้
    584
    บล็อก
    3
    ระวังมันมอนเด้อ อาบน้ำตมให้มันดู๋ๆๆๆๆ

  5. #5
    แบ่งปันความรู้และประสบการณ์
    วันที่สมัคร
    Dec 2008
    กระทู้
    274
    ป้าดพี่บ่าวจัยบ้านพี่อยู๋แถวไหนคือถ่านราคาถูกแท้จ้า สมัยย้อนหลัง2ปีที่แล้วตอนแอนขายหมูกะทะที่โคราช ซื้อถ่านกระสอบเกือบ200 ขายได้ก็จ่ายค่าถ่านหมด ก็เลยหันเหชีวิตมาหากินอยู่ไกลบ้านนี่หล่ะจ้า

  6. #6
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,421
    เป็นตาเอามาใส่เตาย่างหมูกะทะดีแท้น้อ


    จักสอบแนเด้อบ่าว
    555

  7. #7
    แบ่งปันความรู้และประสบการณ์ สัญลักษณ์ของ บ่าวต้นฅนมุกดาหาร
    วันที่สมัคร
    Sep 2008
    ที่อยู่
    ..."มุกดาหาร"...
    กระทู้
    761
    อ้ายหน้าสิถ่ายรูปให้เห็นหน้าอิพ่อแนเนาะครับ....แถวบ้านผมกะยังมีให้เห็นยุครับเตาเผ่าถ่านโบราณ...แต่บ้านผมเอิ้นชื่ออีกแบบหนึ่งจำบ่ได้แล้ว...มาอยู่กรุงเทพโดนพะนะฮ่าๆๆๆๆๆๆๆๆๆ...เอาไว้โทรเมือหาอิพ่อสิถามเพิ่นว่าเขาเอิ้นเตาอิหยัง

  8. #8
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    1,788
    เป็นตะให้เมือบ้านอยู่แนวนี่ เมือแล้วได้เวียกได้งาน..
    เดือนหน้าบ่พอเมือเผาถ่านอีกติบ่าวจัย.

  9. #9
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    พุ้นคุณพ่อของหลานเพินยังแขงแฮงเนาะจ้าหลาน เฮ็ดถ่าน เตาอบ แถวบ้านป้า เพินพากันเอิ้น เตาอบ
    คั่นอีกแบบเพินเอิ้นว่าเตาผีจ้าหลาน เตาอบนี่เพินสิเอาขี้ดินปลวกเนาะจ้า ก่อนสิเฮ็ด เพินขุดดินลงประมาณแค่แอว หรือสิเอาลึกกว่านั่นก็ได้เนาะจ้า ขุดเจาะปล่องไฟสามหรือสี่แล้วแต่แล้วเอาฟืนที่เตรียมมาวางไว้ ใส่เรียงลงไปให้เรียงดีดี แล้วก็ขุดเอาดินปลวกมาย่ำใกบน้ำให้เหนียวๆแล้วก็เอาไปโปะให้เต็มให้รอบเตา เหลือเอาไว้ตรงปากเตาก่อน พอไฟติดดีแล้วก็เอาดินปลวกดินเหนียวมาโปะทาหน้าเตา พอเตาแห้งต้องคอยดูแล เตรียมดินปลวกเอาใส่น้ำเฮ็ดให้บอต้องเหนียวหลายเพินเอิ้นว่าอาบน้ำเตาจ้าหลาน ขอให้คุณพ่อคุณแม่ของหลานจงมีแต่ความสุขมีเงินมีทองมากๆเด้อจ้า ขอให้หลานมีความสุขตลอดจนครอบครัว ตลอดปีใหม่นี้และก็ปีต่อๆไปนะจ๊ะ

  10. #10
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    2,872
    กระทู้ต้นฉบับโดยคุณ chudhancock
    พุ้นคุณพ่อของหลานเพินยังแขงแฮงเนาะจ้าหลาน เฮ็ดถ่าน เตาอบ แถวบ้านป้า เพินพากันเอิ้น เตาอบ
    คั่นอีกแบบเพินเอิ้นว่าเตาผีจ้าหลาน เตาอบนี่เพินสิเอาขี้ดินปลวกเนาะจ้า ก่อนสิเฮ็ด เพินขุดดินลงประมาณแค่แอว หรือสิเอาลึกกว่านั่นก็ได้เนาะจ้า ขุดเจาะปล่องไฟสามหรือสี่แล้วแต่แล้วเอาฟืนที่เตรียมมาวางไว้ ใส่เรียงลงไปให้เรียงดีดี แล้วก็ขุดเอาดินปลวกมาย่ำใกบน้ำให้เหนียวๆแล้วก็เอาไปโปะให้เต็มให้รอบเตา เหลือเอาไว้ตรงปากเตาก่อน พอไฟติดดีแล้วก็เอาดินปลวกดินเหนียวมาโปะทาหน้าเตา พอเตาแห้งต้องคอยดูแล เตรียมดินปลวกเอาใส่น้ำเฮ็ดให้บอต้องเหนียวหลายเพินเอิ้นว่าอาบน้ำเตาจ้าหลาน ขอให้คุณพ่อคุณแม่ของหลานจงมีแต่ความสุขมีเงินมีทองมากๆเด้อจ้า ขอให้หลานมีความสุขตลอดจนครอบครัว ตลอดปีใหม่นี้และก็ปีต่อๆไปนะจ๊ะ
    ขอบคุณครับคุณป้า ที่เอื้อยเฟื้อข้อมูลเพิ่มเติมให้กับหลานและทุกคนที่ยังบ่ฮุ้จักครับ
    ขอบคุณสำหลับพรดีดีที่มีให้ครับและกะขอให้พรนั่นย้อนคืนหาคุณป้าให้มีสุขภาพแข็งแรงคือกันครับผม :heart:
    หล่อคืออ้าย กินข้าวบายกบตั๋วะหล่า

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •