หลังจากที่พาไปเบิ่งสวนยางจนเหมือยแล้วมานั่งเซาเหมือยก่อนครับปูสาดรอแล้ว
เซาเหมือยแล้วกะมาปิดเตาเด้้อครับบาดนิ พ่อเพิ่นเผาหลายคืนแล้ว
พอดีบ่าวจัยเมือเลยได้ไปปิดนำเพิ่น(ถ่ายรูป)เสียดายบ่มีภาพตอนเอาฟืนลงเตาเนาะครับ
สังเกตุง่ายๆถ้าอยากรู้ว่าฝืนที่เฮาลงไว้ไหม้เบิ่ดแล้วให้ท่านสังเกตุที่ควันไฟเด้อครับ
ถ้าควันใสๆแบบในภาพแสดงว่าไหม้เบิ่ดแล้วครับ ต้องรีบปิดปากเตาก่อนที่มันสิมอดเป็นเถ้าก่อนครับ
ที่เห็นหม่องควันออกนั่นเพิ่นเอิ้นว่าแปวเตาครับต้องรีบปิด
ที่เห็นดำๆนั่นละครับเขาเอิ้นว่าปากเตา ต้องรีบปิดหม่องนี้ละครับ
ตอนนี้พ่อเพิ่นไปเอาดินมาผสมกับน้ำ อย่าเฮ็ดแหลวหลายเด้อครับเอาพอเหนียวๆพอเวลาปิดมันจั่งสิบ่ไหลหนี้
และนี้วิะีผสมดินกับน้ำครับ (เบิ่งหุ้นเด้อ)นี้ขนาดเฮ็ดเวีียกบ่ได้เซาเด้นิ
ยังหุ้นดีปานนี้ถ้าบ่ได้เฮ็เวียกสิวำได๋ครับฮ่าๆๆๆๆๆ
เอาบักจกคนให้เข้ากัน อันนี้เอาให้เป็นน้ำขี้ตมเลยครับ เพราะว่าสิเอาทาเตาครับ
ตามฮอยแตกควันมันลอดออกมาได้ต้องปิดให้สนิททุกหม่องมิชะนั่นถ่านสิกลายเป็นขี้เถ้าแน่
อิพ่อลุยๆๆ ฮ่าๆๆๆๆลูกชายถ่ายรูปอย่างเดียว
ตอนนี้ใกล้สิเสร็จแล้ว ถ่านตอนนี้ขายยุบ้านบ่าวจัย ถุงปุ๋ยละ120บาทถูกหลาย
บางทีขายแล้วเก็บเงินกะบ่ได้เบิ่ด บ่มีเงินพะน่ะ เตาหนึ่งเวลาเปิดเตาได้ถ่านประมาณ10สอบ
เวลาเผากะประมาณอาทิตย์หนึ่งแต่ว่ามันไปหนักตอนตัดฟืนนั่นละครับ บ่าวจัยเกือบบ่รอด
เกือบได้แจกข้าวหา5555
เสร็จแล้วครับ อีกจักสองมื้อค่อยมาเปิด ลืมบอกไปถ้าอยากรู้ว่าไฟมอดเบิ่ดแล้วเฮ็ดแนวได๋
อันนี้ต้องมีประสบการณ์หน่อยนึงครับ ให้เอามือไปวางตรงเตานั่นละครับถ้ามันยังฮ้อนยุแสดงว่าบ่ทันมอด
ถ้ามันเย็นๆกะแสดงว่ามันมอดเบิ่ดแล้ว เตรียมโตเปิดเตาได้เลยครับ
ขอบคุณบ้านมหาสำหรับพื้นที่เนาะครับ
ขอบคุณทุกคนที่่เข้ามาให้กำลังแรงใจบ่าวจัยครับ
Bookmarks