ด้วยสาเหตุ บ้านไกลมู หากินของบ้านเฮาบ่ได้ อากาศกะหนาว ครัวบ้านไกล ของแหล่ กะเลย เอาแนว บ่เป็นตากินปันได๋ มาให้เบิ่ง วายุต่างบ้าน ลำบากขนาด
กะเลยเป็นที่มาของพิชซ่าหน้ากระเพราไก่ เกิดอยากกินมื่อนี่ เฮดปีละเทือจ้า ที่จริงสั่งเอากะได้ ส่งฮอดหัวกะไดบ้านนำ แหล่ วาเปนอาหารบ่มีประโยชน์ มีแต่เฮดให่อ้วน จ๊าาา
ขั้นแรก แป้งพิชซ่าผสมน้ำ ปั้นถิ่มไว้ 15 นาที ทาถาดด้วยเนย หรือน้ำมันพิชกะได้ เอาแป้งลงถาด ตีให้เต็มถาด ราดด้วยซอสมะเขือเทศ หรือ พาสต้าซอส:l-อันนี้แป้งที่ซื้อมาจ้า จาก Walmart , Kohger, Meijer ตามชั้นที่ขายเส้น มักกะโรนี หรือจะซื้อแบบ ที่เป็นแผ่นกะได้ บ่ต้องปั้นให้เสียเวลา ที่แหล่ ซื้อมา มันถูกดี วิธีกะบ่ยาก ใส่น้ำ กะคนเอาคือปั้นแป้งขนมห่อนี่แระ ลองเฮด เบิ่งจ้า ดัดแปลงตามสูตรที่มัก บางทีกะเบื่อ บ่ฮู้จะเฮดหยังกิน แต่ละมื่อ อิอิ
ขั้นต่อไปผัดกระเพรา ที่เหลือค้างคืน มีนิดหน่อยกระเพราก็เหลือแต่ซาก หายากได๋ ยุหนี่ เติมกุ้งใส่ เพิ่มรสชาด
ราดมันลงไป ทาคือ ทาลาน นี่แระ
โรยหน้าด้วยเห็ด เปปเปอร์โรนี ได้เห็ดนางฟ้า คือจะดี กุนเชียงนำ สุดยอด
โรยทับด้วยชีส ที่มีในตู้เย็น จัดการใส่เตาอบ ประมาษ 20-25 นาที
เสร็จแล้ว มาเด้อ จ้า คนละชิ้นกะพอ กินได้บ่หลายดอก เอียน พ่ะนะ แหล่กินแล้ว กะบ่พ้น ไข่เจียวกุ้งสับราดข้าว รอบสอง แซบบบ กว่าเป็นกองง
กินพอหายอยาก มีไผจิเอาแป้งจี่มาแลก แน ... ปีหน้าเจอกัน พิชซ่าหน้าลาบ เด้อจร๊าาาาา
Bookmarks