กำลังแสดงผล 1 ถึง 8 จากทั้งหมด 8

หัวข้อ: ความทุกข์

  1. #1
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    105

    รอบยิ้มพิมใจ ความทุกข์

    ทุกข์ยากฮ้าย เขินขาดแลงงาย
    พริกอยู่เฮือนเหนือ เกลืออยู่เฮือนใต้
    หัวขิงไคอยู่เฮือนเพิ่น ขอข้าวได้แล้วเกลือสิจ้ำกะบ่มี
    ทุกข์ยากล้ำ ปากก่ำกินมันหมก
    คันบ่กินหมกมัน ปากบ่ดำปานนี้
    ทุกข์ยากฮ้าย ขาพัดลายซ้ำตึม
    ทุกข์ยากฮ้าย กายก่ำผอมโซ
    ยากคอบโตบ่มีเงิน เพิ่นบ่ถามเถิงจ้อย
    ทุกข์ยากฮ้าย อายหมู่หมูหมา
    คันเห็นกาบินมา ว่าแต่มันสิมาท้วง
    โสทุกข์แล้ว โสยากบ่ย้านหยัง
    วาสนายีงมี สิค่อยดีเมื่อหน้า เด้อพี่น้อง

  2. #2
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    คือซงทุกข์หลายแท้น้อจ้าเอื้อย ........อิอิ

    ทุกข์ยากฮ้ายงายแลงแห้งโข่โหล่
    โสไปหาพี่น้องผุปลายป้องกะบ่เห็น
    ทุกข์ย้อนเวรกรรมต้องหมกมันกะเขินขาด
    ทุกข์พยาธิ์เบียดบั้งขังบ้องฮ่องเงิน
    ทุกข์กะเทินอายซ้ำหน้าบ่มีอยากอายหมา
    ทุกข์ย้านกามาถามท่ามทางหางท้วง
    ทุกข์ย้อนถึกทวงหนี้หน้าบ่มีเงินขาดไถ้
    ทุกข์ย้อนไต้ขาดแล้งน้ำแห้งนาเสีย
    ทุกข์ย้อนเมียป๋าถิ่มผัวลาบ่เห็นไหง่
    ทุกข์ย้อนใจคึดฮอดซุ้บ่ชูซ้อนป่อนทาง
    ทุกข์จั่งซี้ทางมีนางสิซ่อย
    ไปหากลอยเกิดกลางน้ำมาปั้นเฮ็ดยา
    ขั้นแม่นหามาได้ทางมีสิหายทุกข์
    หายเทิงอุกโศกฮ้อนเคืองข้อนกะบ่มี.............
    ปลงสาเอื้อย มันเป็นกรรมมนุษย์จ้า( อิอิ)

  3. #3
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    105
    สิได้ปลงคือว่านั้นละ

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ทุกข์ยากฮ้าย ยามมื่อแลงกินดิน

    ขีนกะขีนบ่ได้ ย้อนว่าข้าวบ่มีนี่แหล่ว

    ได้แต่แซวมาทางพี้ บ้านสุพรรณีมีแนบ่

    ขอจักปั้นข่อหล่อ พอได้บ่ายบักขาม

    พะนางเอ้ย หญ้านางเอ้ย

    (โอ้ เห็นบักหุ่งน้อยแล้ว ลักไปตำส้มก่อนน๊า หุหุ)

    แก้ไขครั้งสุดท้ายโดย พล พระยาแล; 11-01-2010 at 13:10.

  5. #5
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    105
    อ้ายพลเอ้ย

    ปลาดุกปิ้งเต็มไฟเจ้าบ่อยาก
    สังมาดะดั่นดิ้นอยากกินเข่าบายบักขาม แท้นอ

  6. #6
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    55555555555555 โอ๊ย อ้ายพล กะดาย ลักหมากหุ่งน้อยพะนะ

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ทุก อด หยาก ปากท้อง ทุกเงินทอง ขาดน้องพี่
    ทุกเอาคัก ดอกอีหลี ข้าวบอมี อยู่ในเล้า
    ทุกใจเศร้า ดอกซ่ำได๋ เลาะบ้านเหนือ เลาะบ้านไต้
    ทุกผู้ได๋ ก็บอทอ มาทุกหลาย เอากะด้อ
    ทุกจนท้อ ห่อเหี่ยวใจ ย่างไปไส คนก็เย้ย
    ทุกข่อยเอ้ย บอคือหมู่ ยากหม่องอยู่ ยากปากท้อง
    ทุกแลนต้อง จ่องใส่เวร ยากแสนเข็น เวรมาต้อง
    ทุกมัวหมอง พี่น้องหน่าย หากินไป เลี้ยงปากท้อง หาพี่น้องก็บอมีนี่แหล่ว?

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ทุกยากฮ้ายปากกำกินมันหมก ย้อนว่ากินหมกมัน ปากเลยดำดอกปานนี่
    ทุกอีหลีแท้แท้แหล่ว แนวคนจนหม่นเข้าป่า แบกเอาเสียม
    คอนกระต่า หาก่นมัน เอามาไว้หุ่งหนึ่งสู่ลูกกิน นั่นแหล่วพี่น้องเอ้ย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •