ฮู้บ่ว่าอ้าย....คึดฮอดเจ้า

[วัฒนชัย หาริโร]

ทางเคยเหงาเฮาเครียงข้าง หนทางเทียวเคยเดินคู่

บอกสิอยู่เป็นคู่อ้าย บ่หมายม่างดอกเปลี่ยนไป

คือมาถิ่มอ้ายไว้ ให้โดดดี่ยวเดินตามทาง

บ่มีนางมาเคียงกาย อยู่กับชายคือคราวนั้น

สายสัมพันธ์ที่เคยแน่น ทั้งสายแนนที่เคยเกี่ยว

ฮอดบ่เหลียวมาคึดพ้อ ยามไปพ้อผู้เพิ่นดี

หากไปดีเอาใจช่วย ไปได้สวยเอาใจส่ง

แต่ใจคงคึดฮอดเจ้า สู่มื้อบ่เปลี่ยนไป....



มื้อใหม่หัดแต่งครับดีบ่ดีบอกแหน่เด้อครับสิได้พัฒนาใหม่....:heart:

[sompoi]

ม่วนป่านนี้ล่ะจ้า ว่าไปโลดๆ หัดใหม่ได่ป่านนี้กะว่าคักแหล่วล่ะ ต่อไปคือสิแม่นน้องๆอ้ายศรีเนาะ อิอิ

[วัฒนชัย หาริโร]

ขอบใจหลายเด้อครับที่มาเป็นกำลังใจให้น้องให้นุ่ง:heart:

[สุพรรณณี]

ม่วนจ้าอีหลีจ้า

[ลาวดีน้อย]

น้องหล่ากะสิฮู้อยู่อ้าย ถ้าแม่นอ้ายบอก อิอิ ม่วนจ้า

[chudhancock]

อ้ายเอ้ย อย่าสุเว้าดอกจังสั้น
หันหน้ามา คั่นจ๋าต่อ มาใจน้อย
แท้แท้น้อ เรื่องบอพอสิเว้า
อั่นโตเจ้าคือว่าเป็น แนมบอเห็น
สั้นบ๊ออ้าย ความจริงใจน้องให้พี่
บอเคยมีผู้ได๋ซ้ำ ซ่างมาเว้าให้เสียหาย
น้องก็มีตั้งแต่อ้าย หย่างเคียงกาย
ไปเคียงคู่ ยังฮักอยู่ เสมอเจ้า
อยู่จนเฒ่าดอกนำกัน พุ้นแหล่วจ้า?

[ลาวดีน้อย]

ฮู่บ่ว่า....น้องหล่าคิดฮอดแต่อ้าย

อยากนั่งเคียงคางกายใกล้กัน

อยากแต่พ้อหน้าเจ้าพอคลายเหงา

บ่อยากนั่งเศร้าเหม่อคิดฮอดเจ้า พอสิได้บ้อ ได้บ่อ้ายเอ่ย...