หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 34

หัวข้อ: แกงผักหวานป่าใส่ไข่มดแดง

  1. #1

    แกงผักหวานป่าใส่ไข่มดแดง

    เข้าบ้านบ่ได้หลายมื้อเกือบใจขาดจ้าพี่น้อง...คึดฮอดพี่น้องบ้านมหาทุกคนเด้อจ้า...
    ติดหิมะหลายมื้อ อาหารกะบ่ค่อยสิมีกิน งานกะยากจักว่าแนวใด๋...หละเป็นหยุ่งๆคือไหมในบุงหนี่หละ
    บ่เว้าหยังหลาย เว้าไปกะปวดหัวเนาะ กินดีกว่า ไปร้านไทยมาจ้าไปหามาม่ามาไว้กิน เทือหิมะตกแฮงอีก ไผสิไปฮู้
    ได้ข้าวสารจ้าวมากระสอบ20กิโลกรัม น้ำปลา พริก มาม่าอีก1ลังขาดบ่ได้จ้าอากาศแบบนี่
    ไปพ้อผักหวานกับผักอิตู่ โชคดีอิหยังปานนั่น กะเลยซื้อมาแกง มาเบิ่งแกงแบบไกลบ้าน หน้าตาสิเป็นแบบใด๋
    แกงผักหวานป่าใส่ไข่มดแดง
    แกงใส่ไข่มดแดงพร้อม...ไข่มดแดงแช่แข็งมาขายคือเก่าหละ สดๆบ่พ้อนำบ้านเพิ่นดอก
    แกงผักหวานป่าใส่ไข่มดแดง
    หน้าตาผักหวานจ้า กว่าสิเดินทางมาฮอด มาฮ้อนๆมาเจอหนาวเกือบเป็นน้ำ อิอิ
    แกงผักหวานป่าใส่ไข่มดแดง
    เครื่องปรุงจ้า
    ผักหวานป่า2กำ เด็ดเอาแต่ส่วนอ่อนๆสิได้กินง่ายๆ ล้างน้ำไว้เลยจ้า
    ผักอิตู่(ใบแมงลัก)เฮ็ดคือกันกับผักหวาน
    ไข่มดแดง1ถุง
    พริกสดจัก3-4หน่วย ใส่เป็นลูกโดด
    เห็ดเท่าที่หาซื้อได้จ้า ติ๋มใช้เห็ดกระดุม(แซมปิยอง)
    ปรุงรส ปลาแดก(ปลาร้า) น้ำปลา ผงนัวนิดหน่อย คั่นมัก
    พริกแกง
    ตำพริกแห้งใส่เกลือ ใส่กระเทียม หอมแดง ตะไคร้หั่นจัก2ต้น ข่าหั่นจัก3แว่น ข้าวสารแช่น้ำจัก1ช้อนโต๊ะ
    โขลกพอหยาบๆค่ะ บ่ต้องละเอียดหลาย แกงอีสาน
    เอาน้ำใส่หม้อตั้งไฟ พอเดือดใส่เครื่องพริกแกง เอาปลาร้าใส่กระชอนใส่ลงในหม้อแกง
    พอปลาแดกเหลือแต่ก้างกะถิ่มไป ปรุงรสให้พอดี แล้วใส่ไข่มดแดง สุดท้ายกะใส่ผักหวาน ผักอิตู่ ปิดไฟโลดจ้า
    แกงผักหวานป่าใส่ไข่มดแดง
    ตักเสริ์ฟกับนึ่งข้าวเหนียวดำ...ตำแตง ทอดปีกไก่แก้เผ็ดนำจ้า
    มาเด้อพี่น้องกินข้าวนำกัน เป็นมื้อที่แซบที่สุด ในรอบหลายๆเดือน...คึดฮอดแฮงเด้อแกงผักหวาน
    คึดฮอดแต่เป็นสาวส่ำน้อย พากันไปเก็บผักหวาน ม่วนแฮง ไปนำกันหลายๆคนมีทั้งผู้สาว ผู้บ่าว ผู้เฒ่า
    ทุกมื้อนี่คือสิบ่มีแล้วหละเนาะบรรยากาศม่วนๆแบบนั่น
    แกงผักหวานป่าใส่ไข่มดแดง
    เอ้าตักแจกคนละถ้วยจ้า...ติ๋มกินแต่แกงจนเบิดถ้วย ตำแตงกะเบิดจาน แทบสิบ่กินข้าว อิ่มคักกะยังว่า....
    แก้ไขครั้งสุดท้ายโดย ติ๋ม เปอร์โย; 12-01-2010 at 23:27.
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  2. #2
    แบ่งปันความรู้และประสบการณ์
    วันที่สมัคร
    Dec 2008
    กระทู้
    274
    พี่ติ๋มคือมาทำร้ายจิตใจน้องแอนแท้จ้า ทางนี้อดอยากปากแห่ง อะไรก็ไม่มีคือเขา อยากกินจ้า แกงผักหวานใส่ไข่มดแดง ถ้ามางโคราชแถวบ้านแอนจะใส่หมี่โคราช หรือวุ้นเส้นดาจ้า น้องแอนขอ 2ถ้วยได้ปล่าวจ้า หิวหลายจ้า

  3. #3
    แบ่งปันความรู้และประสบการณ์ สัญลักษณ์ของ บ่าวต้นฅนมุกดาหาร
    วันที่สมัคร
    Sep 2008
    ที่อยู่
    ..."มุกดาหาร"...
    กระทู้
    761
    มักยุครับแกงผักหวาน...กินได้สุมื้อบ่เบื่อ...ใส่ไก่ใส่หวายนำครับ

  4. #4
    ย้านสำมะโนครัวไปใกล้ๆพี่ติ๋มก่อนน๊าจ้า(กระซิกๆๆ)
    ตะแซบแฮงจ้า มีฮอดไข่มดแดง แช่แข็งกะกินโลดจ้า ทางพี้แฮงบ่พ้อเลยจ้า (กระซิกๆๆๆ)
    หาหยังมากินแก้อยากน้อบาดนี้มาพ้อเดิกๆแบบนี้นอนหลับบ่น้อขะน้อย

    พี่แอน// ตราใบโพธิ์บ่พี่แอนสุดยอดหมี่โคราช เว่ามาคิดฮอดบ้าน (กระซิกๆๆ)
    แก้ไขครั้งสุดท้ายโดย สาวทองแพง; 13-01-2010 at 02:47.
    เมื่อความจนผลักไส ดิ้นรนเท่าไรยิ่งไกลบ้าน

  5. #5
    แบ่งปันความรู้และประสบการณ์
    วันที่สมัคร
    Aug 2009
    กระทู้
    186
    ป๊าดดด ยุแถวได๋นิ ส่งมาแนน๊า บ่ได้กินหลายปีแล่ว อยากอย่างแรงงงง

  6. #6
    แบ่งปันความรู้และประสบการณ์ สัญลักษณ์ของ victer
    วันที่สมัคร
    May 2009
    ที่อยู่
    usa
    กระทู้
    251
    แกงผักหวานแนวมัก เดือนกุมภา มีนาคม ไปหาเก็บตามภู สิได้กินอยุ่ด้อก อิอิ

  7. #7
    ศิลปิน,ช่างภาพอิสระ สัญลักษณ์ของ เพ็นนี
    วันที่สมัคร
    May 2009
    ที่อยู่
    Bangkok
    กระทู้
    1,308
    บล็อก
    2
    ผักหวานป่าแกงใส่ปลาช่อน ปลาย่าง ใข่มดแดง แซบคัก
    ผักหวานป่าเดือนหน้ากะเริ่มแตกยอดแล้วเนาะ






    เอื้อยติ๋มมาเว้าให้อยากไปเก็บผักหวานป่าอีกแล้ว 55+
    ตอนเป็นสาวน้อยๆ ไปเก็บอยู่ป่าใกล้ๆเขากระโดงบุรีรัมย์
    ผุบ่าวผุสาวเก็บไปจีบกันไป เด็กหญิงเพ็นนีกะคอยแซวอ้ายเอื้อย 55+

  8. #8
    เห็นแล้วหิวจ้า ข้าวเหนียวสีง้ามงาม
    อยู่ทางนี้ผักหวานมีแต่แช่แข็ง บ่เคยเห็นแบบสดๆเลย
    LET IT BE...

  9. #9
    ร่วมถ่ายทอดความรู้สู่สังคม สัญลักษณ์ของ บ่าวจอหอ
    วันที่สมัคร
    Mar 2009
    ที่อยู่
    ayutthaya
    กระทู้
    316
    ใส่หมี่ จั๊กหน่อยกะแซบคือกันครับ (สูตรโคราชดอกเด้อ) เห่อๆๆๆ
    เห็นแล้วหิวเข่าทันทีครับ

  10. #10
    ร่วมถ่ายทอดความรู้สู่สังคม สัญลักษณ์ของ ลาวดีน้อย
    วันที่สมัคร
    Jul 2009
    ที่อยู่
    อยู่ในใจเสมอ
    กระทู้
    1,175
    บล็อก
    3
    ผักหวานเอาไปทำอิหยังกะแชบจ้ามัก แกงใส่ไข่มดแดงแชบหลาย ๆ จ้า...

หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •