กำลังแสดงผล 1 ถึง 2 จากทั้งหมด 2

ชาวนา

  1. #1
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    108

    ชาวนา

    ตกมาเถิงสองพันห้านาเฮาเฮ็ดให้เพิ่น
    ตาหลูโตนพวกไพร่บ้านนายทุนแห่นเกือบบ่เหลือ
    ตกข้าวเขียวขายกินซ้ำทำนาโตแล้วให้เพิ่น
    ปัดดากไวหอบสาดก้อมขึ้นเมือบ้านได้นั่งเหงา
    เหมิดในเปิงอิสานเซื้อซุมไทยนาลำบากยิ่ง
    ฝนกะตกมาเพียงแต่น้อยนาแล้งเกือบสู่ปี
    งัวกับควายขายกินซ้ำเต็มที่นอลูกกะแอ่ว
    สิ่นสิหามาห่อก้นไปหาโก้กะบ่มี
    เมืองอิสานเหนือ กลาง หรือใต้ภัยมหันต์ฝนตกห่าง
    เฮ็ดไฮ่ปอไฮ่มันไฮ่อ้อยดินแห้งก่นบ่ไหว
    นาสิเฮ็ดพั่นขาดน้ำหนักใจหนี่บ่มีฝน
    จำเป็นอดเฮาจำเป็นทนได้นั่งแลนาลางมื้อ

  2. #2
    แบ่งปันความรู้และประสบการณ์ สัญลักษณ์ของ บ่่าวสุดเขต
    วันที่สมัคร
    Jun 2009
    กระทู้
    129
    พี่น้องเอ้ย
    อีสานในมื้อนี้มีหลายสิ่งแปรผัน
    มีหลายอันเปลียนทางย่างเซยักย้าย
    แต่ก่อนภายหลังพุ้นสมบูรณ์ด้วยทุกสิ่ง
    ภูพิงป่าไม้ไพรด้าวแดนดง
    พนาพงไพรกว้างปวงสัตว์อาศัยอยู่
    หมู่วิหกนกน้อยเสือซ้างสิงขร
    หมู่มัจฉาปลามันบ้อนในคลองหนองป่าไผ่
    อึ่งเผ้าใหญ่กบเขียดโม้โซ้เต้นยุท่งนา
    ผองประชาทุกถ้วนหน้ามีธรรมะรักษาศีล
    สุกถวิลกินในธรรมบ่แข่งขันข่อยและเจ้า...พุ้นเด้