เมือบ้านหว่างหั่น งัวแม่มานที่อี่พ่อเลี้ยงคิดเหลือโตนผมห่าได๋บุ ออกลูกแต่เซ้าได้จังหวะพอดีกะยังว่า เลยมีโอกาสได้กินน้องงัวอีกคาบหนึ่งสั่นดอกคับ หน้าตาสิบ่สวยงามปานได๋ดอก แต่ว่ากะแซบอยู่เด้หละเนาะ โดนๆกินเทื่อหนึ่งแหม
นั่น งัวยังนอนแอ่งแล่งอยู่ ขอบใจหลายเด้ออี่หล่า ที่บ่ลักกินน้องงัวเหมิดก่อน อิอิ
เกียกขี้ดินล่อมอ้อม ซะพอแม่มันบ่กินหละแหมเนาะ มันหยาแข่วตี๊
เปิดน้ำล้างออกให้หล่อนๆเลยเนาะคับ ถ้าจั่งซั้นคือสิกินบ่ได้แท้ๆหละ
ล้างออกดีแล้วกะจัดการต้มเลย หัวข่า หัวขิงไค ใบมันพร้อมโลด ม้วนใส่หม้อไปเลย ใส่เกลือนำจักหยุมใหญ่ๆจักหน่อย
ต้มสุกเปื่อยดีแล้วกะเอาออกมาหั่น ตักใส่ถ้วยใส่ซามหาออกไปกินได้เลยคับ บ่ได้ปรุงหยังหลายดอก ส่ำนี้อี่หลี
เอิ้นพี่เอิ้นน้องมากินหลายๆคนมันจั่งแซบเนาะคับ เฮ็ดแจ่วพริกป่น บีบบักกอกใส่นำ กินกับต้มน้องงัวกะเข้ากันดีคับ แซบอยู่ดอก c06:c06:
Bookmarks