มื้อนี้สิมีหมู่มาหา บ่าวจัยเลยคิดเมนูไก่มาเฮ้ดให้หมู่กินบ่าวแล้วแลงเนาะครับ
เดิมทีบ่าวเป็นคนกินเผ็ดแนจักหน่อยเลย เอาเมนูนี้ละกัน ผัดเผ็ดไก่(เหนียว)บ้านเนาะครับ
เครื่องกะมีเท่าที่เห็นละครับ พริกแกงเผ็ด พริกหยวก พริกไทอ่อน
ใบกะเพรา หมากแข้ง(มะเขือพวง)ขิงซอย อันนี้แล้วแต่สิคึดได้ครับ
บ่มีหลักสูตรตายโต อยากกินหยังกะหามาใส่เลยครับมันสิแซบเอง
ที่สำคัญขาดบ่ได้กะคือ ไก่ครับไปซื้อมาให้เพิ่นสับให้พร้อมมันจั่งบ่ยากเฮา
มาฮอดบ้านกะจัดการล้างน้ำให้สะอาดก่อนครับ จากนั่นตั้งกะทะ
ผัดพริกแกงให้หอม หรือว่า เอาจนจามกะได้ครับแล้วเอาไก่ลงไปผัดให้สุก
พอน้ำมันฮ้อนผัดพริกแล้วเอาไก่ลงจนว่าไก่สุกใส่น้ำซุปรึว่าน้ำกินกะได้ครับ
ลงไปนิดหน่อยค่อยๆใส่เด้อครับอย่าสิเทลงไปเทือเดียวละมันสิโพดน้ำเด้เดียวสิกลายเป็นแกงล่ะ
ไก่สุกแล้วจัดการปรุงตามมักครับน้ำปลา น้ำตาล ผงนัว(รสดี)ซอสปรุงรส
แล้วกะเอาผักที่สุกยากลงก่อนครับ เช่น หมากแข้ง พริกหยวก พริกไทเม็ด
ใส่ลงไปแล้วจัดการคนให้มันเข้ากันปิดฝาไว้ให้มันสุกก่อน
หลังจากทุกอย่างสุกแล้วจัดการเอาใบกะเพราลงไปคนแล้วปิดไฟยกลงเตรียมเสริฟได้เลยครับ
และนี้หน้าตาของแนวกินแลงสำหรับคนสามคน ยังมีอีกอย่างไก่มันโตใหญ่เฮ็ดบ่เบิ่ดต้มยำอีกจักหม้อเนาะครับ
ตามมด้วยเมนูซดฮ้อนๆครับ ต้มไก่เหนียว จักถ้วยเนาะครับ
อันนี้กะตามภาพเลยเนาะครับ น้ำฮ้อนแล้วกะเอาไก่ลงไปเลย ย้ำน้ำฮ้อนค่อยใส่ไก่ลงไปเด้อครับ
เพราะฉนั้นมันสิมีกลิ่น ใส่แล้วบ่ต้องคน มันสิคาว ปล่อยให้มันสุกก่อนค่อยคนเทือเดียวครับ
ปล่อยไว้ด่นแล้วน้ำเดือดปุดๆเลย จัดการปรุงรสตามมัก พริกน้ำปลา ผงชูรสหมากขามส้ม หมากเขือเทศ หอมหัวใหญ่ ต้นหอมผักชี
เสร็จแล้วตักมาเสริฟเลยครับ หมู่นั่งกลืนน้ำลายบอกหิวแล้วๆๆๆๆๆตะแม่นด่นพะน่ะอิอิิอิอยากกินแซบต้องใจเย็นๆตั๋วะ
ตั่งภาพเลยครับ ไข่ข้าใครอย่าแตะ
พร้อมเสริฟแล้ว
มาเด้อครับบาดนี้ มาล้อมวงนำบ่าวจัยและเพื่อนๆเด้อครับ
ขอโทษบางลีลาแต่งกายบ่สุภาพ
ขอบคุณพื้นที่บ้านมหาที่ให้บ่าวจัยได้เสนอแนวคิด แนวกินซุมื้อนี้ครับ
Bookmarks