แล้วไผ๋น้อ..สิฮักอ้าย..

[พลายแก้ว]

นับแต่มื้ออ้ายมีน้อง เข้ามาจองครองใจพี่
หัวใจที่เคยฮ่าง เลยบ่ว่างให้แก่ไผ๋
เพราะในใจของอ้ายนี้ มีเจ้าอยู่เพียงคนเดียว
บ่เคยเกี้ยวผุได๋ คิดนอกใจเลยสักครั้ง
แล้วเป็นหยังน้อน้องหล่า เจ้าจั่งมาปล่อยถิ่มพี่
เจ็บอีหลีเด้อคักแท้ มื้อต้องแพ้ให้แก่เขา
หากว่าหัวใจเจ้า บ่มีใจให้จักหน่อย
เหมิดหวังคอยแล้วน้องหล่า คนสิถ่าบ่าวพี่ชาย
แล้วไผ๋น้อสิฮักอ้าย คนผุไคยังถิ่มพี่
หรือว่าในโลกนี้ เหลือสตรีที่ฮักแท้ นอกจากแม่...แม่นบ่มี น้อ

[วัฒนชัย หาริโร]

วัฒรว่าคือสิแม่นแม่เฮาเนาะที่ฮักเฮาอยางจริงใจ:heart:

[sompoi]

ยามควมฮักมาสุมตุ้ม ป่านมีแนวมาหุ่มห่อ
ยามควมฮักมาเตื้องต่อ กะพอมรณังย่อน นำพุ่นล่ะ.. บ่าวเอ้ย
..อดสาเอาๆ..ใหญ่แล่วล่ะ..บุยยย..บอกแต่เพิ่น..

[chudhancock]

อย่าเสียใจไปเลยอ้าย คนเคียงกายอ้ายมีอื่น
น้องขอหยืนเคียงข่าง คั่นใจว่างดอกอีหลี
ขอแต่เพียงให้อ้ายนี่ ลืมคนที่เขามาตั๋ว
อ้ายเสียหัวเบิ๊ดกำลัง น้องนี่ยังสิคอยซ้วน
เรื่องทั้งมวนทั้งเบิ๊ดนั่น สิขอขันอาสาซ่อย
ปลอบหัวใจที่เศร้าสร้อย สิคอยเฝ้าซดน้ำตา
ยามอ้ายอิดดอกเมื่อยล้า อกหักมาน้องเป็นห่วง
เห็นเขาลวงหลอกอ้าย แฮงเฮ็ดให่น้องสงสาร
คนฮักกันอีหลีแท้ เขาบอแคร์อ้ายจั๊กหน่อย
เพินไปมีดอกใหม่จ้อย น้ำตาย้อยจังค่อยมา น้ออ้ายเอ้ย

[สุพรรณณี]

คนบ้านเดียวกันคือบ่หันมาเบิ่ง
เบิ่งแต่คนทางอื่นพุ้นมาสูนแท้พี่ชายเอ้ย
บาดเขาเฉยบ่เบิ่งหน้าจังหันมาห่ากินตับ
ข่อยบ่รับดามหัวใจไผ๋สิเบิ่งกะเบิ่งโลด อิอิ

[ลาวดีน้อย]

แล้วไผน้อ มาสิฮักอ้าย คันบ่แม่นน้องนาง
ฮักอ้ายหลาย บ่น้อยกว่าเขาดอก บ่ได้เว้าหยอก
บ่ทำให้อ้าย สิต้องใจหาย คือเขาทิ่มอ้ายไป
พอสิได้บ่น้อ คนพอกะชอคือน้อง บ่งามงอนคือเขา คนทิ่มอ้ายไป....

อิอิ มาหัดแต่ง เล่นๆ ดอกจ้า บ่เก่งจ้า 5555

[พลายแก้ว]

บูยย...มีแต่ผู้เว้าม่วนๆๆเนาะ ..ขอบคุณครับ สำหรับกำลังใจทุกข้อความ คอมเมนท์....

หล่านางเอย...
อย่าสะมาตื่มซ้ำ เอาไฟตำแผลเก่า
แผลพวมหายเหือดแห้ง ซ่างมาเฮ็ดให้เน่าคืน แท้นอ
หนองนทีที่มันขุ่น ควายลงกินจนว่าขุ่น
ปลิงปานเส้นข้าวปุ้น ซ่างตั๋วอ้ายให้ไปลง แท้น้อ
แนวว่าคนต้มคนนี่ มันบ่เปื่อยตั้งแต่หนัง
บ่แม่นพังตั้งแต่เนื้อ เปื่อยบ่เหลือฮอดเล็บน้อย
สะออนโอ้ เมื่อยมโน..เด้น้อ

[ธีระปลัด]

บู่ยๆ คิดบ่ออก

[พลายแก้ว]

แล้วไผน้อ..สิฮักอ้าย เมื่อเจ้ากลายไปเป็นอื่น
ทุกค่ำคืนทางใจอ้าย คงสิได้แต่คิดถึง
คงบ่พอให้ลึกซึ้ง จั่งดึงใจเจ้าบ่อยู่
ขอให้เจ้ายอดซู้ ไปอยู่เคียงเขาแล้ว อย่ากินแห้วคืออ้ายเด้อ
หากแม่นเจอกันมื้อหน้า อ้ายสิลาจากทางย่าง
บ่เป็นคนขวางทาง บ่เป็นก้างขวางเจ้า แม่นสิเศร้ากะซางใจ
ขออภัยในบางครั้ง หากแม่นยั้งใจบ่อยู่
มาแอบดูยามคิดฮอด กอดเสาฮั้วจอบเบิ่งนาง
อยากปล่อยวางอยู่ดอกหล่า แต่ใจน้า..มันบ่เชื่อ
ใจแฝงเฟือตั้งแต่เจ้า ตั้งแต่เค้าเฮาพบกัน
ถึงหลายวันสิผ่านพ้น กะยังวนอยู่คือเก่า
แม้แต่มื้อเธอมีเขา เข้ามาแทนตำแหน่งอ้าย กะบ่ย้ายจากรักเธอ
ฮักเสมอเด้อน้องหล่า ถึงแม่นว่าบ่มีหวัง
เก็บความหลังของสองเฮา เข้ามาไว้ในใจอ้าย
ฮักเจ้าหลาย..เด้อคำนี่ จากใจพี่ที่เคยบอก
บ่เคยหลอกหยอกเล่น เป็นคำเว้าจากเบ้าใจ
ฮู้ว่าเจ้าบ่ฮักอ้าย สิทำใจดอกเด้ออุ่น
อ้ายสิหมั่นทำบุญ ให้เป็นทุนส่งยู้ ขอเคียงคู่..ซาติต่อไป...เด้อ..สาธุ..

[sompoi]

อะบู๋ยย ..บทสะออนโอ้ผู่สาวแม๋ะ...แหล่มๆเพิ่น..

..แต่ช้าแต่.. คนขี้แง... เอาแต่ร้องไห้.. อิอิอิ..

..ฮ่าสิได่สามยิ้มเนาะ.. ใหญ่แล้วๆ อดเอาๆ..