กำลังแสดงผล 1 ถึง 3 จากทั้งหมด 3

ลมหนาว บ่าวขาแตก...ควรค่ำหวนหาแฟน (มอบให้สาวฉันนา..ทุกคนเด้อ)

  1. #1
    chanyut2
    Guest

    ลมหนาว บ่าวขาแตก...ควรค่ำหวนหาแฟน (มอบให้สาวฉันนา..ทุกคนเด้อ)

    เขียนจากเถียงนาน้อย...ส่งฮอดน้องฉันทนา
    จากบ่าวฮ้างๆ....ใจฮักบ่แคแปเปลี่ยน
    ควายบักตู้ฮ้องหา....สาวผุเคยขึ้นขี่หลัง
    ส่งสารอ้อนวอน....นางหล่าผุอยู่ใกล
    สารนี้ชื่อว่า อักษรใช้ ...ลายเซ็นนำส่ง
    เพื่อประสงค์ข่าวข้อ ...ขอซ้อนฮ่วมพระมัย
    ก็จึ่งแปลงสารใช้ ...เขียนผญาแต้มแต่ง
    มาแสดงต่อน้อง ...ยามแค้นคลั่งกระหาย
    โอน้อ?เจ้าผู้ฉันทนาเนื้อ ...แก้มอ่อนๆ ละมัยผิว เฮียมเอ้ย
    ขอให้แยงผญาเถิง ...บ่าวพี่ชายปางนี้
    เจ้าผู้ฉันทนากางจ้อง...พี่จงใจสมสวาท
    นับแต่พ้อพบน้อง ...บ่มีมื้อสิหล่ายลืม ได้แหล่ว
    อันแต่ในมโนอ้าย ...ทลายลงล้มล่าว
    แสนสาวมานั่งล้อม ...บ่ปานน้องผู้อยู่ไกล
    เทื่อนี้ พี่จึงลิขิตข้อ ...ขอขอดพระทัยฮัก
    ขอให้นางน้องผาย ....โผดเฮียมยามแค้น
    คันสิขังมโนไว้ ....อกสิเพพังมุ่น เอาแหล่ว
    พี่จึงปูนแต่งแต้ม ....กลอนแก้ข่าวสาร
    ขอให้นางคราญน้อง ....ยอฉลองเทียมเนตร
    หลิงหล่ำสารสอดฮู้ ....ประสงค์แจ้งฮอดชาย แด่ท่อน
    พี่พ่องกลัด พ่องกลุ้ม ....หลงฮูปละเมอเถิง
    ว่าสิปองเอาอวน ....ยอดนางมานอนซ้อน
    ขอให้ดวงสมรแก้ว ....กลมเกลียว ฮักห่อ พี่ถ่อน
    ผายโผดอ้าย ....ผู้โทนโท่อยู่เดียว
    พี่นี่ หวังกอดเกี้ยว ....ผกายกอด กรกวม
    ผิว่าสมความหมาย ....สิชื่นชมสมเยื้อน
    พี่สิเพียรสมสร้าง ....สะพานทองเที่ยวไต่
    สองฝ่ายก้ำ ....ให้เป็นแป้นแผ่นเดียว
    เจ้าผู้ศรีเสลียวสร้อย ....ยอยผมดำให้นำเลี่ยม เฮียมแม้
    พี่กะตั้งต่อน้อง ....หมายหมั่นชั่วชีวัง
    พี่นี้ ขันอาสาตั้ง ...ถวายดอมเด็ดเดี่ยว
    มักเพื่อสมสู่สร้าง ....สินสร้อยซ่อยปอง
    พี่นี่ฮักฮูปน้อง ....นมนานสุดซั่ว จริงแหล้ว
    หาสังปูนเปรียบด้าม ....เสมอเผี้ยงบ่มี พี่แหล่ว
    ผัดแต่ลงโลกหล้า ....เอากำเนิดในมนุษย์ มานี้
    พี่บ่ทันเคยฮัก ....ผู้ได๋ปานน้อง
    ผัดแต่ครองตนสร้าง ....พสุธาเมืองลุ่ม
    บ่เคยฝักไฝ่ฝั่น ....กระสันดิ้นต่อไผ
    เทื่อนี้ พบภาพน้อง ....ละเมอป่วงหลงใหล
    ขอแก่สายใจอวน ....ฮ่ำคะนิงหวนฮู้
    เจ้าผู้ตู๋หลูต้น ....ทองไทยพิฑูรเทศ เฮียมเอย
    อดเจ้าผายผ่อเยี่ยม ....กระแสสิ่งสอดสาร พี่ท่อน
    พี่นี่ ฮักนาถน้อง ....หลงฮูปละเมอหา
    ผิว์บ่สมเจตนา ....สิมิ่งมรณาเมี้ยน
    อดให้สงสารถ่อน ....สายสมรเทียมเตร เฮียมเอ้ย
    สงสารชายกำพร้า ....มาเว้าเหนี่ยววอน
    พี่นี่ จรจวบน้อง ....มาพานพบจอมขวัญ
    คือจั่ง กาดำพบ ....จวบนางลุนน้อย
    อันว่า สมเสลาสร้อย ....นางลุนผัดฮักห่อ กาดำ นั่น
    ยังได้เกาะกอดเกี้ยว ....ผสมฝั่นฮ่วมกัน
    คึดเบิ่ง เงาะฮูปฮ้าย ....ใบ้บ้ากะทาชาย
    ยังได้ชมแซมสอง ....รจนานางน้อย
    ขอให้ สมเสลาสร้อย ....พิจารณ์ใจแจ้งแจบ ดูถ่อน
    อย่าให้ ฮักพี่นั้น ....ฮามฮ้างเคิ่งทาง
    โอน้อ.. ขอให้กก กอดเกี้ยว ...ก้านก่าย กร-กวัด
    ยามเมื่อ สองเฮาพลัด ....พรากแฮมฮามซ้อน
    พี่ขอวอนเถิงไท้ ....พระอินทราปองซ่อย แน่แหม๋
    ขอให้ ชักจ่องน่าว ....สองเฮาให้ฮ่วมกัน
    พี่นี้หากตั้งต่อน้อง ....ตรงเที่ยงเป็นสัตย์
    ขอให้ สายแนนซัก ....ฮ่วมสองเสนห์ซ้อน
    พี่จัก วอนเอาน้อง ....นางแพงเทียมภางค์
    ปฏิบัติแนบข้าง ....เตียงมุ้งม่านเดียว
    เจ้าผู้ศรีเสลียวสร้อย ....เสมอพรพรหมแต่ง พี่เอย
    อ้ายมักใคร่ขอขอดหมั้น ...นำน้องชั่วชีวัง
    พี่นี่ หวังสมสร้าง ...เสน่หาปองปลูก
    ทุกข์คอบว่ามาบ่ได้ ....กลัวน้องบ่ปากนำ
    พี่นี้ ฮักยิ่งล้ำ ....เสมอหินถมแผ่น
    คันบ่สมเพชอ้าย ....อิดูหน้าหุ่นพลอย
    ย้านแต่ เหลือแฮงห้าม ....หัวใจสิมามุ่นทะลาย แหล่ว
    ขอให้ ใจน้องหล่า ....นางน้องซ่อยปอง แน่ถ่อน
    โอน้อ..ให้ซ่อยปักซ่อยป้อง ....ดับโศกละลายทุกข์ พี่นี่
    อย่าได้ เมินตาเฉย ....บ่คะนิงหวนฮู้
    พี่ เทียมดังนาวาน้อย ....ลอยนทีกลางแก่ง
    มีแต่ ฟองฟาดเบื้อง ....สิจมหมิ่งแค่วัง
    ขอให้ นงนางน้อย ....หลิงดูยามยาก
    ต้านตอบถ้อย ....ผอวนอ้ายผู้อยู่คอย แด่ถ้อน
    พี่ กะหวังทราบข้อ ....ไขต่อกระแสสาร
    ขอให้ ภิญโญญาณ ....สอดแสวงเถิงอ้าย
    พี่หมาย มาเป็นข้า ....ทาสาแสนชาติ
    ให้นาง ไขสวาทเบื้อง ....ผญาฮ่วมส่องญาณ
    แยงไป ก้ำฝ่ายบ้าน .....ภูมิถิ่นดินสถิต
    อดให้ ยอแยงคิด ....ใคร่กระแสสารอ้าย
    อย่าให้ เสียสูญฮ้าง .....ฮามชมสารสวาท
    หนาวนี้อ้ายแด่เดียว....นอนกอดเกี่ยวหมอนแตกฮ้าง
    ฉันทนานางเอ๊ย...เหลือโตนบ่าวคนใจข่อน
    ให้ได้กอดแนบน้อม...หลบลมหนาวคายพทัย
    สุขเสมอมั่นคองใจ....โสแดดิ้นนิ่งตายคาตักนาง...ซั่นเด้..พะน๊า..พะนะ....
    [/b][/color]

  2. #2
    PJ Nan
    Guest

    Re: ลมหนาว บ่าวขาแตก...ควรค่ำหวนหาแฟน (มอบให้สาวฉันนา..ทุกคนเด้อ)

    โอ๊ยเนาะ ตาลาย เด้

  3. #3
    chanyut2
    Guest

    Re: ลมหนาว บ่าวขาแตก...ควรค่ำหวนหาแฟน (มอบให้สาวฉันนา..ทุกคนเด้อ)

    เขียนจากเถียงนาน้อย...ส่งฮอดน้องฉันทนา
    จากบ่าวฮ้างๆ....ใจฮักบ่แคแปเปลี่ยน
    ควายบักตู้ฮ้องหา....สาวผุเคยขึ้นขี่หลัง
    ส่งสารอ้อนวอน....นางหล่าผุอยู่ใกล
    สารนี้ชื่อว่า อักษรใช้ ...ลายเซ็นนำส่ง
    เพื่อประสงค์ข่าวข้อ ...ขอซ้อนฮ่วมพระมัย
    ก็จึ่งแปลงสารใช้ ...เขียนผญาแต้มแต่ง
    มาแสดงต่อน้อง ...ยามแค้นคลั่งกระหาย
    โอน้อ?เจ้าผู้ฉันทนาเนื้อ ...แก้มอ่อนๆ ละมัยผิว เฮียมเอ้ย
    ขอให้แยงผญาเถิง ...บ่าวพี่ชายปางนี้
    เจ้าผู้ฉันทนากางจ้อง...พี่จงใจสมสวาท
    นับแต่พ้อพบน้อง ...บ่มีมื้อสิหล่ายลืม ได้แหล่ว
    อันแต่ในมโนอ้าย ...ทลายลงล้มล่าว
    แสนสาวมานั่งล้อม ...บ่ปานน้องผู้อยู่ไกล
    เทื่อนี้ พี่จึงลิขิตข้อ ...ขอขอดพระทัยฮัก
    ขอให้นางน้องผาย ....โผดเฮียมยามแค้น
    คันสิขังมโนไว้ ....อกสิเพพังมุ่น เอาแหล่ว
    พี่จึงปูนแต่งแต้ม ....กลอนแก้ข่าวสาร
    ขอให้นางคราญน้อง ....ยอฉลองเทียมเนตร
    หลิงหล่ำสารสอดฮู้ ....ประสงค์แจ้งฮอดชาย แด่ท่อน
    พี่พ่องกลัด พ่องกลุ้ม ....หลงฮูปละเมอเถิง
    ว่าสิปองเอาอวน ....ยอดนางมานอนซ้อน
    ขอให้ดวงสมรแก้ว ....กลมเกลียว ฮักห่อ พี่ถ่อน
    ผายโผดอ้าย ....ผู้โทนโท่อยู่เดียว
    พี่นี่ หวังกอดเกี้ยว ....ผกายกอด กรกวม
    ผิว่าสมความหมาย ....สิชื่นชมสมเยื้อน
    พี่สิเพียรสมสร้าง ....สะพานทองเที่ยวไต่
    สองฝ่ายก้ำ ....ให้เป็นแป้นแผ่นเดียว
    เจ้าผู้ศรีเสลียวสร้อย ....ยอยผมดำให้นำเลี่ยม เฮียมแม้
    พี่กะตั้งต่อน้อง ....หมายหมั่นชั่วชีวัง
    พี่นี้ ขันอาสาตั้ง ...ถวายดอมเด็ดเดี่ยว
    มักเพื่อสมสู่สร้าง ....สินสร้อยซ่อยปอง
    พี่นี่ฮักฮูปน้อง ....นมนานสุดซั่ว จริงแหล้ว
    หาสังปูนเปรียบด้าม ....เสมอเผี้ยงบ่มี พี่แหล่ว
    ผัดแต่ลงโลกหล้า ....เอากำเนิดในมนุษย์ มานี้
    พี่บ่ทันเคยฮัก ....ผู้ได๋ปานน้อง
    ผัดแต่ครองตนสร้าง ....พสุธาเมืองลุ่ม
    บ่เคยฝักไฝ่ฝั่น ....กระสันดิ้นต่อไผ
    เทื่อนี้ พบภาพน้อง ....ละเมอป่วงหลงใหล
    ขอแก่สายใจอวน ....ฮ่ำคะนิงหวนฮู้
    เจ้าผู้ตู๋หลูต้น ....ทองไทยพิฑูรเทศ เฮียมเอย
    อดเจ้าผายผ่อเยี่ยม ....กระแสสิ่งสอดสาร พี่ท่อน
    พี่นี่ ฮักนาถน้อง ....หลงฮูปละเมอหา
    ผิว์บ่สมเจตนา ....สิมิ่งมรณาเมี้ยน
    อดให้สงสารถ่อน ....สายสมรเทียมเตร เฮียมเอ้ย
    สงสารชายกำพร้า ....มาเว้าเหนี่ยววอน
    พี่นี่ จรจวบน้อง ....มาพานพบจอมขวัญ
    คือจั่ง กาดำพบ ....จวบนางลุนน้อย
    อันว่า สมเสลาสร้อย ....นางลุนผัดฮักห่อ กาดำ นั่น
    ยังได้เกาะกอดเกี้ยว ....ผสมฝั่นฮ่วมกัน
    คึดเบิ่ง เงาะฮูปฮ้าย ....ใบ้บ้ากะทาชาย
    ยังได้ชมแซมสอง ....รจนานางน้อย
    ขอให้ สมเสลาสร้อย ....พิจารณ์ใจแจ้งแจบ ดูถ่อน
    อย่าให้ ฮักพี่นั้น ....ฮามฮ้างเคิ่งทาง
    โอน้อ.. ขอให้กก กอดเกี้ยว ...ก้านก่าย กร-กวัด
    ยามเมื่อ สองเฮาพลัด ....พรากแฮมฮามซ้อน
    พี่ขอวอนเถิงไท้ ....พระอินทราปองซ่อย แน่แหม๋
    ขอให้ ชักจ่องน่าว ....สองเฮาให้ฮ่วมกัน
    พี่นี้หากตั้งต่อน้อง ....ตรงเที่ยงเป็นสัตย์
    ขอให้ สายแนนซัก ....ฮ่วมสองเสนห์ซ้อน
    พี่จัก วอนเอาน้อง ....นางแพงเทียมภางค์
    ปฏิบัติแนบข้าง ....เตียงมุ้งม่านเดียว
    เจ้าผู้ศรีเสลียวสร้อย ....เสมอพรพรหมแต่ง พี่เอย
    อ้ายมักใคร่ขอขอดหมั้น ...นำน้องชั่วชีวัง
    พี่นี่ หวังสมสร้าง ...เสน่หาปองปลูก
    ทุกข์คอบว่ามาบ่ได้ ....กลัวน้องบ่ปากนำ
    พี่นี้ ฮักยิ่งล้ำ ....เสมอหินถมแผ่น
    คันบ่สมเพชอ้าย ....อิดูหน้าหุ่นพลอย
    ย้านแต่ เหลือแฮงห้าม ....หัวใจสิมามุ่นทะลาย แหล่ว
    ขอให้ ใจน้องหล่า ....นางน้องซ่อยปอง แน่ถ่อน
    โอน้อ..ให้ซ่อยปักซ่อยป้อง ....ดับโศกละลายทุกข์ พี่นี่
    อย่าได้ เมินตาเฉย ....บ่คะนิงหวนฮู้
    พี่ เทียมดังนาวาน้อย ....ลอยนทีกลางแก่ง
    มีแต่ ฟองฟาดเบื้อง ....สิจมหมิ่งแค่วัง
    ขอให้ นงนางน้อย ....หลิงดูยามยาก
    ต้านตอบถ้อย ....ผอวนอ้ายผู้อยู่คอย แด่ถ้อน
    พี่ กะหวังทราบข้อ ....ไขต่อกระแสสาร
    ขอให้ ภิญโญญาณ ....สอดแสวงเถิงอ้าย
    พี่หมาย มาเป็นข้า ....ทาสาแสนชาติ
    ให้นาง ไขสวาทเบื้อง ....ผญาฮ่วมส่องญาณ
    แยงไป ก้ำฝ่ายบ้าน .....ภูมิถิ่นดินสถิต
    อดให้ ยอแยงคิด ....ใคร่กระแสสารอ้าย
    อย่าให้ เสียสูญฮ้าง .....ฮามชมสารสวาท
    หนาวนี้อ้ายแด่เดียว....นอนกอดเกี่ยวหมอนแตกฮ้าง
    ฉันทนานางเอ๊ย...เหลือโตนบ่าวคนใจข่อน
    ให้ได้กอดแนบน้อม...หลบลมหนาวคายพทัย
    สุขเสมอมั่นคองใจ....โสแดดิ้นนิ่งตายคาตักนาง...ซั่นเด้..พะน๊า..พะนะ.

    เอาใหม่อ่ะซั่น...ข่อยกะวินสีคือกาน..


Tags for this Thread