สิบนิ้วคารวะไหว้วันทาเอาไว้ก่อน
ผมน้องไหม่มาวอนขอแนะนำตัวไว้
ห่าว่าได้รับใช้น้องพี่ทั้งหลาย
ฟังสิบรรยายประวัติไว้ก่อน
ผมนี่เปรียบไม้อ่อน ชื่อว่าทองคำ
บ้านอยู่บุรีรัมย์จังหวัดเมืองเกิด
เชิญเจ้าไปเบิ่งเถิดหากไผสนใจ
บ่อได้น้อยหน้าไผอำเภอบ้านกรวด
เดียวนี่ทางเขาลวดลาดยางไปเถิง
ฮอดทางไต้ทางเทิงอุดมซมซื่น
ผมทองคำนี่บ่อได้เว้าลื่นเป็นแท้อีหลี
ว่าไว้แต่เพียงนี่ขอลงไว้ก่อน
เทือหน้าสิเอาต่อนผญามาฝาก
เทื่อนี่น้อมจิตฝากพวกพี่ทุกคน
ซาผมนี่คนจนมาเห็นกันไหม่
คันบ่ดีอย่าฟ่าวไล่อดสาเบิ่งเอา
แม่นจั่งได๋กะแม่นน้องพี่เฮาคนชาวอีสาน ............. เนาะอ้ายเนาะ .............เทื่อหน้าสิมาไหม่.......ขอฝากเนื้อฝากตัวเด้อครับ

ทองคำน้อย เสียงทอง