ขอยกให้เป็นเมนูเพื่อสุขภาะเนาะจ้าสำหรับยำวุ้นเส้นครั้งนี่...
ช่วงคริสต์มาส กินอบเป็ด+ของหวานฉลองคริสต์มาสเยอะเกิน ฟิตเนสกะปิด หนหวยเลยหละ
มื้อวานนี่ฟิตเนสเปิด มื้อนี่กะเปิดเย้ๆ ไปซะมื้อละ2ชั่วโมงเลย อิอิ...แล้วกะปิดปีใหม่อีก
มาฮอดบ้านเทิงเมื่อยเทิงหิว แล้วซ่อยหยังได้หละ555++อาบน้ำแล้วกะเลยนั่งคึดว่า เอ่อ สิกินหยังดี
ซอกตู้ในครัวหลืบนั่นหลืบนี่ เห็นวุ้นเส้น ได้การ ยำวุ้นเส้นดีกว่า ลงมือเลยจ้า ง่ายๆ
ออกมาแล้วหน้าตาประมาณนี่หละ บ่รู้ว่าเพื่อสุขภาพหรือบ่ อิอิ
เครื่องปรุง กะหาเอาตามที่มีในครัวหละจ้า มีนั่นขาดนี่ตามเคย ครัวไกลบ้านเนาะ
เนื้อปลาหมักเกลือ นึ่งเลยจ้า ใส่ตะไคร้ใบมะกรูด สิได้บ่คาว ลอกหนังปลาถิ่มไปยีๆหาก้างจักหน่อย
ปูอัดหั่นตามชอบ
เห็ดหูหนูขาวแห้งแช่น้ำให้นิ่ม ตัดเอาแต่ส่วนอ่อนๆ ต้มในน้ำเดือดจัก5-10นาที
ก้านคะน้าหั่นลวกพอสุก
แครอทหั่นเส้นเคิ่งหัว
มะเขือเทศหั่น1ลูก
หอมหัวใหญ่หั่นเคิ่งหัวพอ
ก้านผักเซเลอรี่หั่น
ไผมีกระเทียมดองกะใส่ตามชอบเด้อจ้า ข่อยบ่มีแหม๋
ถั่วขาวต้มสุก ผักชีสับ
วุ้นเส้นแช่น้ำพอนิ่ม ลวกให้สุก
น้ำยำ....
ตำพริกขี้หนูสวนติ๋มใส่15เม็ดจ้า
กระเทียม1กลีบ
น้ำหมากนาว น้ำปลา น่้ำเชื่อมมักรสใด๋นำกะใส่ได้ตามชอบ
เตรียมเครื่อปรุงทุกอย่าให้พร้อมจ้า ลวกวุ้นเส้นอันดับสุดท้าย ใส่ชามคลุกๆให้เข้ากัน
เฮ็ดง่ายๆจ้า ลดเนื้อสัตว์ใหญ่ ลดแป้งแหน่...อยากผอมเนาะอดเอา อิอิอิ
ติ๋มเฮ็ดแนวกินสิบ่ค่อยตวงดอก กะเอาจ้า....
เชิญแซบจ้าพี่น้องบ้านมหาที่รัก...
จานนี่ฝากพี่มิกโดยเฉพาะจ้า นางรำบ้านมหาเนาะ อย่าอดกินหลายเด้อ หวิ่งเด๋พี่...อิอิ
Bookmarks