สวัสดีจ้าพี่น้อง มื้อนี้แพงเอาภาพฝนลูกเห็บตกมาสู่เบิ่งจ้า เกิดมาแพงกะพึ่งเห็นฝนลูกเห็บลงหลายเทื่อแรกจ้า
ก็เลยเก็บภาพมาฝากจ้า ทางบ้านเฮาคือสิบ่ค่อยเห็นปานได๋น้อจ้า แต่เบลเยียมนิตกบ่อยอยู่จ้า
แต่แพงบ่ค่อยมีโอกาศได้เบิ่งคักๆและตกหลายเท่าครั้งนี้จ้า ภาพนี้ตั้งแต่ปลายเดือนธันวาคมเด้อจ้า
สิเอาลงแต่นานแล้วละจ้า แต่ซอกหาบ่พ้อ คอมแพงกะฮกๆปานเตะเห็ดจ้า
ธุจ้า ขอบคุณทุกท่านจ้าที่แวะมาเยี่ยมชมกระทู้ของสาวทองแพง
กำลังลงแล้วจ้า เสียงสาดใส่หน้าต่างว่าแม่นคนกำหินแห่หว่านใส่เลยจ้า กำลังนอน(เว็น)สะเดิดตื่นมา ตั้งสติ30วิ แล่นไปเอากล้องมาถ่ายไว้จ้า คิคิ
ประมาณ3นาทีผ่านไปจ้า ตกหลายๆจ้างวดนี้
หนาวหลาย ฟ้าวเข้าในบ้านก่อนจ้า ต้นหอมกะทนคักจ้าบ่ยอมตาย อย่าแปลกใจเด้อจ้าว่าสวนมาคือฮกแท้
ยามหนาวกะบ่ได้ดูแลจ้า ยามฤดูใบไม้ผลิพุ้นละจ้าจังสิได้เฮ็ดความสะอาดสวนจ้า
อ้างข้อความนี้
Bookmarks