หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

มูลมังอิสาน

  1. #1

    มูลมังอิสาน


    สวัสดีจ้าพี่น้อง มื้อนี้สิพาไปเบิ่งมูลมังอิสานภูมิปัญญาคนสมัยก่อนจ้า
    ผุเพิ่นคิดค้นเครื่องไม้เครื่องมือในการดำรงชีวิตสมัยก่อน ภาพนี้ได้มาจากศาลากลาง หมู่บ้านที่สาวทองแพงอยู่จ้า
    มีไผรู้จักอยู่บ่จ้า สิ่งของเหล่านี้ สาวทองแพงกะเคยเห็นแต่เป็นเด็กน้อยพุ้นจ้า เดี๋ยวนี้บ่มีคนใช้แล้วจ้า น่าเสียดายน้อจ้า
    ถ่ายภาพมาตั้งแต่กลับไปยามบ้านจ้า ไปเบิ่งกันเลยดีกว่าน้อจ้าว่ามีอิหยังแน่

    มูลมังอิสาน
    ฟืม เอาไว้ต่ำ,ทอผ้าจ้า
    มูลมังอิสาน
    "ขอ" หรือกะลอ เอาไว้ผูกติดกับงัวหรือควาย ยามเสียจังหาง่ายพะนะ คิคิ
    มูลมังอิสาน
    ลอกสาวไหม เอาคีบปากหม้อนึ่งแล้วกะสาวใยไหมขึ้นมาจ้า
    มูลมังอิสาน
    กะลอ เอาไว้ตีเอิ่นชาวบ้านมาประชุุมจ้า
    มูลมังอิสาน
    ลอบ เอาไว้ดักปลาจ้า
    มูลมังอิสาน
    กะซัง,ซัง เอาไว้ใส่ปลาที่ได้มาแต่ใส่ลอบจากข้างเทิ่งนั้นล่ะจ้า คิคิ
    มูลมังอิสาน
    กะต่าขี้ย้าง,คุขี้ย้าง,คุป่อม เอาตะกร้ามาทายางไม้ สามารถตักน้ำได้จ้า
    มูลมังอิสาน
    หลายๆอย่างรวมกันจ้า อันมีอิหยังแนะเบิ่งเอาเด้อจ้า บางอันสาวทองแพงกะบ่รู้ชื่อดอกจ้า
    (อันข้างบนกะรบกวนถามพี่น้องในห้องแชทมาดอกจ้าจังรู้ มูลมังอิสาน)
    ธุจ้า ขอบคุณพี่น้องในห้องแชทเด้อจ้าที่บอกชื่อมูลมังต่างๆจ้า
    ผิดพลาดประการใดต้องขออภัยไว้ณที่นี่นำเด้อจ้า
    แต่ละท้องถิ่นอาจจะเรียกแตกต่างกันได้จ้า


  2. #2
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    608
    เห็นกะลอแล้วกะคึดฮอดอิพ่อ ตอนเลายังอยู่ขั่นแม่นฮอดยามกินเข่าสวยเลากะสิไห่อิแม่ตีกะลอเอิ้นซุมกำลังดำนาขึ้นไปกินเข่า ตอนนี่กะลออันนั้นกะจักไปไสตะน้อยๆกะบ่อได้เก็บบ่อได้สนใจอีกอย่างบ่อได้คึดวามันสิมีคุณค่าทางใจป่านนี้ เห็นของเก่าๆละกะคิดฮอดตอนเป็นเด็กน้อยๆเนาะ

  3. #3
    ร่วมถ่ายทอดความรู้สู่สังคม สัญลักษณ์ของ แจ่มใสยิ้มสวย
    วันที่สมัคร
    Mar 2009
    ที่อยู่
    USA
    กระทู้
    1,014
    บล็อก
    18
    ขอบคุณน้องทองแพงค่ะ พี่แจ่มใสกำลังตามหาสิ่งของเหล่านี้พอดีเลย

  4. #4
    มีแต่แนวหาเบิ่งยาก ๆ

    เด็กน้อยสมัยนี้คือสิบ่ฮู้จักเน๊าะครับ

    แอกไว้ไถนา คราดนา กะมี บ่ได้เห็นโดนแล้ว

    สมัยนี้ขะเจ้าใช้ควายเหล็กกัน ปู ปลา บักหอย ในนากะบ่เหลือแล้ว ...

  5. #5
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,753
    นิละมูลมังอีสานของแท้พี่น้อง ตอนนิเห็นตามร้านอาหาร
    พื้นบ้านซิมักนำมาประดับร้าน โดยเฉพาะอุปกรณ์ที่ใช้ในการดักปลา
    เป็นความเชื่อแบบโบราณในทำมาหากิน

  6. #6
    ศิลปิน,ช่างภาพอิสระ สัญลักษณ์ของ เพ็นนี
    วันที่สมัคร
    May 2009
    ที่อยู่
    Bangkok
    กระทู้
    1,387
    บล็อก
    2
    เคยเห็นตั้งแต่น้อยๆพุ้นหล่ะแพงน้อง

    คิดฮอดเสียงกะลอ เวลาไปบ้านปู่ บ้านปู่อยู่ท้ายหมู่บ้านทางไปนา
    สิได้ยินเสียงชาวบ้านไล่ควาย ไล่งัวผ่านเช้า-แลง เด็กบ้านนอกบ่เคยได้ยินกะตื่นเต้น 55
    เสียงมีหลายแบบนำเด้ แล้วแต่ไผสิเฮ็ดแบบได๋เนาะ

    ขอบคุณน้องแพงหลายๆที่เอาภาพมาให้เบิ่ง นึกว่าหาเบิ่งได้เฉพาะร้านอาหาร พะนะ

  7. #7
    ร่วมถ่ายทอดความรู้สู่สังคม สัญลักษณ์ของ กำลังใจ
    วันที่สมัคร
    Mar 2007
    กระทู้
    1,611
    บล็อก
    1
    สาวทองแพง อนุรักษ์ของเก่าไว้เลยนะจ๊ะ เสียดายเนาะที่จะหายไปจากความทรงจำของทุกคน
    เด็กรุ่นใหม่บางคนก็คงไม่รู้จักแล้วแหละคะ

  8. #8
    แบ่งปันความรู้และประสบการณ์ สัญลักษณ์ของ บ่าวเคน
    วันที่สมัคร
    Jun 2009
    ที่อยู่
    อุบลฯ เมืองดอกบัวงาม
    กระทู้
    372
    อันข้างบน จำชื่อบ่ได่ แต่ฮู้สึกว่าเพิ่นสิเอาไว้หวีเส้นด้าย ในฟืม ตอนมันยุ่งกัน
    คล้ายๆหวีผมนี่ล่ะ

  9. #9
    ฟืมต่ำหูกเคยได้ใช้จ้าน้องแพง...ตอนนี่อยู่บ้านเฒ่าแม่กะยังใช้อยู่...
    แต่พี่เป็นเด็กน้อย เฒ่าแม่ทอผ้าขิดส่งบ้านนาข่า(เมืองอุดรฯ)...แต่ทุกมื้อนี่เลาเฒ่าแล้ว เลิกทอส่ง แต่ยังทอใช้อยู่...
    พี่ปั่นหลอดเป็นแต่อายุ9ขวบ เริ่มทออายุ10ขวบ เริ่มเก็บขิดอายุ11ขวบ ถืกใช้แรงงานแต่เด็กคักบ่...อิอิอิ

  10. #10
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,273
    เรียงลำดับเพิ่มเติมเนาะคับ ที่สาวทองแพงเพิ่นบอกบ่เบิด

    หวีแผง เป็นหวีเซ็นตาล( เส้นจากก้านตาล) เอาไว้หวีหูกบ่ให้เครือหูกยุ่ง

    แอกไถ ใช้ไถนา

    อีจู้ ใช้ดักเอี่ยน

    มีดเซีย (กรรไกร) ห้อยอยู่ปลายแอก

    ฟืมป๊ก (ห้อยอยู่ใต้ฟืมทอผ้าอันล่างสุด) บ่ได้เห็นโดนแล้ว เอาไว้ต่ำสาดผือ คนละอันกับฟืมต่ำสาดไหล( สาดกก) เพราะว่าฟืมป๊ก สิทอในแนวตั้ง แต่ว่าสาดกก เพิ่นสิทอในแนวนอน

    พี่นางเจ้ากะมาคักแท้เก็บขิดได้แต่ยังน้อย อย่าลืมถิ่มเด้อ


    สำหรับ สมัยนี้สิ่งที่คิดว่า เด็กน้อยสิบ่เคยเห็นและบ่ฮู้จักเลยอะคือ ฟืมป๊ก


Tags for this Thread