สวัสดีจ้าพี่น้อง มื้อนี้สิพาไปเบิ่งมูลมังอิสานภูมิปัญญาคนสมัยก่อนจ้า
ผุเพิ่นคิดค้นเครื่องไม้เครื่องมือในการดำรงชีวิตสมัยก่อน ภาพนี้ได้มาจากศาลากลาง หมู่บ้านที่สาวทองแพงอยู่จ้า
มีไผรู้จักอยู่บ่จ้า สิ่งของเหล่านี้ สาวทองแพงกะเคยเห็นแต่เป็นเด็กน้อยพุ้นจ้า เดี๋ยวนี้บ่มีคนใช้แล้วจ้า น่าเสียดายน้อจ้า
ถ่ายภาพมาตั้งแต่กลับไปยามบ้านจ้า ไปเบิ่งกันเลยดีกว่าน้อจ้าว่ามีอิหยังแน่
ธุจ้า ขอบคุณพี่น้องในห้องแชทเด้อจ้าที่บอกชื่อมูลมังต่างๆจ้า
ฟืม เอาไว้ต่ำ,ทอผ้าจ้า
"ขอ" หรือกะลอ เอาไว้ผูกติดกับงัวหรือควาย ยามเสียจังหาง่ายพะนะ คิคิ
ลอกสาวไหม เอาคีบปากหม้อนึ่งแล้วกะสาวใยไหมขึ้นมาจ้า
กะลอ เอาไว้ตีเอิ่นชาวบ้านมาประชุุมจ้า
ลอบ เอาไว้ดักปลาจ้า
กะซัง,ซัง เอาไว้ใส่ปลาที่ได้มาแต่ใส่ลอบจากข้างเทิ่งนั้นล่ะจ้า คิคิ
กะต่าขี้ย้าง,คุขี้ย้าง,คุป่อม เอาตะกร้ามาทายางไม้ สามารถตักน้ำได้จ้า
หลายๆอย่างรวมกันจ้า อันมีอิหยังแนะเบิ่งเอาเด้อจ้า บางอันสาวทองแพงกะบ่รู้ชื่อดอกจ้า
(อันข้างบนกะรบกวนถามพี่น้องในห้องแชทมาดอกจ้าจังรู้ )
ผิดพลาดประการใดต้องขออภัยไว้ณที่นี่นำเด้อจ้า
แต่ละท้องถิ่นอาจจะเรียกแตกต่างกันได้จ้า
Bookmarks