กำลังแสดงผล 1 ถึง 8 จากทั้งหมด 8

ก่อนสิถิ่ม....บอกอ้ายก่อนเด้อ

  1. #1
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884

    ก่อนสิถิ่ม....บอกอ้ายก่อนเด้อ

    หล่านางเอย...ยามเมื่อสายลมพัดเอื้อน อ้ายสะเทืยนหัวใจหวั่น

    คึดนำเด๋สาวผุนั้น ผุสาวอ้ายที่ห่างกัน

    ย่านสัมพันธ์ของเฮานั้น ต้องไหวหวั่นกับความไกล

    ย่านมีใครเข้ามาหา นั้งสบตาอยู่กับน้อง

    คอยตามเทียวเดี๋ยวตามจ้อง เฮ็ดเฮาสองต้องไกลห่าง

    เลยอยากฟังน้องนางเว้า ยังฮักแท้อยู่บ่น้อ

    ส่วนคนรอคือโตอ้าย ยังฮักหลายบ่เคยเปลี่ยน

    ยังคงเขียนว่าฮักน้อง ในใจนี้บ่เปลี่ยนไป

    หากมีใจคึดเห็นบ้าง ให้น้องนางส่งข่าวแหน่

    หรือบ่แคร์ฮักกันแล้ว กะบอกบ้างเผื่อเฮ็ดใจ...เด้อหล่าเอย

  2. #2
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    157
    หล่านางเอ้ย...จั้กเป็นหยังกะบ่ฮู้ อยู่บ่อยู่กะหายไป
    ฟังแต่เสียงรอสาย ฮ้องอยู่ปลายก้ำฝั่งพู้น
    คือสิคุ้นนอน้องหล่า คำที่ว่าอั่น ''Miss call''
    ที่แสดงอยู่หน้าจอ แม่นบ่พอร้อยละตี้ คนทางพี้โทรไปหา
    กะผู้ไคอยู่ตั้วหล่ะทางหน้าตาน้องหล่าพี่
    ใจคือดำแท้นอนี้ บ่คือกี้แต่เก่าหลัง
    ทรงสิเป็นไปฮ้าย เป็นสาวไทยใส่ส้นหย่อง
    เฮ็ดฮอดผมสีทอง นุ่งตั้งแต่ซ่งกิ้น ป๋าถิ่มซิ่นอีแม่สอน
    นอนกลางคืนบ่เป็นดอก นางต้องออกตะเวนเที่ยว
    จั้กว่าหมู่ว่าเสี่ยวเทียวตั้งแต่มาเว้าชวนกินเหล้าอยู่บ่วาย
    ระวังกายเด้อคนฮู้ ซุมเจ้าซู้นั่นมักหลาย
    เทิงเสื้อขาว เสื้อลาย เทิงผมดำผมหงอก หากมักหยอกหลอกผู้สาว...นางเอ้ย
    หรือว่ามีผู้ใหม่แล้ว เป็นเด็กแนวแถวเมืองใหญ่
    เว้าตั้งแต่คำไทย ภาษาลาวมันบ่โก้ คือโตเจ้านั้นคักหลาย
    คือสิไลลืมอ้าย ซายที่เคยนอนก่ายขา...นางเอ้ย
    คนเคยสัญญาว่าสิฮักกันบ่สิ้น แผ่นดินปี้นกะบ่วาง
    โทรไปหากะบ่ว่าง พ้อแต่หมู่เพิ่นนำสาย
    ยินแต่เสียงเพิ่นเว้าไทยว่า"หมายเลขที่ท่านเรียกไม่สามารถติดต่อได้ขณะนี้ กรุณาติดต่อใหม่อีกครั้งค่ะ" อ้ายสงสัยแม่นไผน้อง
    ว่าซิถามเพิ่นอยู่ดอก ให้ฝากบอกแฟนอ้ายแหน่
    อยากให้คืนมาแวะ เบิ่งหน้าแม่น้องแน่หล้า ก่อนแม่ป้าเลาซิตาย คนฮู้เอย...
    แฮงเว้า...แฮงใส่อารมณ์ตั้วผู้ข้า พอซะเถอะซั่น

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    โอ่น่ออ้ายเอ้ย ....
    ได้ฟังคำตัดพ้อ ผู้ได่น่อส่างพาว่า
    ทางวาจาใส่ร้ายหมายให้น้องหน่ายหนี..แทะน่อ
    ...บ่เคยลืมตั้งแต่กี้ ตั้งแต่พี่เคยฝากคำ
    ยังจดจำยุเด้อชาย ผู้ปองหมายคือโตเจ้า
    บ่เคยเอาใจเลี้ยว เทียวนำไผแม้แต่หน่อย
    แม้เพียงปลายนิ้วก้อย โตนางน้อยบ่ให้สูน ..พุ้นเด๋
    ...ย้านแต่ทางฝ่ายพุ้น เพิ่นมีใหม่ทำเหหัน
    ทำเป็นตัดสัมพันธ์ ใส่ความผิดพะนางน้อง
    ไผสิหลิงเห็นฮ่อง ภายในบ้องไม้ไผ่
    แมงเม่ามาไล่ซี แมงหวี่มาไล่ต้อง
    อินางน้องส่องบ่เห็น ดอกอ้ายเอ้ย ....... สั่นแหล่ว ..... (ฮิ้วว หาหม่องลงเกือบบ่ได้ )

  4. #4
    ซ่างมาวาจาเว้า แมงเม่ามาไล่ซี
    แมงหวี่มาไล่ต้อง ตอมแต่บ้องปล้องไม้ไผ่ แท้นอ
    ไม้ไผ่บ้านพุ้นได๋ ลำกะใหญ่อีกพร้อม แม่นตอมได้กะบ่เสีย
    ยังเหลือหลายอีกอยู่หล่า แม่นสิสานกะต่ากระบุงไซ
    เฮ็ดข้องหน่วยใหญ่ๆ ยังบ่วายสิเหมิดสิ้น
    ตอเลาะดินเฮ็ดหลักฮั้ว ล้อมคอกงัวยังได้อยู่
    อันมวลหมู่แมงหวี่ เม่ามาซีโลดหล่า บ่มีว่าแม่นสิแมง....


    ไม้ลำใหญ่เนาะ..ฮ่าๆๆๆๆๆๆๆๆๆๆๆๆๆๆ

  5. #5
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    157
    เอื้อยไก่จ๋า
    พินิจคำพะนารถน้อง เบิ่งทำนองว่าอ้ายห่าง
    เป็นลายต่างแปลปี้นลืมถิ่มแม่พะนาง
    เว้าว่าทางซายเล่นซู้ ลบหลู่ศักดิ์สตรี
    เว้าว่าซายนี้บ่ดี ไปหลอยมีน้อคู่ซ้อน
    เว้าว่าซายปี้นป้อน คำคนบ่สัตย์ซื่อ
    สังมาคือกล้าเว้า อั่นแนวเจ้ากล่าวบ่จริง... หล่าเอ้ย
    อ้ายยังพอจำได้ อีพ่อใหญ่เหล่งเลาสอน(พ่อใหญ่ข่อยเองหล่ะครับ)
    สั่งไว้เป็นกาพย์กลอน ป่อนผญามาจาเว้า...คำเอ้ย
    เลาว่าคำผู้ซายนี้ คือหินหนักหมื่น
    ถิ่มใส่น้ำจมหมิ่งบ่ติง
    ต่างจาก -ญิงดอกเด้อลูก คือจั่งกวยกะต่าห่าง
    ถิ่มใส่น้ำไหลเข้าสุตา
    คือมาต่างแท้หล่า กับคำจาว่าพี่ซาย
    หรือเคยพ้อผู้ได่ เพิ่นมาลวงหลอกล้อ ให้ทางท้อต่อฮักเฮา...คำแพงเอ้ย

  6. #6
    แบ่งปันความรู้และประสบการณ์ สัญลักษณ์ของ บ่าวเมืองลำดวน
    วันที่สมัคร
    Sep 2009
    กระทู้
    656
    มาอ่านนำดอกครับแต่ว่าเว่าเป็นบทเป็นกลอนบ่เป็นครับ

  7. #7
    ศึกษาหาความรู้ สัญลักษณ์ของ คนบ้านน้อกบ้านนอก
    วันที่สมัคร
    Jun 2009
    ที่อยู่
    ดงบักอี่
    กระทู้
    17

    อ้ายเอย

    จังแม่นเชยน้ออ้าย ถึงอยู่ไกลห่างอิแม่
    บ่เคยห่างดอกควมแคร์ ยังดูแลกันคือเก่า
    แชตกับเลาอยู่เฟซบุค ถามทุกข์สุขอยู่สุมื้อ ซั่นตั้วอ้าย อิอิอิ

  8. #8
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    157
    ป้าด เล่นฮอดเฟสบุ๊คนอครับ


Tags for this Thread