ต้มแซบกระดูกหมูอ่อน

[ติ๋ม เปอร์โย]

เห็นกระทู้บ่าวต้นบ่มีรูป...อ่านแต่ชื่อหัวข้อกระคึดอยากแล้ว...ประกอบกับเจ้าของมีกระดูกหมุอ่อนอยู่พอดี
กะเลยเฮ็ดต้มแซบมาฝากพี่น้อง...มีสูตรมาฝากพร้อม เอาไปเฮ็ดกินลองเบิ่งเด้อจ้า แซบอิหลี...



เครื่องปรุง
เริ่มจากกระดูกหมูอ่อนเลยจ้า สับให้เป็นชิ้นพอคำหรือตามชอบเลยจ้า เลาะมันถิ่มไปนำแหน่ หลายโพด
ล้างให้สะอาด แล้วนำไปต้มใส่น้ำกะให้ได้ซดเด้อ พอเดือดใส่เกลือจักช้อน หมั่นตักฟองถิ่ม น้ำแกงสิได้ใสๆ
พอฟองเบิดไปกะเริ่มใส่ซีอิ๊วขาว รากผักชีทุบๆ3-4ราก ผงปรุงรสนิดหน่อยจ้า
ผ่อนไฟ ปิดฝาหม้อ ตุ๋นจัก1ชั่วโมง กระดูกสิได้นุ่มๆเนาะ


ในระหว่างนั่นกะหันมาเตรียมเครื่องปรุงต้มแซบ
หอมแดงปอกเปลือกทุบพอแตก4-5หัว
ตะไคร้ทุบพอแตกหั่นท่อน2ต้น
กระเทียมโทนทุบพอแตก1หัว
ข่าหั่นแว่น5-6แว่น...แล้วนำทั้ง4อย่างนี่ไปคั่วให้หอม
เห็ดฟางถ้ามี(ติ๋มใช้เห็ดกระดุม)+มะเขือเทศ
ใบหมากกรูดฉีก+ผักชีฝรั่งหั่นท่อน2-3ต้น+ผักชีหั่น
ข้าวคั่ว+พริกป่นหน่อยหลายตามชอบจ้า
พริกแห้งทอดกรอบจัก5-6เม็ด+พริกขี้หนูสวนบุบๆพอแตก
น้ำหมากนาว+น้ำพริกเผา
พอกระดูกหมูสุกกะเริ่มเร่งไฟอีกครั้ง...ใส่หอมแดง+ตะไคร้+กระเทียม+ข่า+เห็ด+มะเขือเทศ
น้ำต้มเริ่มหอมแล้ว ให้ใส่น้ำพริกเผา ใบมะกรูด ชิมรสเค็มตามชอบ ใส่ผักชีฝรั่ง+ผักชี ปิดไฟจ้า


เตรียมถ้วยใส่แกง ใส่น้ำหมากนาว+พริกขี้หนู+ข้าวคั่ว+พริกป่น แล้วตักต้มแซบใส่ถ้วย
โรยหน้าด้วยผักชีฝรั่ง+ผักชี+พริกทอด


มื้อนี่เสริ์ฟกับข้าวสวยจ้า เป็นข้าวซ้อมมือ
วิธีหุงจ้าน้องแพง เอาข้าวสารใส่หม้อหุงข้าว ล้างจัก2น้ำ
แล้วใส่น้ำคือข้าวหุงทั่วไป+น้ำเพิ่มจักครึ่งข้อมือ แช่ถิ่มไว้จัก30นาทีถึง1ชั่วโมง แล้วกะกดหุงปกติจ้า...นุ่มดีบ่แข็ง...


ตักฝากพี่น้องผู้ละถ้วยเนาะจ้า...มาเด้อกินข้าวนำกัน ซดน้ำแกงแก้หนาว....
ตั้งกระทู้แล้วหยอกบักลายไปนำ แล้วกะบ่เป็น อิอิอิ....