กำลังแสดงผล 1 ถึง 8 จากทั้งหมด 8

หัวข้อ: ขอแค่มีเธอ..ให้รัก

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ขอแค่มีเธอ..ให้รัก

    คันมื้อได๋ได้เห็นหน้า ได้เว้าจากะพออยู่
    ความหดหู่อิดอ่อนล้า ดูเหมือนว่าได้ผ่อนคลาย
    เป็นแฮงหลายขึ้นสุมื้อ คือความคิดที่ติดตาม
    คิดเห็นหน้าอยู่ซุยาม คอยเทียวถามอยู่บ่แล้ว ฮ้องแหง่วๆว่าคิดถึง
    อยากมีคำลึกซึ้ง ที่ตรึงใจฝากไปส่ง
    แนวคนดงด้นป่าไม้ อยากอายเว้ากล่าวบ่เป็น
    นับแต่เห็นหน้าเจ้า ใจเหงาๆหากสดชื่น
    บ่อาจฝืนใจน้อยๆ ไปหลอยเว้าว่า "รักเธอ"
    เหมือนว่าเจอคนที่ใช่ ผู้อยู่ในจินตนาการ
    คนที่รอคอยมานาน คนในฝันคิดว่าใช่ ผัดสายแล้วมื้อพบกัน
    สานสัมพันธ์คงบ่ได้ หลูโตนใจเจ้าของคัก
    ซ่างมาพ้อคนตาฮัก แต่หากรักเพิ่นบ่ได้ เหลือใจฮ้าย...วาสนา..

  2. #2
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    อ้ายฮักน้องบ่อเคยจองสิเป็นคู่
    ขอให้เธอรับฮู้ เป็นได้แค่แอบมอง
    ในหัวใจบ่อขัดข้องหากน้องหญ่างเข้าภาขวัญ
    สิขอเป็นมือสังหารมื้อแต่งงานกะพอแล้ว

    คิดอยากกินลาบงัวงานแต่งเจ้าสื่อๆ ดอก 5555...ก้อยเดิก


  3. #3
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    105
    เป็นตาหลูโตนเนาะ

  4. #4
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    156
    กระทู้ต้นฉบับโดยคุณ ทิดจ่อย
    อ้ายฮักน้องบ่อเคยจองสิเป็นคู่
    ขอให้เธอรับฮู้ เป็นได้แค่แอบมอง
    ในหัวใจบ่อขัดข้องหากน้องหญ่างเข้าภาขวัญ
    สิขอเป็นมือสังหารมื้อแต่งงานกะพอแล้ว

    คิดอยากกินลาบงัวงานแต่งเจ้าสื่อๆ ดอก 5555...ก้อยเดิก

    อย่าลืมใส่ซองเขานำแหน่เด้ออ้าย เอิ้นกันนำแน่เด้อ บักสองซาวอยู่หลังเหล้าเอาลงมานำแหน่ซุมนี้ฝนมีดถ่าหล่ะเด้

  5. #5
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    อ้ายบ่าวก๋าคาม มื่อนี่นางฮ่องตะสิว่างจ้า กำลังสิกลับบ้านย่างย่างมาเลยแนมเห็นบ้านอ้ายกะเลยแวะมายามจ้า ขอแค่มีเธอให้รัก คือกันล่ะจ้าไปแล้วเด้อจ้า

  6. #6
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    บ่าวก๋าคามเอ้ย ...
    บุญเคยมีผลาเคยสร้าง คือบ่เป็นหนทางให้น้องได้เที่ยวไถ่ ....แน่น่อ
    ส่างมาอุกอั่งเอ้า คิดฮอดเจ้ายุสุยาม แทะเด๋
    ใจหละเพไปหน้า คำวาจาที่เคยกล่าว
    ไปพ้อสาวผุไกลบ้าน ลืมจาต้าน ผู้อยุ่หลัง
    ...คั่นบ่สม คนข้างหน้า คือบ่หันกลับมา ใจน้องยังคือเก่า
    ว่าทุกแลงและทุกเช้า ท่องคำเว่าว่า.....คิดถึง ...สั่นเด่ ..
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  7. #7
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    แนวว่าใจมักแล้ว บ่ทันมักกะไคแน่
    ถึงสิฮู้ว่าแพ้ กะขอแค่ได้ฮักเจ้า ถึงเหงาบ้างกะซ่างมัน
    ย่อนว่าชายนี้นั่น คันได้ฮักกะปักใจ
    ช้ำเพียงได๋กะสิทน หม่นบืนไปตามซาติ
    คันแม่นวาสนาหน่อย กะสิคอยไปซาติใหม่
    ถึงซาตินี้สิบ่ได๋ ในซาติหน้าหากสิมี
    คันคนดีเห็นใจอ้าย กะออนไลน์เว้านำแน่
    ถึงบ่ฮักบ่แคร์ กะขอแค่ได้จาเว้า นำเจ้าพอซื่นใจ
    เป็นแรงให้พอซ่อยยู้ สู้งานบาดยามเมื่อย
    แม่นสิเหนื่อยเมื่อยม้อย คงซ่อยแก้กุ้มหทัย
    บ่เว้าหลายอยากอายเว้า แนวว่าเฮาบ่สมเพิ่น
    เพียงแต่ฮักเหลือเกิน พอกะเทินว่าได้เว้า เลยบอกเจ้าว่า..ฮักเด้อ...



    เว้าสาดอก คันบ่เว้ามันบ่ส่วง บืยยยยยยย.
    แก้ไขครั้งสุดท้ายโดย พลายแก้ว; 11-02-2010 at 17:03.

  8. #8
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ทรมานใจแท้หล่า เวลาคิดถึงคนงาม
    ความเหงาตามมาเฟีย ใจระเหี่ยระคนช้ำ
    คิดฮอดเขาอ่ำหล่ำ เฝ้าคิดนำบ่ฮู้สร่าง
    คือบ่วางปลงเอาไว้ ให้ใจได้ว่าพักเซา แน่น้อ
    ตื่นขึ้นมากะคิดพ้อ คิดฮอดน้อเทิ่งเป็นห่วง
    มันเจ็บแปล๊บเข้าในทรวง ยามเมื่อดวงดอกไม้ ติดต่อบ่ได้เจ้ามิดเสียง
    ซ่างลำเอียงแท้น้อฟ้า อยู่ไกลตาย่อนฟ้าเสี่ยง
    ยังได้มาลำเอียง เสียงติดต่อกะบ่ได้ เหลือใจฮ้ายบาดคิดถึง
    ลมหนาวพัดมาตึ้ง ตึ้ง ความคิดถึงตำใจแหลก
    ความเหงาแทรกเข้าใน ความอุกใจกะมาซ้ำ
    ตำทางใจกายเซล้ม เจ็บระบมคือล้มป่วย
    มีแต่เธอสิมาช่วย บ่ให้ม้วยมรณา
    หลูโตนชายแน่เด้อฟ้า โปรดเมตตาเห็นใจแน่
    ขอเสียงนางมาซ่อยแก้ ขอเพียงแค่ส่ำนี้ สิตายทิ่มบ่ว่าหยังดอก...ฟ้าเอย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •