กำลังแสดงผล 1 ถึง 4 จากทั้งหมด 4

ไม่อยากให้ดาว..ต้องมาเปื้อนดิน

  1. #1

    ไม่อยากให้ดาว..ต้องมาเปื้อนดิน

    เจ็บหัวใจจ้าวๆ ยามเมื่อคราวคิดฮอดเพิ่น
    แนวว่าไกลกันเหลือเกิน หนทางเดินคนละเส้น เจ้าเป็นฟ้าอ้ายส่ำดิน
    แนวว่าซินบ่สมสร้าง สิฮ่วมทางย่างเคียงคู่
    หงส์สิมาเหลียวดู หมู่อีกาต่ำต้อย แม่นคอยได้กะส่ำคอย
    มีแต่หลอยเบิ่งเจ้า สูงดั่งดาวเฝ้าสาดส่อง
    ได้ตั้งแต่เหลียวมอง บ่มีหม่องคนจั่งอ้าย สิได้ย้ายไปคู่เธอ
    ฮุ้อยู่เด้อดาวจั่งน้อง คองให้ดินไปปีนป่าย
    ย่อนว่าฮักเหลือหลาย บ่อาจไขว่คว้าเจ้า ดาวเทิ่งฟ้ามาเปื้อนดิน
    ขอให้ฮักเฮาจบสิ้น อ้ายย่านดินกระเด็นใส่
    ดาวกลางฟ้าดวงสดใส เจ้าอย่าให้มาหมองคล้ำ เปื้อนนำอ้ายฝ่ายขี้ตม ถ่อน นางเอย

  2. #2
    ร่วมถ่ายทอดความรู้สู่สังคม สัญลักษณ์ของ สาวธาตุเชิงชุม
    วันที่สมัคร
    Apr 2007
    กระทู้
    660
    อิอิ ซงสิเศร้าแท้น้อบ่าว เป็นกำลังใจ๋ให่แล้วกันเด้อบ่าว ขอให้สมหวังในความรัก สุขสันต์วันวาเลนไทน์ จ้า

  3. #3
    ศึกษาหาความรู้ สัญลักษณ์ของ คนบ้านน้อกบ้านนอก
    วันที่สมัคร
    Jun 2009
    ที่อยู่
    ดงบักอี่
    กระทู้
    17
    อ้ายเอ้ย...

    เจ็บคือกันน้ออ้าย แต่ยินดีหลายถ่าจบลง
    บ่มีไผดอกเป็นหงส์ บ่มีไผหลงเป็นกา
    คนเฮามีค่ากะท่อกัน ขอให่พ้อคนในฝัน
    ขอให่ฮักกันหมั่นคง นางสิขอปลงใจไว้
    อวยพรให้อ้ายโชคดี... เด้ออ้ายเอย

  4. #4
    ร่วมถ่ายทอดความรู้สู่สังคม สัญลักษณ์ของ กำลังใจ
    วันที่สมัคร
    Mar 2007
    กระทู้
    1,611
    บล็อก
    1
    อ่านแล้วเศร้าเนาะ