แม้มื้อนี้จะเจ็บช้ำ กะยังย้ำฮักเสมอ

[น้องแพรจ้า]

.
.

.


เศษส่วนคำว่าจริงใจ ยังเหลือไง่บ่น้อชาย หรือตกหายตามเวลา จากแววตาชาเย็นฮ่าย

คงเปิดหน่ายคำฮักแท้ จากเคยแคร์บ่คือเก่า เพียงแค่เงารอยยิ้มรื่น กะฝืนแท้แม้ทักทาย

ฮู้ความหมายหล่ะเด้อพี่ ยากเดินหนีน้องบ่ว่า รอเวลาแค่อ้ายเว้า ว่าเซาแล้วบ่ฮักกัน

สายสัมพันธ์หากขาดสิ้น อ้ายเหมิดกลิ่นรอยอาลัย รอยทางใจน้องบ่จาง บ่อาจวางความหลังได้

ดมกลิ่นไอดอกฮักฮ้าง คงเหินห่างหว่างความหอม อาสายอมพร้อมน้อยใจ เฮ็ดจั่งได๋สิลืมอ้าย

ฮู้ความหมายเต็มใจนี่ ว่าอ้ายมีทางเลือกใหม่ ด้วยทางใจน้องบ่พร้อม จึงยอมเจ็บซ้ำ และย้ำว่าฮักอ้ายอยู่เสมอ

[Radio]jolo/Pare/paya/Notforget-123.mp3[/Radio]
น้องแพร ขอขอบคุณสำหรับกำลังแรงใจ ถึงสิบ่ค่อยได้โพสเด้อจ้า

ส่วนงานพาแลงกะบ่ได้ไปจ้อยค่ะปีนี้ ได้ข่าวว่าอ้ายบ่าวโจ่โล่เลากะเข้าโรงพยาบาลมื้องาน ฝากบอกน้องมือพิญน้องใหม่ไปบอกพี่น้องแล้ว ว่าซั่นเนาะจ้า เซาหล่ะเนาะอ้ายเนาะ

[pui.lab]

แม้วันนี้ พรุ่งนี้ ปีไหนๆ ใจก็ยัง ฮักเจ้าคือเก่าเด้อ พะนะ

ขอบคุณที่ส่งข่าวอ้ายบ่าวโจ้โล่จ้าน้องแพร ฝากบอกแน๊เด้อ รักษาสุขภาพ เบิ่งแงงเจ้าของให้หลายๆ
ปีหน้าพ้อกันเด้อ

[anubal]

ที่ใหนมีรักที่นั้นก็มีทุกข์ของคู่กันครับเพียงแค่ลมพัดผ่านๆแล้วก็ผ่านไปเป็นกำลังใจให้ครับ

[หมูหวาน]

ผญาม่วนจ้า น้องแพร ฝากบอกอ้ายโจโล่แน่เด้อจ้า หายเร็วๆเด้อจ้า บ่สำบาย รักษาสุขภาพ ให้แข็งแรง จ้า เพลงประกอบ ม่วนหลายจ้า เป็นกำลังใจ แต่งมาให้อ่านอีกเด้อจ้า น้องแพร

[วัฒนชัย หาริโร]

ดนๆเข้ามากะซึ้งเลยเนาะเอื้อยเฮานิแหมะ.....ม่วนดีครับ
มาจอบอ่ายยุเรื่อย....

[toyota1001]

จั่งแม่นเคียดขมข้อ บ่งอมือออมให้แน่ จั่งแม่นเคียดคักแท้ หางตาแท้เพิ่นบ่แลแท้น้อ......
ย้อนอยากฮู้ว่าฮักแท้ หรือสิแปรเป็นไป จั่งได้หล่ายคำลวง ว่าบ่หวงให้หลงเพ้อ
ย้านใจเธอบ่แน่ ย้านผันแปรเป็นแนวใหม่ จั่งได้ไขปากต้าน ขานเว้าว่าบ่อแคร์
แต่หากในใจแท้ แทบบ้าป่วงเป็นลม บ่อยากกล่าวคำขม ให้ตรอมตรมทนเศร้า
ในหัวใจเป็นห่วงเจ้า ยิ่งกว่าชีวา เจ้าเป็นดั่งดวงตาที่ฮักแพงบ่มีเว้น
จั่งเป็นกรรมเวรต้อง มาจ่องดึงให้เฮาห่าง บ่อยากไกลจากข้าง นางน้องแม่นสุ่วัน....นางเอ้ย นางเอ้ย