บ้านนี้แสนสุขจริงหนา

[บ่าวคนเดิม]

บ้านนี้แสนสุขจริงหนา บ้านนี้แสนสุขจริงหนา
คนไทยทั่วหล้าพลัดถิ่นแดนไกล
คือแหล่งศูนย์รวมน้ำใจหมู่มิตรมากมายฮักแพงแบ่งปัน
ม่วนซื่นสุขสันต์บ่เคยทิ้งกันแม้ยามท้อใจ
เป็นห่วงเป็นใยไซเบอร์ออนไลน์บ้านมหาดอทคอม อีสานออนไลน์บ้านมหาดอทคอม

(ลำ) เข้ามาซอมพี่น้อง ยามหม่นหมอง เบิ่งกันอยู่
เป็นแฮงใจในการต่อสู้ ให้โลกฮู้เฮาเป็นไผ
อยู่ภาคเหนืออิสานกลางใต้ สิอยู่ภาคได๋ กะคนไทยทั้งนั้น
ตุ้มโฮมฮักกัน มั่นแก่นไว้ บ่มีไผแยกเฮาได้

สุขใจเมื่อได้มาพบกัน
แค่เพียงหนึ่งคำก็สรรสร้างไมตรี
ประโยชน์ส่วนตัว ณ แห่งนี้คงไม่มี
ร่วมสืบสานวัฒนธรรมประเพณี
จริงใจอีหลีบ่มีแนวเคลือบแฝง

กินข้าวแลงหรือยัง
หรืออยู่เมืองฝรั่งกินแต่หนมปังเป๊บซี่
อย่าลืมบ้านเฮาของกินมากมี
อย่าลืมบ้านเฮาเด้อน้องหล่าคนดี
อ่อมบักหอยคั่วกุดจี่หมกฮวกบ้านเฮา

(ลำ)เซาเวียกไว้เมื่อยยามได๋กะขอเข้ามาม่วน
มาทวนความหลังฟังเสียงพิณเสียงแคนที่ดังกึกก้อง
เสียงลำล่อง โอย โอย ละ หนอ โอย โอยละนอ
ขอเพียงเจ้าอย่าลืมเผ่าลืมกอลืมต้นตอแผ่นดินกำเนิด
ให้เจ้าเชิดชูสิ่งดีงามวัฒนธรรมอีสานเฮาไว้
อยู่ซอกได๋ หลืบได๋ มุมได๋ ของโลก
ให้มีโชคอยู่ดีมีแฮงมีแสงแห่งพระธรรมนำส่อง
คุณพระศรีปกป้องพี่น้องหมู่เฮา
ขอให้เจ้านอนหลับฝันดี
ทุกข์อย่ามีสุขขีร่ำรวย
ให้สวยให้หล่อ หล่อ ลอ ลอ หล่อ
ขอให้พ้อในสิ่งที่ฝัน
ขอให้หมั่นคือปั้นข้าวเหนียว
ฮักกันกลมเกลียวคือบ้านหลังนี้
ณ หม่องนี้ บ้านมหา นั่นละนานั่นนา
บ้านมหาดอทคอม ของเฮานี่นา

เนื้อเพลง เพลงบ้านมหาดอทคอม แต่งโดย thedon
คำร้อง/ทำนอง หนุ่ม อดิศักดิ์ ( thedon)

[ตรี ศรีเมืองใหม่]

กลอนนี้มีความหมายและโดนใจ///เอาจั่งซี้ท่าน ผมว่าอ้ายบ่าวคนเดิมลองใส่เสียงลําของเจ้าของลงไป (เพราะว่าผมเคยไดยินท่านร้องมาแล้ว) เสร็จแล้วเอาไปให้ทีมงานมิกซ์เสียงใส่ แล้วบันทึกลงแผ่นซีดี เอาใว้แจกเป็นของชําร่วยงานพาแลง 4 ครบรอบ 5 ปี ผมว่าเวิร์คแน่ๆงานนี้ ถ้าเพลงน้อยไปผมสิอัดเพิ่มเสียงของเจ้าของลงไปอีก สัก 2 กลอน ฮ่าๆๆๆๆ สิบ่อดังยิ่งกว่า ลูกแพร-ไหมไทย พู้นติเนี๊ยะ ฮ่าๆๆๆๆ เอิ้กกกก

[หล่อร้อยเมตร]

อ้ายบ่าวเซียงน้อย ถ่าต้องการพระเอกมิวสิคกะติดต่อมาทางอุบลเด้อครับ จั่งได๋กะติดต่อล่วงหน้าแหน่ แบบว่าช่วงนี่งานหลาย คิวบ่ว่าง(หลกหญ้าออกจากข้าวนาปรัง) ฮ่าๆๆๆ

[พล พระยาแล]

โอ้ บ้านนี้อบอุ่นอีหลีครับ จนมีความรู้สึกฮ้อน ๆ จั่งใด๋บ่ฮู้ครับ ฮ่า ๆ ๆ

[หนุ่มเหงาคนไกลบ้าน]

ม้วนๆครับร้องประจำรายการดีเจคู่ขวัญครับเนื้อหาสาระดีใส่ดนตรีนำเด้อครับอ้ายบ่าว อิอิ

[thedon]

ยกมือ สนับสนุนอ้ายบ่าวคนเดิม ร้องเพลงนี้ อีกคนหนึ่ง ครับผม น้องหล่าจะถ่าย้อนเด้ออ้าย :1-:1-

[สุพรรณณี]

ม่วนอีหลีจ้า

[บ่าวจอบบ้อน]

แวะมาจ๊วดจ๊าดครับพี่น้อง

[nuzing]

หล่อร้อยเมตร/อ้ายบ่าวเซียงน้อย ถ่าต้องการพระเอกมิวสิคกะติดต่อมาทางอุบลเด้อครับ จั่งได๋กะติดต่อล่วงหน้าแหน่ แบบว่าช่วงนี่งานหลาย คิวบ่ว่าง(หลกหญ้าออกจากข้าวนาปรัง) ฮ่าๆๆๆ
---------------
เอากองถ่ายไปถ่ายทำโลดเด้อ "พระเอกหลกหญ้า" นางเอกกะเอิ้นเอาปากแหว๋/น้องหลิน (ธิดายาเย็น)เด้อจ้า ให้บ่าวคนเดิมฮ่องเพลง เต้นอยู่คันแท ยายกับขาเดฟสิแบกไหเหล้าอู๋แหล่นแบบสโลโมชั่น เผิ่มเหวิ่มๆๆๆ ฮิ้วๆๆๆ

[บ่าวคนเดิม]

งานนี้ต้องฝาก บ่าวจักรฯ ลองให้นักร้องในทีมงานเพิ่นเดโม มาให้ฟังก่อนเด้อครับ