หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 17

น้ำพริกหนุ่ม

  1. #1

    น้ำพริกหนุ่ม


    มื้อวานนี่ติ๋มกินน้ำพริกหนุ่มกับนึ่งปลา แซบหลาย เลยเอาสูตรมาฝากพี่น้องนำจ้า แต่บ่เผ้ดเลยกะยังว่า...
    พอดีหละสำหรับผู้บ่มักกินเผ็ดๆเนาะจ้า...

    น้ำพริกหนุ่ม

    เตรียมพริกหนุ่ม ซื้อมา1ถุงเฮ็ดเบิดเลยจ้า ล้างดีๆเสียบไม้เผาไฟ
    กระเทียม,หอมแดงเสียบไม้เผาไฟให้สุกคือกันจ้า
    ถ้าเป็นบ้านทางเมืองไทย เผาไฟเตาถ่านเนาะ อยู่ต่างประเทศเปิดเตาอบ ไฟระบบย่างเลยจ้า
    เรียงใส่ตะแกรงทนไป เข้าอบจนเปลือกพริกเริ่มไหม้..แล้วกลับด้าน พอสุกเอามาลอกเปลือกถิ่ม
    หอมแดง,กระเทียมเฮ็ดคือกัน...ทีนี่เอาทั้งหมดใส่ครกโขลกให้ละเอียด ใส่เกลือนำจักหน่อย
    ปรุงรสตามชอบค่ะ มักแบบใด๋ ใส่เครื่องปรุงแบบนั่น ติ๋มมักเปรี้ยวนิดๆ เติมน้ำหมากนาวนิดหน่อย
    แอบใส่น้ำปลาแดกต้มนำนิดหนึ่ง...คนอีสานขาดบ่ได้เนาะ อิอิอิ
    เฮ็ดลองเบิ่งเนาะพี่น้อง...คั่นมักเผ็ดกะเผาพริกสดแบบเผ็ดๆใส่นำเลยจ้า....
    น้ำพริกหนุ่ม


  2. #2
    ร่วมถ่ายทอดความรู้สู่สังคม สัญลักษณ์ของ แจ่มใสยิ้มสวย
    วันที่สมัคร
    Mar 2009
    ที่อยู่
    USA
    กระทู้
    1,014
    บล็อก
    18
    กินกับ แคปหมูเนาะ แคปหมูทางเมกา แซ๊บ แซบ จ้าอยากได้ น้ำพริกมาทางยุโรปมากินแนมเด้เนาะ

  3. #3
    เป็นตาแซบจ้า เมนูประจำบ้านคือกัน
    เฮ็ดใส่กระปุกใส่ตู้เย็นเอาไว้กินเรื่อยเนาะๆ
    เอาไว้จิ้มกับข้าวเหนียวจิ้นย่างแซบๆเข้ากันดีจ้า(ดีกั่ว A1สเต็กซอสร้อยเท่า ฮ่าๆๆๆ)

  4. #4
    ขอบคุณจ้าพี่ติ๋ม สำหรับเมนู กำลังคิดหาแนวกินพอดีจ้า
    กินแต่แกงกะทิบ่ไหวแล้วจ้า เอ็ดได้ตะแซบดีน้อจ้า
    แพงสิเฮ็ดออกมาได้แบบนี้บ่น้อจ้า

  5. #5
    ใสละคราฟเอือ้ยติ๋มแคปหมู่ มีแต่น้ำพริกหนุ่มติ ฮ่าๆๆๆๆๆๆๆๆๆ

  6. #6
    ป๊าดพี่ติ๋มน้ำพริกหนุ่มคือเป็นตาเเซบเเท้น้อครับข้าวเหนี่ยวคุ้ยเเน่เด้อ อิอิ

  7. #7
    แบ่งปันความรู้และประสบการณ์ สัญลักษณ์ของ sugar-51
    วันที่สมัคร
    Feb 2009
    กระทู้
    150
    แจ่วพริกอ่อน บ้านเฮานั่นละน้อ

    แต่บ้านเฮาไส่น้ำปลาแดก กินกับผักลวก ไข่ต้ม หรือ ปลานึ่ง แซปหลาย

    เว้าแล้วกะเฮ็ดกินเบิ่งก่อนน้า

    โอ๊ะ น้ำลาย ไหล

  8. #8
    น้ำพริกหนุ่มกินกับแคบหมูแซบ ๆๆ จ้า

  9. #9
    แบ่งปันความรู้และประสบการณ์ สัญลักษณ์ของ anna
    วันที่สมัคร
    Jun 2008
    กระทู้
    132
    ป๊าดดดดดดดด เอื้อยติ๋ม อยู่ไกลกะเหมือนอยู่ใกล้เมืองไทยเลยเอื้อย
    น้ำพริกหนุ่ม กันตายเลยเอื้อย นาสิไปร้านเอเซียเดีนวนี้แหละ
    น้ำลายไหล.......ขอบคุณที่นำมาฝากจ้า

  10. #10
    ร่วมถ่ายทอดความรู้สู่สังคม สัญลักษณ์ของ กำลังใจ
    วันที่สมัคร
    Mar 2007
    กระทู้
    1,611
    บล็อก
    1
    น่ากินหลายๆ เลยจ้า ขอบคุณนะจ๊ะที่นำสูตรมาให้ทราบกัน


Tags for this Thread