อั่นคุยเรื่องผู้อื่นจังแหม่นเผิ่นมันแท้น้อ ผู้นั่นเป็นจังซั่น ผู้นี่เป็นจังซี่ นินทาแต่ผู้อื่น บาดเจ้าของคือบ่อนินทาแหน่ละ แต่ละคนแต่ละความคิดกะดีอยู่อย่าง สิได้ฮู้จักว่าอันได๋เป็นอันได๋ ถ้าเป็นแนวบ่อดีเฮาสิได้หลบหลีกเว้นให้ไกลๆ กินเข้าโต โสเรื่องผู้อื่นโบราณว่าเป็นแนวบ่อดี เผิ่นว่าซั่นได๊ คนเฮานี้ถ้าอยู่ผู้เดียวบ่อท่อใด๋ดอก แต่ถ้าอยู่กับผู้อื่นแล้วมักสิสมมุติว่าเจ้าของเป็นพระเอกเป็นนางเอก เบิ่งหง่ายๆเวลาก๊งเหล้ากันนี่ มีแต่ว่าเจ้าของยิ่งใหญ่ มีเกียรติหล้ายๆหลาย เอ้ากึ๊บจักหน่อย ถ้าบ่อกึ๊บถือว่าบ่อให้เกียรติกัน ว่าซั่น ผู้ยกเหล้าให้หมู่คือสิมีเกียรติหลายน้อ (เว้าเหล่นดอกเด้อครับ อย่าเคียดให้กันเด้อ)