คั่วแมงกินูน แกงไข่มดแดง

[บ่าวจัย]

มื้อนี้เอาแนวกินเที่ยงมาฝากพี่น้องบ้านมหาครับ พอดีบ่าวจัยขับรถผ่านภูพาน จ.สกลนคร พ้อแนวมักเลยจอดรถลงไปเอามา

พอดีขับขึ้นเขาไปพ้อแมงกะไซค์กลุมนี้บ่รู้ว่าสิเป็ฯเมนูอาหารได้บ้อฮ่าๆๆๆ

ตามกันไปเรือยๆแซงกะบ่ได้โค้งมันหลาย เขาเอิ้นโค้งนั่นว่าโค้งปิ้งงูพะน่ะ คิดเบิ่งโลดพี่น้องเอางูรึว่าปลาไหลมาปิ้ง
มันยาวเนาะสิมีจักโค้งละเจ้าว่า สมาชิกนั่งในรถฮากแตกกันเป็นแถวเลย บ้านนอกอิหลีครับเมารถพะน่ะเพิ่น

จอดรถลงไปเอามาจักหาบก่อนน่ะ คือเป็นตะแซบแท้ฮ่าๆๆๆๆ

นี้ล่ะหม่องเพิ่นขังไว้


ได้มาแล้วจัดการล้างน้ำให้สะอาดก่อนเนาะรับ

จัดการคั่วเลยครับ หลังจากล้างสะอาดแล้วมันบ่ายค้อยแล้วหิวแฮง

พอคั่วแมงกินูนเสร็จแล้ว มาต่อกันที่มดแดงเลยครับ จัดการแกะห่อไข่ออก
ผักหวานอีกล้างน้ำก่อนย้านมีสิ่งแปลกปลอมมานำเนาะ เอาก้านแข็งๆมันออกยามกินสิได้กินง่านแนเนาะ

มีแต่ไข่ต่งๆเป็นตะยำแซบคัก แต่ว่ามื้อนี้แกงกินก่อนเนาะครับ

ล้างๆซอยกันครับ ไอ้เสือหิวคักกว่าสิได้กินเกือบบ่าย2

ผักหวานห่อละ40บาทไข่มดแดงห่อละ50 หน้านี้เป็นโอกาศทองของพี่น้องทางบ้านเฮาเนาะครับ
มื้อหนึ่งๆได้เงินเข้าบ้านหลายเติบเด้อ กว่าสิค่ำน่ะ

เครื่องแกงกะมี พริก น้ำปลา ผงนัว ใบผักอิตู น้ำยานาง(ถ้ามี)เห็ดฟาง(มื้อนี้หาบ่ได้)อดพี่น้อง เอาเท่าที่มีละกัน

หลังจากที่ใส่ไข่มดแดงลงไปแล้ว ตามด้วยผักหวาน คนนิดหน่อยพอผักยุบแล้วยกลงเลยครับ

เสร็จแล้วตักเลยครับ พี่น้องเพิ่นกลื่นน้ำลายแล้วฮ่าๆๆๆๆๆ

มาเด้อพี่น้อง มากินนำบ่าวจัย เฮ็ดง่ายๆกินง่ายๆนี้ละครับ