ขนมปังธัญพืช สูตร2

[ติ๋ม เปอร์โย]

มีขนมปังเพื่อสุขภาพมาฝากอีกแล้วจ้าพี่น้อง...ตามที่ได้ทดลองกินมาประมาณ2เดือนกว่าๆ
ดีต่อสุขภาพอิหลีจ้า...อย่างหน่อยๆกะกินแล้วอิ่มโดน บ่เฮ็ดให้หิวดู๋ๆ ท้องกะบ่ผูก น้ำหนักกะบ่ขึ้น
แล้วติ๋มกะสิกินธัญพืชตลอดไป...
สูตรเลยเนาะจ้า ส่วนผสม
ยีสต์สด25กรัมหรือเคิ่งก้อน
นมสดรสจืด ครึ่งลิตร...(ติ๋มใช้นมรสจืด+น้ำรวมกันให้ได้เคิ่งลิตรจ้า)
ข้าวโอ๊ต 100กรัม
น้ำผึ้งสด 2ช้อนโต๊ะ
เกลือ 2ช้อนชา
น้ำมันมะกอก 1ช้อนโต๊ะ
เมล็ดธัญพืชรวมกันชั่งให้ได้ 75 กรัม
ติ๋มใช้มี งาคั่ว,เมล็ดทานตะวัน+เมล็ดฟักทองคั่วสับหยาบๆ,เมล็ดแฟล็กซ์,walnutสับหยาบๆ(ถั่ววอลล์นัท)
แป้งโฮลวีท 150กรัม
แป้งขนมปัง 400กรัม
แครอทปอกเปลือกขูดฝอย 200กรัม
เมล็ดธัญพืชต่างๆอีก100กรัม เอาไว้โรยหน้าขนม
ไข่ไก่ 1ฟอง เอาไว้ทาหน้าขนม....เบิดแล้วยังหนี่ อิอิอิ ตาลาย เดิกมาแล้วง่วงนอน
วิธีทำ...
เอานมใส่หม้อตั้งไฟ พอฮ้อนแหน่กะยกลงเติมน้ำเย็นลงไป ให้อุ่นๆพอ ห้ามฮ้อนเด้อยีสต์ตายใด๋
เทน้ำลงใส่อ่างผสมนิดหน่อย ขยำยีสต์ลงไป พายไม้กวนๆให้ละลาย เทน้ำส่วนที่เหลือลงในอ่ายให้เบิด
แล้วใส่ น้ำมันพืช,น้ำผึ้ง,เมล็ดธัญพืช,ข้าวโอ๊ต,แครอท,แป้งโฮลวีท กวนๆให้เข้ากัน
ต่อมากะใส่เกลือ แป้งขนมปัง กวนจนเป็นเนื้อเดียวกันแล้วกะนวดด้วยมือต่อ ใช้แป้งขนมปังเป็นนวลได้จ้า
พอนวดได้ที่แล้ว กะเอาแป้งใส่ลงในอ่างอีก ผ้าคลุม พักแป้งไว้ให้ขึ้นประมาณ1ชั่วโมง
แล้วเอาออกมานวดไล่ลมออกไปจากแป้ง แบ่งเป็นก้อนให้ได้18ก้อน ปั้นให้เป็นก้อนกลมๆ
แล้ววางบนถาดที่รองด้วยกระดาษไข...ผ้าคลุมพักแป้งอีก30นาที
เปิดเตาอบถ่าเลยจ้าไฟ200องศาC 30นาทีผ่านไป กะเอาไข่ไก่มาตี นำมาทาหน้าขนม
โรยหน้าขนมด้วยเมล็ดธัญพืช
นำเข้าเตาอบ ใช้เวลาประมาณ25นาที พอสุกเอาออกจากเตาอบ มาพักให้เย้นบนตะแกรงจ้า...
ที่ติ๋มบ่ถ่ายภาพวิธีทำหลายๆภาพกะเพราะว่า การทำขนมปังทุกชนิด คล้ายๆกันจ้า





อันนี่ลูกชายขะน้อยเองบักลาย...ตอนแล้วบ่ไปไสนอนเฝ้าแม่เล่นเน็ต...คั่นแม่ย้ายไปนอนกะเข้าบ่อนนอนนำกันเลยจนซอดแจ้ง...
อ้วนๆ ติ๋มกะเฮ็ดบาป เอามานไปตอนกะยังว่า ส่างเฮ็ด....



อันนี่ข้าวเที่ยงจ้า ข้าวซ้อมมือหุงผสมถั่วต่างๆต้มสุก มีถั่วขาว ถั่วแดง ถั่วดำ ถั่วเขียว งาดำคั่วหอมๆ
กินกับกะเพราเนื้อติดเอ็นเผ็ดๆแหน่จักหน่อย โอ้...แซบพอแล้วสวยอยู่จ้า....
บ่อยากตั้งหลายกระทู้...แต่กะภูมิใจนำเสนอ...อาหารเพื่อสุขภาพจ้าพี่น้อง.....

[เเมงสะดิ้ง]

โอ๊ย...
ซ่างมากล้าทำร้ายร่างกายกันยามเดิ่กจั่งซี่น๊อ
หิว...

[ศรีทนได้]

โอ้ย เสี่ยว คือมาเอ้ดปาบกันเเท้ หิวเด้ ส่งมา
ทางโคเปนเเน่ หมอ

[sompoi]

บะ เข้าท่าอิหลีตั้วะล่ะ จานสุดท้ายนิแม่ะ..

[pui.lab]

ผัดกระเพราเนื้อ ของโปรดจ้า

แต่ว่าถามแน๊ติ๋ม แล่วเอาบักหลายไปตอนเฮ็ดหยังนิ ผู้สาวข้างบ้านหลายติ้ ถึงพาไปตอน อิ อิ

[หนุ่มเหงาคนไกลบ้าน]

พี่ติ๋มตัวนอนอยู่หั่นเป็นตาเเซบน้อครับอิอิ อยากนามเด่น้อมาทำสู่น้องกินเเน่เด้อครับ

[ปีใหม่]

จานสุดท้ายน่ากินจ้าพี่ติ๋ม ขนมปังกะกาแฟเนาะ บ่ายๆๆแบบนี้เนาะดีขนาดดดไปหากาแฟกินซักแก้วดีฟ่า อิอิ

[สาวผู้ฮ้าย]

แนะดูแลสุขภาพดีน้อ

ทางพี้ คือมาจัง ทำลายแต่สุขภาพแท้ ล่ะหือ

รวมพลกันยามได๋ เช้ามาฮอดบ่อยากลุก อิอิ

แซ่บๆๆๆ ขอจักก้อนแนเด้อจ้า เอื้อยติ๋ม ขนม

หน่อย มักกินกาแฟ ดอก เห็นขนมปังแล้ว

บ่ต้องกินข้าวเลย กาแฟ จักถ้วย มีแฮงเด้อ

จ๊วบๆๆๆ

[nuzing]

เอ๊า กิน กินแล้วกะไปฟิตเน๊ต ๆแล้วกะมากิน ฮ่าๆๆๆๆ มีแต่แนวแซบๆ
แมวบักลายจั๊กจานแหน่มาเด้อๆ"บ่าวหล่อ"ยายสิพากินแมว อิอิ

[ติ๋ม เปอร์โย]

ลองเอาไปเฮ็ดกินเบิ่งเด้อจ้า ธัญพืช กินชินแล้วกะแซบดีอยู่ แต่เริ่มกินบางอย่างกะสิเป็นแหง๋ๆกะยังว่า...อิอิอิ

เจ๊ที่รัก...ที่ติ๋มตอนบักลายนั่นกะย่อนมานติดสาว ไป3-4มื้อกะบ่กลับบ้าน ติ๋มย่านมานหายไปคือบักแบล็คกี้นะจ้ากะเลยตอน
อีกอย่างกลับบ้านมากะมีแผลเต็มโตมาให้ทายา มี2ครั้งได้ไปหาหมอผ่าตัด แผลอักเสบจ้าเจ๊ เข้าใกล้กะบ่ได้
มานมักไปตีกันแย่งผู้สาว...ถ้ามานชนะมากะไคแหน่ อันนี่เจ็บมาทุกครั้ง จับไปตอนสา ทีนี่ฮักแม่คนเดียวบ่ไปไส

หน่อยเอ้ย 30อัพแล้วระบบเผาผลาญกะบ่ค่อยทำงาน กะเลยหันมาดูแลสุขภาพแหน่จักหน่อย
หลูโตนเครื่องในเจ้าของนี่หละ ทำงานหนักมาตลอด อิอิอิ....