แกงขี้เหล็กใส่หอยขม

[นู๋น้อย]

c06: ใกล้เที่ยงละมาเด้อพี่น้องกินข้าวกะแกงขี้เหล็ก นำกันจร้า.....

:l- มาอีกแล้ว เมนูบ้านๆ อาหารตามมีตามเกิด 555555
มื้อนี้มีแกงขี้เหล็กมาฝากพี่น้องจ้า ใส่หอยขมนำ ไข่มดแดง และแมงจี่หรีดน้อยพร้อม
วิธีปรุงบ่ยากจร้า ลองทำตามนี้เลย

เริ่มที่ไปตลาดหรือหาย่างเก็บยอดขี้เหล็กอ่อนๆ มาต้ม เอารสขมๆออก แต่ถ้าไปซื้อในตลาด
กะเลือกเอาที่อ่อนๆเด้อจ้า เพราะแม่ค้าบางรายจะเอาใบแก่ผสมใส่นำ กินยากบ่แซบอักตะหาก
นี้นู๋น้อยไปซื้อมา เลือกเอาใบแก่ๆออก เอามาต้มอีกเทื่อเพื่อล้างรสขมๆออก จร้า (ตามภาพ)



แล้วกะเตรียมเครื่องเคียง ให้พร้อม เริ่มที่ หอยขม(หอยจุฟ) หาได้ตามห้วยหนองทั่วไปหรือตามตลาด
ขายอาหารอิสาน เอามาแช่ไว้แล้วล้างน้ำให้สะอาด ต่อยก้นหอย(เพื่อความสะดวกในการกิน)5555 (ตามภาพ)



และเครื่องเคียงยังมีอีก อย่างที่หาซื้อได้ในยามนี้นู๋น้อยเลือก
ไข่มดแดงกับแมงจี่หรีดน้อย(เพราะมักกิน) เลือกเอาที่สดๆเด้อจ้า
บางเจ้าแช่น้ำแข็งไว้ดน ไข่มดแดงจะลีบ หรือ จี่หรีดอาจมีกลิ่น
บ่แซบค่ะ ต้องเลือกดีๆ เลือกไข่มดแดงที่เม็ดเต็มๆ จี่หรีดที่บ่มีกลิ่นเหม็น :l-
(ตามภาพ)



เตรียมเครื่องเสร็จแล้วกะลงมือปรุงกันเลย จ้า
เติมน้ำใส่ยอดขี้เหล็กที่ต้มอีกจัก 1 ถ้วยโดยประมาณ ยกหม้อตั้งไฟปานกลาง
เดือดละใส่หอยลงไป พร้อมเกลือป่นจักนิด
พริกจักหน่อยจ้าเพื่อความอร่อย 5555555



ระหว่างนี้คนเรื่อยๆ พ่อบอกว่า เวลาจุฟหอยจั่งจุฟง่าย
ฮ่าๆๆๆเฮ็ดตามที่พ่อสอนทุกอย่างพอคนจนแน่ใจว่าหอยสุกแล้วกะใส่ไข่มด
จี่หรีดน้อยลงไป ใส่ผักชีลาวกะต้นหอม ตามด้วยปลาร้า ผงชูรส
ทิ้งไว้พักหนึ่งก่อนจ้า อย่าฟ้าวคน รอให้ไข่มดแดงสุกก่อนจ้า :l-

ชิมเบิ่งแล้วแซบถืกปาก กะยกลงจากเตา ตักใส่ถ้วยพร้อมเสิร์ฟ



สุกแล้วหน้าตาเป็นแบบนี้ น่าอร่อยไหม แซบๆเด้อค้า 5555 :l-



ปล.ไม่ใส่น้ำปลาเพราะใส่เกลือแล้ว จ๊่ะ ทีนี้ก็หาข้าวเหนียวร้อนๆมา
ตั้งวงกินข้าวเที่ยวกันเด้อจ้า
โปรดดูอีกครั้งเพื่อความแน่ใจว่าเป็น แกงขี้เหล็กใส่หอยขม :l-

:1-:1-

[บ่าวจัย]

อ้ายมาจูบก่อนหมู่เลย พอดีกำลังหิวข้าวเที่ยงน้องนู๋ แกงขี้เหล็กใส่บักหอยจูบกันเข้าไปพี่น้อง

[บักขามป้อม]

ป้าดดดด คนดื้อเอ๊ย แกงหม้อนี้มูลค่าหลายบาท มีตะแนวหายากๆ ไข่มดแดง หอยจูบ จี่หรีด โอยยย ทรมาณคนหากินยากแท้ เป็นตาแซบหลายๆ เด้อแม่ครัวเอ๊ย

[สาวเมืองกะสิน]

เป็นตาแซ่บเน๊าะจ้า กินข้าวเที่ยงอิ่มแล้ว เข้าเห็นกะอยากกินนำอีกอยู่ ขอถ้วยหนึ่งจ้า
แกงขี้เหล็กซื่อๆบ่ใส่หยังกะแซ่บคือก้นจ้า แนวมัก
แต่ว่าบ่เคยกินแกงใส่ไข่มดแดงเลย รสชาดเป็นแนวได๋น้อ
ขอไข่มดแดงไปทอดใส่ไข่หอมๆๆซะจ้า เสียดายแหม อิอิ เอาไปแกงใส่ขี้เหล็ก

[บ่าวต้อม]

พอดีเลยกินข้าวเที่ยงมื้อนี้

เป็นตาแซบหลาย

[Shadow007]

ว๊าวววววววววววววววหญิง เป็นตาแซบแท่ะ
แม่ครัวกะน่ารักอิอิ โอ้ยยยย....มักแล้วล่ะ

[บ่าวห้วยละโอง]

อ้ายมาจูบก่อนหมู่เลย พอดีกำลังหิวข้าวเที่ยงน้องนู๋ แกงขี้เหล็กใส่บักหอยจูบกันเข้าไปพี่น้อง

ไปกินก่อนหมู่นั่นนอนตื่นละบ้อนั่น จ่งไว้ให้กินนำแหน่เด้อ

[ไก่น้อย]

โอ่ๆๆเป็นเมนูแปลกใหม่ยุเดะนิ เอื้อยไก่บ่เคยรับปะทานแกงไข่มดใส่ผักขิเหล็ก 555+ คือสิเข้ากันดีเนาะหล่า อ่อมไข่มดแดงใส่หอยจุ๊บนำ ซวดๆให้แม่ครัวใหม่จากเมืองศรีเกษ จ้า

[บ่าวน้อยยโส]

ใส่ไข่มดแดงแบบนี้ยังบ่เคยลองแต่กะเป็นตะแซบไปอีกแบบครับขอจูบบักหอยนำเด้อ

[ผู้ก่อการรัก]

ให้แม็กกี้กินนำจ้า ขอข้าวสวยร้อนๆ เนาะ ปลาทอดอีกสักชิ้น โอ๊ยยย อิ่ม