หลังจากที่ได้พาพี่น้องบ้านมหาไปเลาะเล่นสถานที่แรกที่ไปเที่ยว ดิสนี้ เรียบร้อยแล้ว มื้อนี้จอยสิพาพี่น้องไปเที่ยว Magic Kingdom เป้นสถานที่ที่เด็กน้อยหลายๆๆจ้า มีของเล่นสำหรับเด็กน้อย ผู้คนพากันไป ไปถ่ายรูปชุดที่กาตูนเพิ่นใส่แสดงหนังกาตูนส่วน เดียวสิพาเลาะเลยเด้อจ้า
พอเข้าไปก็สิเห็นอันนี้ก่อนเลย งามๆๆจ้าพี่น้อง เห็นแล้ว สะออนคักสะ เด่นที่สุดเลยจ้าเสียดาย ตอนไปนั้นเขาทันเปิดให้เข้าไปทางในจ้า เลยอดได้รูปสวยๆๆมาฝากพี่น้องจ้อย
เข้าไปได้จักหน่อย ก็สิพ้อของเล่นหล่ะบาดนิ สำหรับเด็กน้อย ผู้ใหญ่ก็เล่นคือกัน จอยดีแน่ไปเที่ยวนี้ ลูกสาวพ่อใหญ่ไปนำเลยบ่ยากคนพาลูกชายจอยขี่ของเล่น 5555
เอาแบบคร่าวๆๆเอาเนาะจ้าพี่น้อง
รูปนี้เด้อจ้าพี่น้อง นั่งเรือ ขึ้นไปถึงยอดแล้วเขาก็สิปล่อยลงมาจ้า สูงเติบ จอยบ่เล่นนำดอกแนวนี้หัวใจสิวายตาย ฮ่าๆๆๆๆ เปียกก็พ้องกัน มีแต่ลูกชายกะลูกสาวกะเอื้อยเขาไปเล่น
บาดนี้ พาพี่น้องไปต่อ เด้อจ้าHollywood Studios เพิ่นสิจำลองสถานที่ถ่ายทำการแสดงหนังมาไว้นี้อีกคือกัน หนังบางเรื่องก็ถ่ายทำยุหม่องนี้ สวยงามจ้า เลยเอามาฝากพี่น้อง
เบิ่งเอาเลยจ้า สวยงามคือจอยว่าบ่อ บางรูปนั้น เป็นฉากเด้อจ้า เพิ่นวาดเอา แต่ออกมาคือของจริงเลยจ้า
อดบ่ได้จ้าเลยขอถ่ายนำจักรูปแน่ แดดๆๆจ้า แต่ก็อยากมีภาพเก็บไว้เป้นที่ระลึก พะนะ
รูปนี้ นิวยอก กับ ซานฟรานซิสโก ฮ่าๆๆๆๆๆกับรัฐยังแน่ จอย ก็จำบ่ได้จ้า เขียน ชื่อ ถึกบ่ดอก
รูปนี้ วิว รอบๆๆ เด้อจ้าพี่น้องจ้า พี่น้องเห้นหม่องตึกสูงๆๆบ่จ้า เข้าไปทางในนั้นเป้นของเล่นเด้อจ้า เขาให้นั่งเป้นแถวจ้า แล้วเขาก็สิเลื่อนขึ้นไปจนสุดอีกหล่ะ แล้วก็ปล่อยลงมาจ้า
บาดนิปิดท้ายด้วยการโชว์ความเร็ว เทคนิค ของ รถในการถ่ายทำหนัง การต่อสู้ตอนขัขรถเด้อจ้า หม่องนั่งเบิ่ง คือ ยามเฮาเข้าไปเบิ่งฟุตบอลเลย คนหลายๆๆจ้า
สำหรับมื้อนี้ส่ำนี้ก่อนเนาะจ้า พี่น้อง ยังเหลือ อีกหนึ่งสถานที่จ้าเดียว จอย สิเอามาโพสสู่พี่น้องเบิ่งอีกเด้อจ้า
Bookmarks