มื้อนี้เอานึ่งปลามาต้อนพี่น้องครับ ไผ๋บ่ทันกินข้าวกะมาเด้อครับบ่าวจัยเฮ็ดหน่อยๆเค็ม
มาทันกะได้กิน มาบ่ทันได้ล้างถ้วยเด้อครับพี่น้อง อันนี้ปลาบ่าวจัยไปซิดมาเองครับบ่ได้ซื้อเขาเด้อิอิอิ
หลังจากจกปลาออกมาจากตู้เย็นแล้วกะเลือกเอาตะโตที่คิดว่ากินอิ่มคนเดียวเนาะครับ
บ่าวจัยยุผุเดียวบ่ต้องเฮ็ดหลายดอกนึ่งโตเดียวกะกินบ่เบิ่ดครับ
ผักเครื่องเคียงกะมีบักบวบ หมากแข่ง ผักกาดเขียว หมากเงี้ยว นึ่งหมากพริกไว้ตำแจ่วนำครับ
จัดการเอาขึ้นซึงนึ่งให้สุกครับ
สุกแล้วครับมาเด้อบาดนี้ไผ๋อยากกินนึ่งปลานำบ่าวจัย ตำแจ่วหมากพริกดิบนำ
สุดท้ายฝากสาระไว้จักหน่อยเนาะครับ ช่วงนี้อากาศแห้งอย่าสิพากันเผาป่าเด้อครับ
มันสิลามไปไหม้บ้านไหม้เมืองเพิ่นเด้สิหาว่าบ่บอก
Bookmarks