กำลังแสดงผล 1 ถึง 6 จากทั้งหมด 6

หัวข้อ: มหานที..กำลังสิ้นมนต์

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    มหานที..กำลังสิ้นมนต์

    "แม่โขง" มหานทีก้วง ไหลหล่วงจากหิมาลัย
    สายน้ำใสไหลเซาะ เลาะเลียบภูสู่แดนด้าว
    เส้นทางยาวสุดบั้น สี่พันกว่ากิโลเมตร
    เหตุกำเหนิดเกิดเผ่าเซื้อ เหลือล้ำสุดคณา
    เป็นมนตราแห่งสายน้ำ นำวิถีแห่งชีวิต
    แหล่งผลิตสถิตย์เนาว์ เผ่ามัจฉานานาเพศ
    หลายประเทศยังได้ใช้ แม่น้ำใหญ่แหล่งภักษา
    มวลหมู่ปลาแหล่งโปรตีน เลี้ยงชีวินคนหลายล้าน
    แหล่งอาหารในโลกนี้ อันดับที่เพียงเป็นรอง
    อันดับสองจากอเมซอน บ่อนทางอเมริกาใต้
    แล้วเหตุได๋เขาจั่งสร้าง เขื่อนขวางทางแม่น้ำใหญ่
    เพียงแค่ได้ใช้ไฟ น้ำเคยหลายเลยแห้งจ้อย ไหลหน่อยๆนับมื้อจาง
    ปลากะซ่างมาเหลือหน่อย ข่อยฟังข่าวหนาวอุรา
    สิ้นมนตราแห่งสายธาร ต้นตำนานแห่งสายน้ำ
    ฝากมาคลำคีงไข้ แม่น้ำใหญ่ให้แน่
    คันมียามาซ่อยแก้ ปัวแม่โขงเซาป่วยบ้าง สิเอาซ้างออกใส่คาย..พุ้นแหล่ว ท่านเอย..



    แง๊ แง๊ๆๆๆๆ อยากโพสรูป "แม่โขงน้ำแห้ง" ลงด้วย แต่..ทำไม่เป็น โอ๊ยยยย อยากตาย ฮ่าๆๆๆ ใครมีรูปแม่โขงช่วยลงให้ที ขอบคุณครับ..
    แก้ไขครั้งสุดท้ายโดย พลายแก้ว; 05-04-2010 at 11:07.

  2. #2
    น้องนัตถ์
    Guest
    :l-มาให้กำลังใจอ้าย อ่าจ้า ทุกสิ่งทุกอย่างกะเป็นไป ตามที่มันเป็น จ้า อิอิ:l-

  3. #3
    แบ่งปันความรู้และประสบการณ์ สัญลักษณ์ของ บ่าวโก้ เกียรติณรงค์
    วันที่สมัคร
    Jan 2010
    กระทู้
    102
    เขียนได้หม่วนหลายอ้าย แนมเห็นภาพแม่น้ำใหญ่เลยครับ น้องกะเฮ็ดบ่อเป็นคือกันหล่ะครับเอาภาพลงในกระทู้:l- เอ้า ผู่ใด๋เฮ็ดเป็นกะมาส่อยสร้างสีสันแหน่ครับ

  4. #4
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    สายนะทีคือสายน้ำ
    ไหลหลั่งกะแสสิน
    ไหลจากจีนลงไทย
    หลั่งไปทะเลก้วง
    เขาผัดหวงอยากได้น้ำ
    เอาเฮ็ดไฟไว้ใช้จ่าย
    บัดว่าผุยุไทย
    เขมรลาวพี่น้อง
    สิตายย้อนขอดกะแส.
    ............... แท้น้อจร้า เป็นกำลังใจเด้อจร้าอ้ายบ่าว

  5. #5
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1


    สายกระแสแวเลี้ยว เหลียวหลังแต่ครั้งก่อน
    สีทันดรหล่วงข่าม ล้านช้างหง่ามนามเวียงจันทร์
    แขวงสะหวันนะเขต จำปาสักถิ่นเฮาฮักปากเซผุ้น
    โขงชีมูลพูลเพิ่ม เคยเติมฝันสิพันเกี่ยว
    อีสานเขียวบ่เหี่ยวแห่ง สังมาแล้งกั่วแต่หลัง
    อุททะกังเคยหลั่งล้น กระแสชลจนเขินขาด
    ธรรมชาติอาจแปปี้น ถึงกาลสิ้นแหม่นะที

    ขอขอบคุณรูปภาพจากหมูหินดอทคอม
    แก้ไขครั้งสุดท้ายโดย pcalibration; 10-04-2010 at 16:21.

  6. #6
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    เว้ามาแล้วกะเศร้าเนาะอ้ายน่าเป็นห่วงคัก

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •